Yox 2:5 - Tupanaarü Ore5 Natürü ngẽxguma chi naxü̃newaxüchi yada̱xawexẽẽ̱xgu rü tá nüxü̃ cudau nax chixexü̃ tá cupe̱xewatama cumaxã yaxugüxü̃ —ñanagürü. Gade chapit la |
Rü yexguma marü nawena ga yema nanegüarü peta ga naxügüüxü̃, rü nüma ga Yox rü nanegüca̱x nangemaxü̃. Rü pa̱xmamaxü̃chima ínarüdaüxü̃ rü wüxichigü ga nanegüégagu rü naxacügüégagu Tupanaca̱x nayama̱x rü nayagu ga wüxi ga naxü̃na nax yemaacü Tupana nüxü̃́ nüxü̃ rüngü̃maxü̃ca̱x ga yema nanegüarü rü naxacügüarü chixexü̃gü. Rü yemaacü nanaxüüxü̃ ga Yox yerü nagu narüxĩnü rü nanegü rü naxacügü rü ngürüãchi marü Tupanape̱xewa guxchaxü̃ naxügüe ga norü ĩnüwa ga yexguma peta naxügüxü̃gu.
¡Iraétanüxü̃maxã nüxü̃ ixu i ñaa chorü ore!: “Ngẽma chauégamaxã chixexü̃ ixugüxü̃, rü ngẽma norü pecadugagu tá nutamaxã ínanamuxũchigü i guxü̃ma i ngẽma ĩanecüã̱x i duü̃xü̃gü ñu̱xmata nayu̱x. Rü woo chi to i nachixü̃anecüã̱x yixĩxgu rüe̱xna wüxi i Iraéanecüã̱x yixĩxgu i chauégamaxã chixexü̃ ixugüxü̃, rü yu tá namaxã pexuegugü.
Rü nüma ga Dabí rü Tupanaxü̃ naca̱a̱xü̃ rü ñanagürü: —Choma nixĩ ga chanamuxü̃ ga nax yaxugüxü̃ ga duü̃xü̃gü. Rü choma nixĩ i chixexü̃ chaxüxü̃ rü chanaxüxü̃ i pecadu. ¿Rü ta̱xacürü chixexü̃ naxüe i ñaa duü̃xü̃gü rü ngẽmaca̱x cunadai? Pa Corix, Pa Chorü Tupanax, cuxna chaca nax choxü̃ rü chauxacügüxü̃waxi nax cupoxcuxü̃, rü marütama nax cunada̱i̱xü̃ i duü̃xü̃gü —ñanagürü.
Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa tagaãcü ñaxü̃: “Ñu̱xma rü marü nawa nangu nax tórü Tupana namaxẽxẽẽãxü̃ i duü̃xü̃gü. Rü nüma rü marü nua naxũ nax norü poramaxã guxü̃arü ãẽ̱xgacü yixĩxü̃ca̱x. Rü Nane ya Cristu rü marü ínangu nax nüma guxü̃maxã inacuáxü̃ca̱x. Erü marü daxũguxü̃ i naanewa ínata̱xüchi i Chataná ga ngunecü rü chütacü tórü Tupanape̱xewa taenexẽgüxü̃ ixugüechaxü̃.