Yox 24:12 - Tupanaarü Ore

¹² Rü yíxema ĩanewa yuechaü̃xẽ rü taxauxe rü ngéma ticagüxü̃. Natürü nüma ya Tupana rü tama tüxü̃́ nüxü̃ naxĩnü i tümaarü yumüxẽ.

Yox 24:12 Referans Kwoze

Ngu̱xẽẽtaeruü̃arü ore 4:1

Rü yemawena rü nüxü̃ chadau nax ñoma i naanewa naxrüxü̃ i duü̃xẽgümaxã chixri icua̱xgüxü̃. Rü tüxü̃ chadau nax taxauxexü̃ ga guxema duü̃xẽgü ga chixri tümamaxã inacua̱xgüxe, rü taxúema tüxü̃ rüngü̃xẽẽxü̃ nax tataãẽgüxü̃ca̱x. Rü ngẽma duü̃xü̃gü i chixri tümamaxã icua̱xgüxü̃ rü poraãcü chixri tümamaxã nachopetü rü taxúema texé tüxü̃ tarüngü̃xẽxẽ.

Norü taxre ga popera ga Pedru ümatüxü̃ 3:15

Rü name nixĩ i nüxna pecua̱xãchie nax yáxna tamaxã naxĩnüxü̃ ya tórü Cori, erü nanaxwa̱xe nax tüxü̃́ nangẽxmaxü̃ i maxü̃ i taguma gúxü̃. Rü ngẽmatama ucu̱xẽ i pexca̱x chaxümatüxü̃rüxü̃ nixĩ ga pexca̱x naxümatüaxü̃ ga taenexẽ ya nüxü̃ ingechaü̃gücü ya Pauru ga yexguma Tupana cua̱x nüxna ãxgu nax pexca̱x naxümatüaxü̃ca̱x.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.

Maraquía 2:17

Rü pema rü perü dexamaxã marü düxwa peyapaxẽxẽ ya Tupana. Rü ngẽmaétüwa i pemax rü ípecagüama rü ñaperügügü: —¿Rü ñuxũ ñatarügügü i tomax rü ngẽmaca̱x tayapaxẽẽxü̃ nax toxü̃ naxĩnüxü̃? —ñaperügügü. Rü pema rü ñaperügügü: —Nüma ya Cori ya Tupana rü namaxã nataãxẽ i ngẽma duü̃xü̃gü i chixexü̃ ügüxü̃ rü taxũtáma nanapoxcue —ñaperügügü. ¿Tama ẽ̱xna peyaxõgü nax Tupana rü aixcümacü yixĩxü̃?

Ichaía 52:5

Rü ñu̱xma rü ¿ta̱xacü e̱xna nixĩ i namaxã ngupetüxü̃ i ngẽma chorü duü̃xü̃gü? Rü Babiróniaanewa nanagagü taxuxü̃ma i ta̱xacürü chixexü̃ naxügüãcüma. Rü ngẽma namaxã icua̱xgüxü̃ rü taãẽãcü nüxü̃ nacugüe rü guxü̃guma ta̱xacü chomaxã nixugüe.

Wiyaegü 109:22

Choma rü poraãcüxüchi guxchaxü̃wa changexma rü chanaxĩ̱xãchiãxẽ rü chorü maxü̃newa rü poraãcü nangu̱x.

Wiyaegü 69:26

Erü nümagü rü tümawe ningẽxü̃tanü ya yíxema cuma tüxü̃ cunaxĩ̱xãchiãẽxẽẽ́xẽ. Rü tüxü̃ nacugüe ya yíxema ngúxü̃ ngẽgüxe nagagu nax tüxü̃ cunapi̱xẽẽxü̃.

Wiyaegü 50:21

Rü woo guxü̃ma i ngẽma chixexü̃ cuxüxgu, rü choma rü ngéma changea̱xmare. Rü cuma nagu curüxĩnügu nax curüxü̃ chixĩxü̃ rü chi nüxü̃ icharüngüma i ngẽma cuxüxü̃. Natürü i ñu̱xma rü tá cupe̱xewa chanangõxẽxẽ i ngẽma chixexü̃ i cuxüxü̃ rü tá naxca̱x cuxna chaca.

