Yox 27:3 - Tupanaarü Ore

^3-4 Rü ñu̱xma nax Tupana maxü̃ choxna ãxü̃ rü tagutáma ta̱xacürü chixexü̃maxã tá chidexa. Rü chorü conü rü taxũtáma doraxü̃ nixu.

Yox 27:3 Referans Kwoze

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Yox 33:4

Rü Tupana ya Guxãétüwa Ngẽxmacü nixĩ i choxü̃ ngo̱xẽẽcü rü choxü̃ maxẽẽcü.

Ichaía 2:22

Rü ngẽmaca̱x tama name i perüxü̃ i duü̃xü̃gügu peyaxõgü, erü duü̃xü̃güarü maxü̃ rü ñoma yáxna rüngü̱̃xü̃rüü̃mare nixĩ nax paxa iyacuáxü̃.

Yox 32:8

Natürü tama ngẽma nax namuarü taunecüã́xü̃gagu nixĩ nax wüxi ya yatü cua̱x nüxü̃́ ngẽxmaxü̃. Erü yimá Tupana ya Guxãétüwa Ngẽxmacü nixĩ ya inaxãcü i wüxíechigüarü cua̱x.

Ngechuchuarü ngúexü̃gü ga yamugüxü̃arü puracüchiga 17:25

Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.

Yox 12:10

Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.