Yox 26:10 - Tupanaarü Ore

¹⁰ Rü márwa nanango̱xẽxẽ i ngẽma üyeane nax tama nügüna chopetüxü̃ca̱x i ngẽma ngóonexü̃ namaxã i ngẽma ẽanexü̃.

Yox 26:10 Referans Kwoze

Ucu̱xẽgüchiga 8:29

Rü yexguma namuãgu ga yema már nax tama nachicawa yaxũgachixü̃ca̱x ga norü dexá, choma rü yéma chayexma. Rü yexguma naxüãgu ga ñoma ga naane, choma rü naxü̃tawa chayexma, rü taguma nacüwawa chataxu. Choma nixĩ ga norü taãxẽxẽẽruxü̃, rü guxü̃guma nape̱xewa chataãxẽ.

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.

Wiyaegü 33:7

Rü nüma ga Tupana rü nanaxü ga yema taxü̃ ga már i mátamaxü̃. Rü yema norü dexá rü wüxitama ga nachicawa nanayexmaxẽxẽ.

Naanearü ügüchiga 8:22

Rü ñu̱xma i ñaa naane nangẽxmaxü̃ rü tagutáma inarüxo nax natoegüxü̃ i duü̃xü̃gü rü yaxoxü̃ i nanetügü. Rü tá nangẽxma i naianexü̃ rü gáuanexü̃, rü tá nayimá ya mucü rü taunecü, rü ngunexü̃ rü chütaxü̃ —ñanagürü.

Yox 26:11

Rü ngẽxguma nanuxgu ya Tupana rü muü̃maxã nadu̱xruxãchitanü ya yima ma̱xpǘnegü ya caixanexü̃tüxü̃wa ngẽxmagüne.

Yox 38:1

Rü Cori ya Tupana rü buanecü ya íxã̱ũ̱xẽmacüwa Yoxmaxã nidexa rü ñanagürü nüxü̃:

Yox 38:19

¿Rü ngextá nangẽxmaxü̃ ya napata i ngẽma ngóonexü̃ rü ngextá nixĩ i ne naxũxü̃ i ngẽma waanexü̃?

Yox 38:20

Rü ngẽma ngóonexü̃, ¿rü nüxü̃ cucuáxü̃ nax ñuxãcü ñoma i naanearü gu̱xwa cunangu̱xẽxẽxü̃ rü ñu̱xũchi wenaxarü nachicaca̱x cunatáeguxẽxẽxü̃? Rü ngẽxgumarüxü̃ ta i ngẽma waanexü̃, ¿rü nüxü̃ cucuáxü̃ nax ñuxãcü ñoma i naanearü gu̱xwa cunanguxẽxẽxü̃, rü ñu̱xũchi wenaxarü nachicaca̱x cunatáeguxẽxẽxü̃?

Yox 38:24

¿Rü ngextá nixĩ i nachica i nawa ne naxũxü̃ i ngẽma ngóonexü̃ nax ñoma i naanegu nabáxixü̃ca̱x? ¿Rü yimá buanecü i éstewaama ne ũcü rü ñuxãcü nixĩ i guxü̃wama i ñoma i naanewa nanguxü̃?

Ucu̱xẽgüchiga 8:27

Yexguma Cori ya Tupana naxü̱xgu ga ya̱u̱xtüweanexü̃ ga márétüwa ngẽxmaxü̃, choma rü woetama chayexma.