Yox 24:1 - Tupanaarü Ore

¹ Rü nüma ga Yox rü ñanagürü ta: —¿Tü̱xcüü̃ ya yimá Guxãétüwa Ücü ya Tupana rü tama tamaxã nüxü̃ yaxuxü̃ ega ta̱xacü naxüxchaü̃gu nax ngẽmaãcü i yixema i duü̃xü̃gü rü nüxü̃ icuáxü̃ca̱x?

Yox 24:1 Referans Kwoze

Ngechuchuarü ngúexü̃gü ga yamugüxü̃arü puracüchiga 1:7

Rü Ngechuchu nanangãxü̃, rü ñanagürü: —Pema rü taxuca̱xma nüxü̃ pecuáxchaü̃ i ñuxgu tá nixĩ i ngẽma ngunexü̃ i choxna naxca̱x pecaxü̃, erü Chaunatüxicatama nüxü̃́ nangẽxma i pora nax nüxü̃ naxunetaxü̃ i ngẽma ngunexü̃.

Ngu̱xẽẽtaeruü̃arü ore 3:17

Rü nawa tá nangu i ngunexü̃ i nagu Tupana tá norü maxü̃chiga nüxna ca̱xaxü̃ ya yimá yatü ya mexü̃ ücü rü ngẽma yatü i chixexü̃ üxü̃. Erü tá nangẽxma i norü ngunexü̃ i nagu tá nangóxü̃ i ngẽma marü ngupetüxü̃ rü ngẽma cúãcü üxü̃.

Ore i mexü̃ ga Matéu ümatüxü̃ 24:38

Rü yexguma, naxü̃pa ga gumá mucü ga taxüchicü ga guxü̃wama inanguanexẽẽcü, rü ga duü̃xü̃gü rü nachibüe, rü naxaxegü, rü nixãma̱xgü rü nixütexacügü ñu̱xmata nawa nangu ga yema ngunexü̃ ga Noé nagu naweü̃gu ixüexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:15

Erü ngẽma ngunexü̃ ya Tupana nagu naxwa̱xexü̃gu rü tá Cristuxü̃ nango̱xẽxẽ. Erü nüma ya Tupana rü nüxicatama Tupana nixĩ, rü nüma nixĩ i aixcüma mecü yixĩxü̃ rü guxü̃étüwama nangẽxmaxü̃, rü guxü̃ i ãẽ̱xgacügüarü Ãẽ̱xgacü yixĩxü̃, rü guxü̃ i corigüarü Cori yixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:1

Tupanaãxẽ ya Üünecü rü meama nüxü̃ nixu rü ngẽxguma yangaicagu nax nagúxchaü̃xü̃ i naane rü nümaxü̃ i duü̃xü̃gü rü tá nüxü̃ narüxoe nax yaxõgüãxü̃. Rü tá nawe narüxĩ i duü̃xü̃gü i nawomüxẽẽgüxü̃ i Chatanáarü ngu̱xẽẽtae nangúexẽẽxü̃.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Yeremía 46:10

Rü ñaa nixĩ i ngunexü̃ i Cori ya Tupana ya Guxãétüwa Ngẽxmacü tá nagu nada̱i̱xü̃ i norü uanügü. Rü taramaxã tá nanadai rü tacü ya nagü tá inaba ñu̱xmata mea nüxü̃́ yangu. Rü nüma ya Cori ya Tupana ya Guxãétüwa Ngẽxmacü rü ngẽma naane i nórtewa ngẽxmaxü̃wa tá nanadai i norü uanügü i taxtü i Eufrátearü ngaicamawa ngẽxmaxü̃.

Ichaía 60:22

Rü ngẽma duü̃xü̃gü i ñu̱xma noxremarexü̃ rü tá nimu rü wüxi i nachixü̃ane i poraxü̃ tá nixĩgü. Rü chaxicatama nixĩ ya Tupana chixĩxü̃. Rü ngẽxguma nawa nanguxgu i ngẽma ngunexü̃ rü paxa tá chanaxü i guxü̃ma i ngẽma —ñanagürü ya Tupana.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Wiyaegü 36:10

Rü ngẽma curü duü̃xü̃gü i cuxü̃́ yaxõgüxü̃, rü ¡nüxü̃ nangechaü̃! Rü ngẽma duü̃xü̃gü i mexü̃gu rüxĩnüexü̃, rü mea namaxã inacua̱x!

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Naanearü ügüchiga 18:17

Rü yexguma ga Cori ya Tupana rü ñaxü̃gu narüxĩnü: “Name nixĩ i Abraáü̃maxã nüxü̃ chixu i ngẽma tá chaxüxü̃.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

1 Tesalonicenses 5:1

Natürü, Pa Chauenexẽgüx, rü ngẽma norü ngunexü̃ rü taunecü i tá nagu nangupetüxü̃ i ngẽma pemaxã nüxü̃ chixuxü̃, rü taxuca̱xma pexca̱x chanaxümatü i ngẽmachiga.

Wiyaegü 31:15

Rü ñaa chorü maxü̃ rü cuxme̱xwa nangẽxma. Rü chanaxwa̱xe i naxme̱xwa choxü̃ ícunguxuchixẽxẽ i ngẽma chorü uanügü i chowe ingẽxü̃tanüxü̃.

Yox 15:20

Rü ngẽma duü̃xü̃ i chixexü̃ rü nuwa̱xexü̃, rü norü maxü̃ rü nanuxũ rü guxü̃guma nachixeãẽechamare.

Abdía 1:15

Rü yema chixexü̃ ga petanüxü̃ ga Iraétanüxü̃ca̱x pexüxü̃ rü ngẽmatátama pemaxã nangupetü. Erü ngẽma nixĩ i perü natanü naxca̱x ga yema chixexü̃ ga pexüxü̃. Rü marü ningaica i ngẽma ngunexü̃ i nagu Cori ya Tupana tá napoxcuexü̃ i guxü̃ma i nachixü̃anegü —ñanagürü.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.