Yox 26:7 - Tupanaarü Ore

⁷ Rü ngextá taxuxü̃ma íyexmaxü̃wa rü Tupana rü nayangeechi ga dauxü̃guxü̃ ga naane. Rü ngextá taxuxü̃ma íyexmaxü̃gu Tupana nanachü̱xẽxẽ ga ñoma ga naane.

Yox 26:7 Referans Kwoze

Yox 9:8

Rü taxúearü ngü̃xẽẽmaxã nixĩ ga Tupana ga yangeechiãxü̃ ga dauxü̃guxü̃ ga naane. Rü nüma rü namaxã inacua̱x i ngẽma már arü yuapegü.

Ichaía 40:22

Rü nüma ya Tupana rü ngẽma naanexü̃ idüxüxü̃arü dauxü̃waama nangẽxma i norü tochicaxü̃. Rü ngéma duü̃xü̃güxü̃ nadau nax ñoma munügürüxü̃ yaxĩgüxü̃. Rü nüma nayangexechi i ngéma dauxü̃wa ngẽxmaxü̃ rü nayatexechi i ngẽma dauxü̃wa nüxü̃ idauxü̃ ñoma wüxi ya ĩpata ya naxchirunaxca̱x itexechixü̃rüxü̃.

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Wiyaegü 24:2

Yerü nüma nixĩ ga naxüaxü̃ ga ñoma ga naane. Rü nüma nixĩ ga naxüchicaaxü̃ ga márgü rü taxtügü nax yemaacü nangóxü̃ca̱x ga paanexü̃.

Ichaía 40:26

¡Dücax, daxũguxü̃ i naanegu perüdaunü rü nüxü̃ peda̱u̱x! ¿Rü texé tixĩ ya naxǘxe i guxü̃ma i ngẽma nüxü̃ pedauxü̃? Rü nüma ya Tupana nixĩ ga mea inanucü ga wüxichigü ga yema ẽxtagü rü woramacurigü rü ñu̱xũchi wüxichigü rü naégamaxã nüxna naca. Rü nataxüchi i norü pora rü mea guxü̃maxã inacua̱x, rü ngẽmaca̱x taguma wüxi i ẽxta natauxchica.

Yox 38:6

¿Rü ta̱xacüétügu nixĩ ga naxüxü̃ ga ñoma i naane? ¿Rü texé tayaxǘcuchi ga guma nüxíraü̃cü ga nuta ga naétügu naxücü ga ñoma i naane yexguma wüxigu nawiyaegügu ga gumá ẽxtagü, rü guxü̃ma ga chorü orearü ngeruü̃gü i dauxü̃cüã̱x taãẽmaxã aixta naxüegü?

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Chacaría 12:1

Ñaa nixĩ i Cori ya Tupanaarü ore nachiga i Iraétanüxü̃. Rü nüma ya Cori ya Tupana nixĩ i nango̱xẽẽãxü̃ i daxũguxü̃ i naane rü naxüaxü̃ i ngẽma ñoma i naane nagu üxü̃ rü yatüna maxü̃ naxãxü̃, rü ñanagürü:

Wiyaegü 89:13

Rü yima cuchacüxü rü naporaxüchi. Rü yima curü tügünechacüxü rü napora rü yimamaxã nüxü̃ curüporamae i ngẽma cumaxã rüxuanügüxü̃.

Ichaía 40:21

Rü dücax ¿tama ẽ̱xna nüxü̃ pecua̱x nax taétüwa nangẽxmaxü̃ ya Tupana? ¿Rü taguma ẽ̱xna nüxü̃ pexĩnüe ga yexguma nachiga yadexagügu? ¿Rü tama ẽ̱xna noxri pebuegutama texé pemaxã nüxü̃ tixuchiga? ¿Rü tama ẽ̱xna nüxü̃ pecua̱xgüéga nax texé yixĩxü̃ ga noxri naxüxü̃ ga ñoma ga naane?