Yox 26:11 - Tupanaarü Ore

¹¹ Rü ngẽxguma nanuxgu ya Tupana rü muü̃maxã nadu̱xruxãchitanü ya yima ma̱xpǘnegü ya caixanexü̃tüxü̃wa ngẽxmagüne.

Yox 26:11 Referans Kwoze

1 Chamué 2:8

Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

Wiyaegü 18:7

Rü yexguma rü poraãcü naxĩã̱xãchiane. Rü guma ma̱xpǘnegü rü naxĩã̱xãchitanü. Rü Cori ya Tupanaarü numaxã nixĩãtanücüxü.

Yox 15:15

Rü nüma ya Cori ya Tupana rü tama nüxü̃́ nayaxõ i woo ngẽma norü orearü ngeruü̃gü i daxũcüã̱xgü erü woo nümagü rü ta ñuxguacü rü ínatüe. Rü bai i ngẽma dauxü̃guxü̃ i naane rü aixcüma nape̱xewa namexü̃, rü yexera taxũtáma nüxü̃́ nayaxõ i ngẽma yatü i chixexü̃gu maxü̃xü̃ rü chixexü̃gu rüxĩnüxü̃ ñoma ita̱xawa̱xgu rü dexágu rüxĩnüxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

2 Chamué 22:8

Rü yexguma rü naxĩã̱xãchiane. Rü naxĩã̱xãchitanü ga ma̱xpǘnegü yerü nüma ga Cori ya Tupana rü norü numaxã nanaxĩã̱xãchixẽxẽ.

Yox 26:10

Rü márwa nanango̱xẽxẽ i ngẽma üyeane nax tama nügüna chopetüxü̃ca̱x i ngẽma ngóonexü̃ namaxã i ngẽma ẽanexü̃.

Yox 26:12

Rü norü poramaxã mármaxã inacua̱x rü norü cua̱xmaxã nayama̱x ga yema ngo̱xo ga Raá.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.