Yox 2:8 - Tupanaarü Ore

⁸ Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Yox 2:8 Referans Kwoze

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Yoná 3:6

Rü yexguma Nínibearü ãẽ̱xgacüxü̃tawa nanguxgu ga yema dexa, rü nüma rü norü tochicaxü̃wa inachi rü ínacuxuchi ga norü ãẽ̱xgacüchiru rü témüxü̃ ga naxchirugu nicu̱x rü waixü̃müarü ãte̱xexü̃wa narütomare.

Echequié 27:30

Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Wiyaegü 38:7

Rü poraãcü chixaxüne. Rü guxü̃wama i chaxunewa rü chida̱xawe.

Wiyaegü 38:5

Rü choma rü tama chauãẽxü̃ chacua̱x, rü ngẽmagagu chorü o̱xri rü niyixi rü naxãxü̃chíxü.

2 Chamué 13:19

Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.

Yox 2:9

Natürü tüma ga naxma̱x rü ñatagürü nüxü̃: —¿Ẽ̱xna ñoma rü ta nagu curüxĩnüama nax mea Tupanape̱xewa cumaxü̃xü̃? ¡Rü Tupanape̱xewa chixexü̃ naxuegu rü noxtacüma nayu! —ñatagürü.

Ester 4:1

Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.

Ester 4:3

Rü yexgumarüxü̃ ta ga wüxichigü ga ĩanewachigü ga ngextá íyanguchigüxü̃wa ga yema mu ga ãẽ̱xgacü üxü̃, rü ga Yudíugü rü poraãcü nanaxĩ̱xãchiãẽtanü. Rü poraãcü nangechaü̃gü rü tama nachibüe rü naxauxe. Rü muxü̃ma ga nümagü rü tanimacate̱xegu napegü rü naxchiru ga témüxü̃gu nicu̱xgü.