Yox 4:3 - Tupanaarü Ore

^3-5 Rü cuma nax tüxü̃ cungúexẽẽxü̃ ga guxema muxẽma ga guxchaxü̃ tüxü̃ ngupetügüxe, rü tüxü̃ cuporaxẽẽxü̃ ga guxema turaxe, rü tüxü̃́ cunangúchaü̃xẽẽxü̃ nax ítarüdaxü̃ca̱x ga guxema rünguxe, rü tümamaxã cuporaxü̃ ga guxema rünguxchaü̃xẽ, natürü i ñu̱xma nax guxchaxü̃gü cuxca̱x ínguxü̃, rü cuma rü cungearü poraã̱x rü cumuü̃.

Yox 4:3 Referans Kwoze

Ichaía 35:3

Rü ngẽma turaexü̃ ¡rü penaporaãchitanüxẽxẽ! Rü ngẽma ipaexü̃ ¡rü nüxü̃ perüngü̃xẽxẽ!

Popera ga Yudíugü ga yaxõgüxü̃ca̱x ümatüxü̃ 12:12

Rü ngẽmaca̱x i pema nax pexme̱xwa rü peãpü̱xüwa pipaexü̃, rü name nixĩ i pegü peporaexẽẽãma.

Ore i mexü̃ ga Luca ümatüxü̃ 22:32

Natürü choma rü Chaunatüxü̃ cuxca̱x chaca̱a̱xü̃ nax tama nüxü̃ curüxoxü̃ca̱x nax cuyaxõxü̃. Rü ngẽmaca̱x i cumax, Pa Pedru, rü ngẽxguma cha̱u̱xca̱x cutaegu̱xgu, rü chanaxwa̱xe i nüxü̃ curüngü̃xẽxẽ i cumücügü nax tama nüxü̃ naxoexü̃ca̱x nax yaxõgüãxü̃ —ñanagürü.

Ucu̱xẽgüchiga 10:21

Rü yimá yatü ya mecümacü rü naã̱xwa ínaxũxũ i mexü̃ i ucu̱xẽgü tümaca̱x ya duẽxẽgü, natürü ngẽma tama naãxẽxü̃ cua̱xgüxü̃, rü norü chixexü̃gagu nayue.

Yox 16:5

Natürü i choma rü chi pemaxã nüxü̃ chixu i ore i namaxã pexü̃ chataãẽxẽẽxü̃ nax ngẽmaãcü pora pexna chaxãxü̃ca̱x.

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Ore i mexü̃ ga Luca ümatüxü̃ 22:43

Rü yexguma nayumüxẽgu rü wüxi ga daxũcüã̱x ga Tupanaarü orearü ngeruxü̃ rü naxca̱x nango̱x, rü nanaporaxẽxẽ.

Wenaxarü naxümatü ga Tupanaarü mugü 3:28

¡Rü naxuxcu̱xẽ i Yochué, rü nüxü̃́ nangúchaü̃xẽxẽ rü naporaxẽxẽ! Erü nüma tá nixĩ i duü̃xü̃gümaxã naxũxpe̱xeãxü̃, rü namaxã tá yapugüãxü̃ i ngẽma naane i ñu̱xma tá nüxü̃ cudauxü̃”, ñanagürü choxü̃.

Echequié 13:22

Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.

Ucu̱xẽgüchiga 16:21

Yíxema aixcüma cua̱x tüxü̃́ ngẽxmaxe rü duü̃xü̃gü tüxü̃ nixu nax tümaãẽxü̃ tacuáxü̃. Rü ngẽma ore i mexü̃ rü yexera tüxü̃́ nanangúchaü̃xẽxẽ nax mexü̃ taxüxü̃ ya yíxema nüxü̃ ĩnüxe.

Ucu̱xẽgüchiga 15:7

Ngẽma duü̃xü̃gü i cua̱x nüxü̃́ ngẽxmagüxü̃, rü mexü̃ i oremaxã nidexagü. Natürü ngẽma duü̃xü̃gü i naechitamare maxẽ, rü naãẽwa chixexü̃gu narüxĩnüe.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Colosenses 4:6

Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!

Édra 6:22

Rü 7 ga ngunexü̃ taãẽãcüma nanaxüchigagü ga paũ ga ngearü pu̱xẽẽruü̃ã́xü̃arü petachiga. Rü nüma ga Cori ya Tupana rü taãẽmaxã nanapagüxẽxẽ ga yema duü̃xü̃gü yerü Pérchiaanearü ãẽ̱xgacüãẽwa nananguxẽxẽ nax nüxü̃ nangü̃xẽẽxü̃ca̱x ga yema Yudíugü nax wenaxarü naxügüã̱xü̃ca̱x ga guma Tupanapata ga taxü̃ne ga Iraétanüxü̃arü Tupana.

Yox 29:11

Rü yexguma choxü̃ nadaugügu ga duü̃xü̃gü rüe̱xna namaxã chidexagügu, rü chomaxã nataãẽgü rü mexü̃ ga chauchiga nügümaxã nixugü.

Yox 29:15

Rü choma rü ñoma tümaxetügürüxü̃ chixĩ tümaca̱x ga guxema ingexetüxe, rü ñoma tümacutügürüxü̃ chixĩ tümaca̱x ga guxema ichixeparaxe.

Yox 29:16

Rü choma rü ñoma tümanatürüxü̃ chixĩ tümaca̱x ga guxema ngearü diẽruxã̱xgüe. Rü tümarü poxü̃ruxü̃ chixĩ tümaca̱x ga guxema to ga nachixü̃anewa ne ĩxẽ.

Yox 29:21

Rü guxü̃ma ga duü̃xü̃gü rü mea chauga naxĩnüe, rü inarüchianegü nax chorü ucu̱xẽxü̃ naxĩnüexü̃ca̱x.

Chofonía 3:16

Rü ngẽma ngunexü̃gu rü duü̃xü̃gü rü Yerucharéü̃cüã̱xgümaxã tá nüxü̃ nixu rü ñanagürügü tá: —¡Petaãxẽgü, Pa Chióü̃cüã̱xgü, rü taxṹ i pemuü̃exü̃! ¡Rü taxṹ i pegü peturaexẽẽxü̃!