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Yox 9:23

Rü ngẽxguma chi da̱xaweanemaxã nayu̱xgu i wüxi i duü̃xü̃ i taxuxü̃ma i chixexü̃ üxü̃ rü nagu charüxĩnü nax Tupana nüxü̃ cugüxü̃ nax naxĩ̱xãchiãẽxü̃.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Ínachoxü̃xü̃chiga 22:27

Erü ngexicatama nixĩ i tümachiru i namaxã tidüxüxü̃ ega nagáuanegu. Rü ngẽxguma tama tüxü̃́ cunatáeguxẽẽgu ¿rü ta̱xacümaxã tá tidüxü? Rü ngẽxguma tüma rü ngü̃xẽẽca̱x choxna caxgux rü choma rü tá tüxü̃ charüngü̃xẽxẽ erü choxü̃́ tangechaxü̃tümüxü̃.

Yox 9:24

Rü ngẽxguma wüxi i chixexü̃gu maxü̃xü̃ nayaxu̱xgu i wüxi i naane, rü nüma ya Tupana rü nayangexetü i ngẽma ãẽ̱xgacügü i guxchaxü̃güarü mexẽẽruü̃gü nax tama nüxü̃ nadaugüxü̃ca̱x i ngẽma chixexü̃. Rü ngẽxguma tama Tupana ngẽmaãcü naxü̱xgu i ngẽma ¿rü texé tixĩ ya yíxema naxǘxe?

Yox 24:11

Rü tayacamügü i oribuarü o nax tanayauxgüxü̃ca̱x i norü chíxü̃. Rü tanapu̱x i úbagü nax bínu taxügüxü̃ca̱x. Rü yoxni i tümagü rü ta̱xawamaxã tayuechaü̃.

Yox 24:13

Rü nangẽxma i duü̃xü̃gü i tama ngóonexü̃maxã taãẽgüxü̃. Rü guxü̃wama i ngexta ínaxĩxü̃wa rü ngóonexü̃cha̱xwa nixĩgachi.

Naanearü ügüchiga 4:10

Natürü nüma ga Cori ya Tupana rü ñanagürü nüxü̃: —¿Tü̱xcüü̃ cueneexü̃ quima̱x? Erü yimá nagü ya waixü̃mügu bacü rü ñoma nümatama ya cuenexẽ choxna cagüxü̃rüü̃tama nixĩ i choxna nacagüxü̃ nax cuxü̃ ínaxuaxü̃xü̃ nax cuxü̃ chapoxcuxü̃ca̱x.

Wiyaegü 10:13

¿Rü tü̱xcüü̃, Pa Tupanax, cuxü̃ nacugü i ngẽma chixexü̃ i duü̃xü̃ i nagu rüxĩnüxü̃ rü tagutáma nüxna cuca nachiga i ngẽma chixexü̃ i naxüxü̃?

Yeremía 12:1

Rü Yeremía rü Cori ya Tupanaxü̃ ñanagürü: —Pa Corix, ngẽxguma cumaxã chaporagagu, rü cuma rü guxü̃guma nawe̱xgu i ngẽma namaxã choxü̃ cungãxü̃xü̃. Rü ngẽmaca̱x cuxna chacaxchaü̃ nachiga i ngẽma ñoma i naanewa ngupetüxü̃. ¿Rü ta̱xacüca̱x nixĩ i mea nüxü̃ nangupetügüxü̃ i ngẽma chixexü̃gu maxẽxü̃? ¿Rü ta̱xacüca̱x nataãẽgü i ngẽma chixri maxẽxü̃?

Yeremía 12:2

Cuma rü wüxi i nanetürüxü̃ icunatogü, rü nümagü rü narüxügüchúma̱xã, rü ñu̱xũchi nayae rü nixo̱x. Rü nümagü rü naã̱xmaxã cuxü̃ nicua̱xüü̃gü, natürü naãẽwa rü yáxü̃wama cuxü̃ nangẽxmagü.