Yox 24:4 - Tupanaarü Ore

⁴ Rü yíxema duü̃xẽgü ya ingearü ngẽmaxü̃xã́xẽ rü ngẽxguma namagu taxĩgu rü tüxü̃ ínawoxü̃ i namawa, rü ngẽmaca̱x ya yixema duü̃xẽgü rü naxcha̱xwa iticu̱xgü.

Yox 24:4 Referans Kwoze

Ucu̱xẽgüchiga 28:28

Ngẽxguma ngẽma duü̃xü̃gü i chixexü̃gu rüxĩnüexü̃ ĩanemaxã icua̱xgügu, rü duü̃xü̃gü na̱xcha̱xwa inicu̱xgü. Natürü ngẽxguma ínanguxü̃gu i ngẽma chixexü̃gu rüxĩnüexü̃, rü ngẽma duü̃xü̃gü i mexü̃gu maxẽxü̃ rü tá nüxí yima ĩanemaxã inacua̱xgü, rü tá mea inixũ.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.

Yox 24:14

Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.

Echequié 22:29

Rü ngẽma duü̃xü̃gü i taarü naaneã̱xgüxü̃ rü chixexü̃gu namaxẽ rü nangĩ̱xgü. Rü tama aixcüma mea tüxü̃́ nanaxütanü ya yíxema nüxü̃́ puracüexe ya ngearü diẽruã̱xgüxe. Rü chixri tümamaxã inacua̱xgü ya yíxema to i nachixü̃anecüã̱xgü ixĩgüxe.

Echequié 18:18

Natürü ya yima nanatü rü norü chixexü̃gügagu tátama nayu erü nachixecüma rü nangĩ̱x rü chixexü̃ naxü i natanüxü̃tanüwa.

Ichaía 10:2

Pema rü tama naétüwa pechogü i ngẽma taxuxü̃ma nüxü̃́ ngẽxmagüxü̃ rü tama nüxü̃ perüngü̃xẽxẽ i ngẽma chorü duü̃xü̃gü i ngearü diẽruã̱xgüxü̃. Rü chixri namaxã ipecua̱x i ngẽma yutegüxü̃, rü naxca̱x pengĩ̱x i ngẽma tacutagüna üxü̃.

Ucu̱xẽgüchiga 30:14

Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.

Ucu̱xẽgüchiga 28:12

Ngẽxguma ngẽma mexü̃gu rüxĩnüexü̃ rüporamaegügu, rü duü̃xü̃gü rü nataãẽgü. Natürü ngẽxguma ngẽma chixexü̃gu maxẽxü̃ rüporamaegügu, rü duü̃xü̃gü rü na̱xcha̱xwa inicu̱xgü.

Ucu̱xẽgüchiga 22:16

Ngẽma diẽruã́xü̃ rü yíxema ngearü diẽruã́xẽaxü̃́ nangĩ̱x nax yexera nadiẽruã́xü̃ca̱x, rü ngẽmagagu düxwa tá ngearü diẽruã̱xwa nangu. Rü ngẽxgumarüxü̃ ta ya yíxema diẽruã́xü̃na ãmare ãxẽ rü ngearü diẽruã̱xwa tá tangu.

Wiyaegü 109:16

Rü nüma i ngẽma chixexü̃ üxü̃ rü taguma nüxü̃́ tangechaü̃tümüxü̃ ya yíxema ingearü diẽruã̱xgüxe rü yíxema tama tügü icua̱xüü̃güxe rü yíxema guxchaxü̃maxã naxĩ̱xãchiãẽgüxe. Rü nüma rü chixri tümamaxã inacua̱x rü ngẽmaãcü tüxü̃ nadai.

Wiyaegü 41:1

Rü nüma ya Cori ya Tupana rü tümamaxã nataãxẽ ya yíxema nüxü̃ rüngü̃xexẽ́xẽ i tümamücü i nüxü̃́ nataxuxü̃ i pora. Rü nüma ya Cori ya Tupana rü tá tüxü̃ ínanguxuchixẽxẽ i ngẽxguma guxchaxü̃ tümaca̱x ínguxgu.

Yox 31:16

Rü taguma tüxü̃ icharüngüma ga guxema ngearü diẽruã̱xgüxe nax tüxü̃ charüngü̃xẽẽxü̃, rü woo ga guxema yutegüxe rü taguma chanaxwa̱xe nax taiya tingegüxü̃.

Yox 30:25

¿Rü tama ẽ̱xna tümaca̱x chaxaxu ga guxema ngúxü̃ ingexe? ¿Rü tama ẽ̱xna choxü̃́ taxãũxãchitümüxü̃ ga guxema ngearü diẽruã́xẽ?

Yox 29:12

Yerü choma rü tüxü̃ charüngü̃xẽẽxü̃ ga taxcutagü rü duü̃xẽgü ga ingearü diẽruã̱xgüe rü ñu̱xũchi duü̃xẽgü ga taxúema texé tüxü̃ rüngü̃xẽẽgüxe.

Yox 29:16

Rü choma rü ñoma tümanatürüxü̃ chixĩ tümaca̱x ga guxema ngearü diẽruxã̱xgüe. Rü tümarü poxü̃ruxü̃ chixĩ tümaca̱x ga guxema to ga nachixü̃anewa ne ĩxẽ.

Yox 31:19

Rü yexguma nüxü̃ chada̱u̱xgu nax texé deyumaxã tayuxchaü̃xü̃ rüe̱xna wüxi ga ngearü diẽruã́xẽ ga taxumaama tügü idüxégaxe, rü choma rü chorü carnéruta̱xanaxca̱x ga naxchirumaxã tüxü̃ chaxüxchiru. Rü tüma rü moxẽ choxna taxã.

Ucu̱xẽgüchiga 14:31

Tupanaaxü̃́ nangu̱x i ngẽxguma texé wüxi i ngearü diẽruã́xẽmaxã chixri icua̱xgu. Natürü Tupana rü tümamaxã nataãxẽ ya yíxema ngearü diẽruã́xẽmaxã mea icuáxe.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.