Yox 21:5 - Tupanaarü Ore

⁵ Rü ngẽxguma chi mea choxü̃́ iperüxĩnüegu rü chi tá peba̱i̱xãchie rü perüchianegümarex.

Yox 21:5 Referans Kwoze

Yox 40:4

—Choma rü taxumaama cuxü̃ changãxü̃, Pa Tupanax, erü choma rü taxuwama chame i cupe̱xewa. Rü narümemae nixĩ i noxtacüma ichayarüngea̱x.

Yox 29:9

Rü woo ga yema yatügü ga itachigaxü̃ rü yexguma íchanguxgu rü inarüchianegü nax nügümaxã yadexagüxü̃, rü naxme̱xmaxã nügümaxã nüxü̃ nixugüe nax nachianetanüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 18:19

Nümagü rü nanangãxü̃gü rü ñanagürügü: —¡Irüngea̱x rü nua totanüwa naxũ! Rü tanaxwa̱xe nax toxü̃ curüngüxẽẽxü̃ rü torü chacherdóte quixĩxü̃ rü ñoma tonatürüxü̃ toxü̃́ quixĩxü̃. ¿Tama ẽ̱xna i curü me yixĩxü̃ nax wüxitücumü i Iraétanüxü̃arü chacherdóte quixĩxü̃ rü tama i wüxitama i duü̃xü̃arü chacherdóte nax quixĩxü̃? —ñanagürügü.

Ucu̱xẽgüchiga 30:32

Ngẽxguma chi cuechitamare cugü quicua̱xüxü̃gu, rüe̱xna nagu curüxĩnügu nax chixexü̃ tá cuxüxü̃, rü name nixĩ i mea nagu curüxĩnü.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Miquéa 7:16

Rü ngẽmaãcü i ngẽma togü i nachixü̃anegüarü duü̃xü̃gü rü tá nüxü̃ nadaugü i ngẽma taxü̃ i mexü̃gü i curü poramaxã cuxüxü̃. Rü ngẽxguma i nümagü rü tá cupe̱xewa naxãnee rü tá nangea̱xgümare rü tá nügü narüdütamachi̱xẽgü.

Amúx 5:13

Rü ngẽmaca̱x ya yíxema tümaãẽxü̃ cuáxe rü tangeã̱xmare erü ñomaü̃cüxü rü nataxüchi i chixexü̃.

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

Yox 17:8

Rü ngẽxguma choxü̃ nadaugügu i ngẽma duü̃xü̃gü i mexü̃gu rüxĩnüexü̃ rü chomaxã naba̱i̱xãchie. Rü nanue i duü̃xü̃gü rü chixexü̃arü üruü̃ãcü choxü̃ nadaugü.

Yox 2:12

Rü yexguma yáxü̃gutama naxĩxgu rü Yoxü̃ nadaugü, rü yema poraãcü nax yada̱xawexü̃ rü tama aixcüma nüxü̃ nacua̱xgü. Rü yemaca̱x inanaxügüe ga aita nax naxüexü̃ rü naxauxexü̃. Rü yema taxü̃ ga ngechaü̃ nax yangegüxü̃gagu rü nügü narügáutechirugü rü mairaxü̃te̱xe nügüerugu nagünagügü.

Yox 13:5

Rü ngẽxguma chi iperüchianegügu i pemax rü chi duü̃xü̃gü i cua̱xwa ngugüxü̃ pixĩxgü.

Ichaía 52:15

Rü ngẽxgumarüxü̃ ta rü muxü̃ma i duü̃xü̃gü i to i nachixü̃anecüã̱xgü rü tá namaxã naba̱i̱xãchie. Rü ngẽma ãẽ̱xgacügü rü ngẽxguma nüxü̃ nadaugügu i ngẽma naxüxü̃ rü tá nape̱xewa nachianegümare rü taxuxü̃táma nixugüxe, erü tá nüxü̃ nadaugü i ngẽma taguma nüxü̃ nadaugüxü̃ rü tá nüxü̃ nacua̱xgü i ngẽma taguma ñuxgu texéwa nüxü̃ naxĩnüexü̃ —ñanagürü ya Tupana.