Yox 4:6 - Tupanaarü Ore

⁶ Rü cuma nax aixcüma Tupanaaxü̃́ cupuracüxü̃ rü mecü ya norü duü̃ quixĩxü̃ ¿rü ñuxãcü i tama aixcüma nüxna curüyoexü̃ ya yimá curü Tupana?

Yox 4:6 Referans Kwoze

Ucu̱xẽgüchiga 3:26

Erü nüma ya Cori ya Tupana rü guxü̃gutáma cuxü̃tawa nangẽxma nax taxuca̱xma cumuü̃xü̃ca̱x, rü tá cuxna nadau nax tama ngürüãchi ta̱xacürü chixexü̃gu cunguxü̃ca̱x.

Ucu̱xẽgüchiga 14:26

Ngẽxguma Cori ya Tupanaga ixĩnüegu rü tüxü̃ ínapoxü̃, rü ngẽxgumarüxü̃ ta ínanapoxü̃ i taxacügü.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Yox 17:15

¿Rü ngextá tá nixĩ i nüxü̃ ichayangauxü̃ i wüxi i chorü ngu̱xẽxẽ? ¿Rü texé tá naxca̱x tadau i wüxi i mexü̃ i cha̱u̱xca̱x ixĩxü̃?

Yox 16:17

Rü ngẽmaãcü choxü̃ nangupetü woo taguma ñuxgu texémaxã chanuxgu rü woo guxü̃guma namexgu i chorü yumüxẽ.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Yox 13:15

Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Nüxíraxü̃xü̃ ga popera ga Pedru ümatüxü̃ 1:17

Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.

Wiyaegü 27:3

Rü woo muxũchixü̃ i churaragü choxü̃ íchomaeguãchigu rü taxuca̱xtama chamuü̃. Rü woo nügü ínamexẽẽgügu nax cha̱u̱xca̱x íyaxü̃ãchixü̃ca̱x rü taxuca̱xma chanaxĩ̱xãchiãxẽ.

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

Ichaía 33:6

Rü nüma ya Cori ya Tupana rü guxü̃gutáma cuxna nadau. Rü yíxema tümaãẽxü̃ cuáxe rü cua̱x tüxü̃́ ngẽxmaxe, rü ngẽma rü wüxi i tümaarü meruxü̃ i maxü̃wa tüxü̃ gaxü̃ nixĩ. Rü ngẽma nax Cori ya Tupanaga taxĩnüxü̃ rü wüxi i tümaarü meruxü̃ nixĩ.