Yox 24:5 - Tupanaarü Ore

⁵ Rü yíxema duü̃xẽgü ya ingearü diẽruã́xe rü chianexü̃wa taxĩ, rü ñoma búrugü i tama íyapuexü̃rüxü̃ tixĩgü. Rü ngẽxma chianexü̃gu naxca̱x tadaugü i tümawemügü nax ngẽmaãcü tanachibüexẽẽxü̃ca̱x i tümaxacügü.

Yox 24:5 Referans Kwoze

Wiyaegü 104:23

Rü ngẽxguma i nüma i duü̃xü̃gü rü norü puracüwa naxĩ. Rü napuracüe ñu̱xmata nachüta.

Ngechuchuarü ngúexü̃gü ga yamugüxü̃arü puracüchiga 23:12

Rü moxü̃ãcü, rü ñuxre ga Yudíugü rü nügümaxã inaxunetagü nax taxũtáma nachibüexü̃ rü naxaxegüxü̃ ñu̱xmatáta Pauruxü̃ yama̱xgü. Rü ñanagürügü: —Tachixexü̃gugü tá ega ta̱xacü ingõ̱xgügu naxü̃pa nax yamáxü̃ i Pauru —ñanagürügü.

Ore i mexü̃ ga Cuáü̃ ümatüxü̃ 18:28

Rü yexguma Ngechuchumaxã nüxü̃ nachauegu ga nüxna nax nacagüxü̃, rü Caipápatawa ínanagaxüchigü rü Yudéaanearü ãẽ̱xgacü ga Rómacüã̱xpatawa nanagagü. Natürü marü ningóonechaü̃ ga yexguma rü yemaca̱x ga yema Yudíugü rü tama gumá ãẽ̱xgacüpatagu nachocu, yerü Yudíugüarü mugü nüxü̃ nixu rü pecadu nixĩ nax wüxi ga Rómacüã̱xpatagu nax nachocuxü̃ ga yema ngunexü̃gu. Rü yemaacü tama Tupanape̱xewa nügü nixüxaarü maxü̃ã̱xẽẽgüchaü̃, yerü yexguma nügü yaxüxaarü maxü̃ã̱xẽẽgügu, rü taxucürüwa nanangõ̱xgü ga õna ga Üpetüchigaarü petaca̱x namexẽẽxü̃.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Ochéa 8:9

Rü ngẽma Iraéanecüã̱xgü rü choxna nixĩgachi. Rü ñoma wüxi i búru i naixnecücüã̱x i nu ne naxũmarexü̃rüxü̃ nixĩgü. Rü ngẽma Efraíü̃tanüxü̃ rü Achíriaanewa naxĩ nax naxca̱x nadaugüxü̃ca̱x i norü ngü̃xẽxẽ. Rü ngéma nanana i norü ãmaregü nax ngẽmaãcü Achíriaane nüxü̃ rüngü̃xẽẽgüxü̃ca̱x.

Ochéa 7:6

Natürü nümagü i ngẽma norü ngü̃xẽẽruü̃gü rü ñoma paũarü guruxü̃ i naiechaxü̃rüxü̃ nixĩgü nax ãẽ̱xgacümaxã nanueechaxü̃. Rü nagu narüxĩnüe nax ñuxãcü tá yama̱xgüãxü̃. Rü chütacü napee, natürü moxü̃ãcü wena nagu narüxĩnüe nax ñuxãcü tá yama̱xgüãxü̃.

Yeremía 2:24

Pema rü ñoma naixnecücüã̱x i búru i ngexü̃ i worexü̃ i yatüxü̃ca̱x dauxü̃ i buanecüemagu ngü̃xgüxü̃rüxü̃ pixĩgü. Rü ngẽxguma naworegu rü taxúema ítayachaxãchixẽxẽ nax yatüxü̃ca̱x nadauxü̃. Rü ngẽxguma yatüxü̃ naxca̱x da̱u̱xgu rü tauxchaãcüma nüxü̃ yangauxü̃. Rü ngẽxgumarüü̃tama pixĩgü i pema nax ngẽma naxchicüna̱xãgüca̱x pedaugüxü̃.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Yox 24:14

Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.

Yox 12:6

Rü ngẽma ngĩ́ta̱xagüxü̃ rü taãẽãcüma napatagüwa namaxẽ. Rü ngẽma Tupanamaxã guxchigagüxü̃ rü taãẽãcüma namaxẽ rü nagu narüxĩnüe nax nümagü Tupanamaxã inacua̱xgüxü̃.

Yox 5:5

Rü ngẽma naechita maxü̃xü̃arü naanewa rü ngẽma taiyaexü̃ rü tuxugütanüwa nanade i ngẽma nanetügüarü o nax nangõ̱xgüãxü̃ca̱x. Rü ngẽma nüxü̃́ ngúchaü̃xü̃ i ngẽma naechita maxü̃xü̃arü ngẽmaxü̃gü rü nanayauxgü.

Naanearü ügüchiga 27:40

Rü curü taramaxã tá cugü ícupoxü̃, rü cuenexẽarü duü̃xü̃ tá quixĩ. Natürü ngẽxguma cumuarü duü̃xü̃ã̱xgu, rü tá cuenexẽna ícunguxuchi —ñatagürü.

Naanearü ügüchiga 16:12

Cune rü wüxi i cowaru i tauxta íyapuxü̃rüxü̃ tá nixĩ. Rü guxü̃ i duü̃xü̃gümaxã tá nügü nadai, rü ngẽma duü̃xü̃gü rü tá ta namaxã nügü nadai. Natürü nüma rü tá naenexẽgüxü̃ narüporamae —ñanagürü.

Yox 24:6

Rü naanegü i yoraã́xü̃wa taxĩ nax tríguarü o tibuxgüxü̃ca̱x. Rü duü̃xü̃gü i chixecümaxü̃arü úbanecügüwa taxĩ nax úbaarü oca̱x tayadaugüxü̃ca̱x.