Yox 4:8 - Tupanaarü Ore

⁸ Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

Yox 4:8 Referans Kwoze

Ucu̱xẽgüchiga 22:8

Texé ya chixexü̃ ǘxe rü chixexü̃maxã tá tüxü̃́ naxãtanü. Rü yimá cua̱i̱xruxü̃ ya toguxena namaxã cunacua̱i̱xcane, rü yimamaxã tátama nixĩ ya Tupana i norü numaxã nüxna nacua̱i̱xcaãxü̃.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

2 Corintios 9:6

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!

Yeremía 4:18

Rü ñanagürü: —Ngẽma pecümagagu, rü ñu̱xũchi ngẽma chixexü̃ i pexügüxü̃gagu nixĩ i ngẽma pexü̃ ngupetüxü̃. Rü ngẽma perü chixexü̃ nixĩ i pexca̱x ínanguxẽẽxü̃ i ñaa guxchaxü̃ i poraãcü pexü̃ ngúxü̃ —ñanagürü ya Cori ya Tupana.

Yox 15:35

Rü nümagü rü guxchaxü̃ nax naxügüxü̃ca̱x nadaugü, rü ngẽmaãcü chixexü̃ naxügü rü nawomüxẽẽtaegü —ñanagürü ga Erifá.

Yox 15:31

Rü yíxema chixexü̃ üxe rü tama name i ngẽma tümaarü ngẽmaxü̃gü i natüca̱xmamare ixĩgüxü̃axü̃́ tayaxõ, erü ngẽma tümaarü ngẽmaxü̃gü rü tá tüxü̃ nawomüxẽxẽ rü ngẽmagagu chixexü̃wa taxũ.

Ucu̱xẽgüchiga 1:31

Nagagu i ngẽma pecüma i chixexü̃gü rü tá ngúxü̃ pingegü, rü düxwa tá namaxã penaxĩ̱xãchiãẽgü i ngẽma perü ĩnügü i chixexü̃.

Ichaía 17:11

Rü ngẽma ngunexü̃ i nagu penatoxü̃ i ngẽma penetügü rü mea nüxna pedau nax moxü̃ãcü naxüxü̃ca̱x. Natürü wüxi i ngunexü̃ tá naxca̱x ínangu i norü da̱xaweane i ngearü üxü̃ã́xü̃ rü pema rü tá ngúxü̃ pingegü i ngẽxguma pexü̃́ nayuegu.