Yox 3:16 - Tupanaarü Ore

¹⁶ ¿Rü tü̱xcüü̃ tama yíxema tümaéanügu yuexü̃rüxü̃ choxü̃ inata̱xgü, ñoma buxe ya yuãcü íxraxerüxü̃?

Yox 3:16 Referans Kwoze

Wiyaegü 58:8

¡Rü ñoma wüxi i meru i yarüxoxü̃rüxü̃, rü ñoma wüxi i buxü̃ i naéanügu yuxü̃ rü taguma ngóonexü̃xü̃ dauxü̃rüxü̃ yaxĩxẽxẽ!

Ngu̱xẽẽtaeruü̃arü ore 6:3

Rü wüxi ya yatü rü woo 100 i nane nüxü̃́ ngẽxmagu rü ñu̱xũchi mucü ya taunecü namaxü̃gu, natürü woo yimá mucü ya taunecü namaxü̱̃xgu rü taxuwama nüxü̃́ name ega tama mexü̃gu ínamáxü̃xgu rü ngẽxguma nayu̱xgu tama inata̱xgu. Rü choma nüxü̃ chixu rü wüxi i buxü̃ i yuãcü íxraxü̃ rü ngẽma yatüarü yexera nataãxẽ.

1 Corintios 15:8

Rü düxwa chowa inayacua̱x ga cha̱u̱xca̱x rü ta nax nangóxü̃, woo ngürüãchimare nixĩ ga yema, ngẽxgumarüxü̃ i wüxi i buxü̃ i taxũtáma norü ngunexü̃wa nanguyane buxü̃rüxü̃.

Yox 3:17

Rü ngẽma chixexü̃arü üruü̃gü rü ngẽxguma nayuegu nixĩ i yacuáxü̃ nax chixexü̃ naxügüxü̃. Rü ngẽma ipaexü̃ rü ngẽxguma nayuegu nixĩ i nangü̃güxü̃.

Yox 10:19

Rü narümemae chi nixĩ nax taguma chamaxü̃xü̃ rü chauéanüwa noxtacüma naxmaxü̃wa chaxũxü̃.

Wiyaegü 58:9

Rü ngẽma chixexü̃gu maxẽxü̃ rü name nixĩ nax naechita paxa nayuexü̃ ñoma chuchuxü̃gü i paxa ixaxü̃rüxü̃. Rü name nixĩ nax buanecü ya poracü yangexü̃güxü̃.

Ngu̱xẽẽtaeruü̃arü ore 4:3

Rü ngẽma yuexü̃ rü ngẽma maxẽxü̃arü yexera taãẽwa nangẽxmagü, rü ngẽma õxchanagü i tauta ñoma i naanegu buexü̃ rü taãẽwa nangẽxmagü erü tauta nüxü̃ nadaugü i ngẽma chixexü̃ i ñoma i naanewa naxügüxü̃ i duü̃xü̃gü.