Yox 3:8 - Tupanaarü Ore

⁸ Rü ngẽma yuüxü̃gü ga Lebiatáü̃maxã icua̱xgüxü̃ rü chierüx chixexü̃ namaxã naxuegugügu ga yema ngunexü̃ ga nagu chabuxü̃.

Yox 3:8 Referans Kwoze

Yox 41:1

Rü nüma ga Tupana rü ñanagürü ta: —Ngẽma yewaxe ¿rü cuxca̱x rü wüxi i poxwamaxã icuyayaxuxü̃? ¿Rü cuxü̃́ natauxchaxü̃ nax wüxi i naxĩnütamaxã cunawẽxarü conüã́xü̃?

Yox 41:10

Rü ngẽxguma texé nachixewegu rü nüma rü nanu. Rü taxúema tapora nax naxca̱x tixũamaxü̃.

Ore i mexü̃ ga Márcu ümatüxü̃ 5:38

Rü yexguma guma ngutaque̱xepataü̃arü ãẽ̱xgacüpatawa nangugügu, rü Ngechuchu nüxü̃ nadau nax íyacuxcuxü̃ rü poraãcü aita naxüeãcüma naxauxexü̃ ga duü̃xü̃gü.

Ore i mexü̃ ga Matéu ümatüxü̃ 11:17

‘Marü wowerumaxã pexca̱x tapaxetagü, natürü tama ípixü̃ãchitanüxü̃. Rü marü ngechaü̃ i wiyaegu pexca̱x tawiyaegü, natürü tama pexauxe’, ñagüxü̃. Rü ngẽma buxü̃gürüxü̃ nixĩ i ñaa duü̃xü̃gü.

Amúx 5:16

Rü ñanagürü ya Cori ya Tupana ya Guxãétüwa Ngẽxmacü: —Ngẽxguma tá ngéma chaxũxgu nax chayapoxcuexü̃ca̱x i ngẽma duü̃xü̃gü i chixexü̃gu maxẽxü̃ rü guxü̃ ya ĩanegüarü plazagüwa rü duü̃xü̃gü tá naxauxe. Rü namagüwa rü duü̃xü̃gü rü tá nixaixcha erü poraãcü nüxü̃́ nangu̱x. Rü tá tümaca̱x nangema ya yíxema naanewa puracüexe. Rü ngẽxgumarüxü̃ tá ta naxca̱x nangema i ngẽma auxewa diẽru ngĩxü̃ yauxgüxü̃. Rü guxü̃ma i úbanecügüwa rü tá naxauxe i duü̃xü̃gü i ngẽxguma petanüwa chaxũxgu nax pexü̃ chapoxcuexü̃ca̱x —ñanagürü ya Cori ya Tupana.

Yox 41:25

Rü ngẽxguma nügü nango̱xẽẽgu i ngẽma yewaxe rü namaxã naba̱i̱xãchie i ngẽma duü̃xü̃gü i poraexü̃ rü muü̃maxã nibuxmü.

Norü taxre ga to ga popera ga ãẽ̱xgacügüchiga ümatüxü̃ 35:25

Rü nüma ga Yeremía rü nanaxümatü ga wüxi ga wiyae ga Yochíaarü yuxchigagu ixuxü̃. Rü yexguma naxümatügucürüwa ga yema wiyae rü nüma ga Iraétanüxü̃ ga wiyaetanüxü̃ ga iyatüxü̃ rü ngexü̃gü rü nagu nawiyaegü ga yema wiyae. Rü ñu̱xma rü ta rü Iraéanewa nagu nawiyaegü i ngẽma wiyae. Rü ngẽmaãcü nüxna nacua̱xãchie ga Yochíaarü yu. Rü ngẽma wiyae rü ngechaü̃ i wiyaegüpanegu nixĩ i naxümatüxü̃.

Yox 3:7

Rü chierüx wüxi ga chütaxü̃ ga taxuxü̃ma nagu ngóxü̃ yixĩxgu rü wüxi ga chütaxü̃ ga taxúema nagu taãẽxü̃ yixĩxgu.

Yox 3:9

Rü chierüx taxũchima yema pa̱xmama ẽxtagü ibáixgügu rü taxũchima üa̱xcü nangóonexẽẽgu rü taxũchima texé nüxü̃ da̱u̱xgu nax yangóonexü̃.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.