Yox 4:21 - Tupanaarü Ore

²¹ Rü ngẽma norü maxü̃ rü ñoma wüxi ya tünüta ya iyoyexü̃rüxü̃ nixĩ. Rü nayu naxü̃pa nax cua̱xwa nanguxü̃.

Yox 4:21 Referans Kwoze

Yox 36:12

Natürü ngẽxguma tama naga naxĩnüegu rü ngürüãchi tá nayue rü naxmaxü̃gu tá nayanucu.

Yox 8:22

Natürü ngẽma curü uanügü rü ãne tá ningẽgü. Rü napatagü i ngẽma chixexü̃arü üruü̃gü rü wüxicana tá inayarüxogü —ñanagürü ga Biridá.

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Ichaía 14:16

Rü ngẽma duü̃xü̃gü i cuxü̃ daugüxü̃ nax ãmaxü̃gu quixücuchixü̃, rü tá ngéma cuxü̃ narüdaunü rü tá nüxna nacua̱xãchie ga yema cuxüxü̃, rü tá ñanagürügü: “¿Ẽ̱xna ñaachire̱x yixĩxü̃ ga yema yatü ga ñoma i naane idu̱xruxanexẽẽxü̃, rü guxü̃ma ga nachixü̃anegüxü̃ rüporamaexü̃, rü ñoma i naane rü nachica i chianexü̃ yanguxuchixẽẽxü̃, rü ĩanegü rüxoxẽẽgüxü̃, rü poxcuexü̃ tama ínguxü̃xẽẽxü̃?” ñanagürügü tá.

Ichaía 2:22

Rü ngẽmaca̱x tama name i perüxü̃ i duü̃xü̃gügu peyaxõgü, erü duü̃xü̃güarü maxü̃ rü ñoma yáxna rüngü̱̃xü̃rüü̃mare nixĩ nax paxa iyacuáxü̃.

Wiyaegü 49:20

Rü duü̃xü̃gü rü woo namuarü ngẽmaxü̃ã̱xgux, natürü tama namaxecha. Rü nayuama ñoma naeü̃gürüü̃tama.

Wiyaegü 49:14

Rü ngẽma yu nixĩ i namaxã icuáxü̃ i duü̃xü̃gü, erü naxmaxü̃wa nanagagü ñoma carnérugü i daiwa gagüxü̃rüxü̃. Rü duü̃xü̃gü rü napatagü ya imexẽchinearü yáxü̃gu rü naxmaxü̃gu tá niyixe i naxü̃negü. Natürü ngẽma ngunexü̃ i nagu yuwa ínadagüxü̃ i duü̃xü̃gü rü ngẽma mexü̃gu maxẽxü̃ rü tá ngẽma chixexü̃gu maxẽxü̃maxã inacua̱xgü.

Wiyaegü 39:11

Rü cuma rü cuyaxucu̱xẽ rü cuyacua̱i̱xgü i ngẽma duü̃xü̃gü i chixexü̃gu maxẽxü̃. Rü ñoma nawerüxü̃ cunaxüte̱xe i ngẽma yexeracü nüxü̃́ ngúchaü̃xü̃. Rü wüxichigüarü maxü̃ rü ñoma wüxi i ngü̃ãcüürüxü̃ nixĩ.

Wiyaegü 39:5

Erü ñaa maxü̃ i choxna cuxãxü̃ rü aixcüma nanuxũ. Rü cupe̱xewa rü chorü maxü̃ rü wüxi i paxaãchica̱x nixĩ. Rü wüxichigü i duü̃xü̃arü maxü̃ rü ñoma wüxi i ngü̃ãcüürüxü̃ nixĩ.

Yox 18:21

Rü ngẽmaãcü ngẽxma nayagu̱x i norü maxü̃ i ngẽma duü̃xü̃ i chixexü̃gu maxü̃xü̃ i tama Tupanaxü̃ cuáxchaü̃xü̃ —ñanagürü ga Biridá.

Ucu̱xẽgüchiga 5:23

Ngẽma duü̃xü̃ i tama ucu̱xẽ yaxuxü̃ rü ngẽmagagu tá yuwa naxũ, rü ngẽma norü ngeãẽgagu rü tá inayarütaxu.