Yox 26:3 - Tupanaarü Ore

³ ¿Ẽ̱xna cuma nagu curüxĩnügu rü ngẽmaãcü nixĩ i namexü̃ nax tüxü̃ cuxucu̱xẽxü̃ ya yíxema taxuxü̃ma cuáxe? ¿Ẽ̱xna ngẽmaãcü yixĩxü̃ i cunawéxü̃ i wüxi i cua̱x i cuãxẽwa nguxü̃?

Yox 26:3 Referans Kwoze

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Ngechuchuarü ngúexü̃gü ga yamugüxü̃arü puracüchiga 20:20

Rü taguma íchayachaxãchi ga pemaxã nüxü̃ nax chixuxü̃ ga guxü̃ma ga yema ore ga perü mexü̃ca̱x ixĩxü̃. Rü guxü̃ ga duü̃xü̃güpe̱xewa, rü pepatagüwa rü ta pexü̃ changúexẽxẽ ga yema ore.

Yox 38:2

—¿Texé quixĩ i cumax rü ngẽmaca̱x tama cunayaxuxü̃ i ngẽma chorü ucu̱xẽgü? Rü curü dexawa nixĩ i nangóxü̃ nax cuxü̃́ nataxuxü̃ i curü cua̱x.

Yox 33:33

Rü ngẽxguma marü nataxuxguma i ta̱xacü i nüxü̃ quixuxchaü̃xü̃ rü chanaxwa̱xe nax mea choxü̃́ icurüxĩnüxü̃. Rü choma rü tá cuxü̃ changu̱xẽxẽ nax ñuxãcü tá cua̱x cuxü̃́ ngẽxmaxü̃ —ñanagürü ga Eriú.

Yox 33:3

Rü ore i aixcüma ixĩxü̃maxã tá chidexa. Rü aixcüma tá cumaxã nüxü̃ chixu i ngẽma nagu charüxĩnüxü̃.

Yox 17:10

Natürü nua pexĩ i guxãma i pemax. Rü petanüwa taxũtáma nüxü̃ ichayangau i bai i wüxi i aixcüma naãẽxü̃ cuáxü̃.

Yox 13:5

Rü ngẽxguma chi iperüchianegügu i pemax rü chi duü̃xü̃gü i cua̱xwa ngugüxü̃ pixĩxgü.

Yox 12:3

Natürü choxü̃́ rü ta nangẽxma i cua̱x rü taxuwama choxü̃ perü yexeragü. ¿Rü texé tama nüxü̃ cuáxe i ngẽma nüxü̃ pixuxü̃?

Yox 6:13

Rü ngẽmaca̱x taxucürüwa chaugünatama pora chaxã. Rü taxúema texé choxü̃ taporaxẽxẽ.

Yox 26:4

¿Rü texéarü ngü̃xẽẽmaxã yixĩxü̃ i nüxü̃ quixuxü̃ i ngẽma curü ore? ¿Texé cuwa tananguxẽxẽ i ngẽma ĩnü nax ngẽmaãcü quidexaxü̃ca̱x? —ñanagürü ga Yox.