Yox 2:10 - Tupanaarü Ore

¹⁰ Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Yox 2:10 Referans Kwoze

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Ore i mexü̃ ga Matéu ümatüxü̃ 16:23

Natürü ga Ngechuchu rü Pedruca̱x nadauegu, rü ñanagürü nüxü̃: —¡Choxna ixũgachi, Pa Chatanáx, erü chixexü̃gu choxü̃ cungu̱xẽẽchaü̃! Rü tama Tupana nagu rüxĩnüxü̃gu curüxĩnü, rü yatügü nagu rüxĩnüxü̃gumare curüxĩnü i cumax —ñanagürü.

Ore i mexü̃ ga Cuáü̃ ümatüxü̃ 18:11

Natürü ga Ngechuchu rü Pedruxü̃ ñanagürü: —¡Ngĩxchixü̃gu ngĩxü̃ ixücuchi i curü tara! ¿Tama ẽ̱xna nüxü̃ cucua̱x nax choma rü tá ngúxü̃ chingexü̃ ngẽma Chaunatü chomaxã naxueguxü̃rüxü̃? —ñanagürü.

2 Chamué 24:10

Natürü nawena ga nax yaxugüãxü̃ ga duü̃xü̃gü rü nüma ga Dabí rü nüxü̃́ nangu̱x ga yema naxüxü̃. Rü yemaca̱x Cori ya Tupanamaxã ñanagürü: —Wüxi i taxü̃ i chixexü̃ chaxü nax chayaxugüxü̃ i duü̃xü̃gü. Natürü, Pa Corix, choma nax curü duü̃xü̃ nax chixĩxü̃ rü cuxna naxca̱x chaca nax choxü̃́ nüxü̃ curüngü̃maxü̃ i ngẽma chixexü̃ i cupe̱xewa chaxüxü̃ erü ñoma wüxi i tama naãxẽxü̃ cuáxü̃rüü̃ãcü chanaxü —ñanagürü.

Wiyaegü 39:1

Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

2 Chamué 13:13

Rü ngẽxguma tá choxü̃ quiyaxu̱xgu rü ngextá tá i chorü ãnemaxã chaxũxü̃. Rü ngẽxguma i cuma rü chixexü̃arü üruü̃ãcü tá cuxü̃ nacua̱xgü i nua Iraétanüxü̃tanüwa. Rü name nixĩ i ãẽ̱xgacüna cuca nax cuxma̱x chixĩxü̃ca̱x, rü nüma rü tá cuxna choxü̃ namu —ngĩgürügü.

Naanearü ügüchiga 3:17

Rü yexguma ga Tupana rü Adáü̃xü̃ ñanagürü: —Ngẽma ngĩga nax cuxĩnüxü̃ i ngẽma cuxma̱x rü ngẽma nax cunangṍxü̃ i ngẽma ori̱x i cuxna chachu̱xuxü̃ nax tama cunangṍxü̃ca̱x, rü ngẽmaca̱x i ñu̱xma rü cugagu tá chixexü̃wa nangẽxma i ñaa naane. Rü poraãcü tá cupuracü nax naxüxü̃ca̱x i cunetü ñu̱xmatáta cuyu̱x.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Ore i mexü̃ ga Matéu ümatüxü̃ 25:2

Rü 5 ga yema pacü rü tama íxuãxẽgü. Rü yema nai ga 5 ga pacü rü meama íxuãxẽgü.

Wiyaegü 59:12

Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!

2 Chamué 19:28

Rü woo i guxü̃ma i chaunatütanüxü̃ rü name chi nax cunada̱i̱xü̃, Pa Ãẽ̱xgacüx, natürü i cuma rü curü mechawa choxü̃ cuchibüxẽxẽ. ¿Rü ngẽmaca̱x ta̱xacürü to i ngü̃xẽxẽxü̃ca̱x chi i cuxna chacaxü̃, Pa Ãẽ̱xgacüx? —ñanagürü.

2 Chamué 19:22

Natürü nüma ga Dabí rü nanangãxü̃ rü ñanagürü —Ñaa rü tama perü guxcha nixĩ, Pa Cheruiá Nanegüx. ¿Rü tü̱xcüü̃ ñoma chorü uanügürüxü̃ pegü pixĩxẽxẽgü? Choma rü meama nüxü̃ chacua̱x nax woetama Iraéanecüã̱xgüarü ãẽ̱xgacü nax chixĩxü̃. Rü ngẽmaca̱x i ñaa ngunexü̃gu rü taxúetama tayu —ñanagürü.

Ucu̱xẽgüchiga 9:13

Ngẽma ngexü̃ i ngeãẽmarexü̃ rü naxoregüta̱a̱x. Rü tama naãẽxü̃ nacua̱x, rü tama naxãne ega ta̱xacürü chixexü̃ naxü̱xgu.

Ucu̱xẽgüchiga 9:6

¡Nüxü̃ perüxoe nax chixexü̃gu pemaxẽxü̃, rü ngẽxguma tá pexü̃́ nangẽxma i maxü̃! ¡Rü duü̃xü̃gü i naãxẽxü̃ icuáxü̃ãcü pemaxẽ! —ñanagürü.

Yox 1:10

Erü cuma rü cunachu̱xu nax taxúema guxchaxü̃ namaxã üxü̃ca̱x i nümax rü guxcüma ya nanegü rü naxacüã̱xgü rü norü ngẽmaxü̃gü. Rü cuma rü nüxü̃ curüngü̃xẽxẽ i guxü̃ma i ta̱xacü inaxüxü̃wa, rü ngẽmaca̱x i nüma i ñu̱xma rü wüxi ya yatü ya guxãarü yexera muarü wocaã̱xü̃chicü nixĩ nawa i ngẽma naane.

1 Chamué 3:18

Rü nüma ga Chamué rü guxü̃xü̃ma Erímaxã nixu rü taxuxü̃ma inicu̱x. Rü nüma ga Erí rü naba̱i̱xãchi rü ñanagürü: —Nüma nixĩ i Cori ya Tupana yixĩxü̃. ¡Ẽcü naxü i ngẽma naxca̱x rümemaexü̃! —ñanagürü.

Yox 2:9

Natürü tüma ga naxma̱x rü ñatagürü nüxü̃: —¿Ẽ̱xna ñoma rü ta nagu curüxĩnüama nax mea Tupanape̱xewa cumaxü̃xü̃? ¡Rü Tupanape̱xewa chixexü̃ naxuegu rü noxtacüma nayu! —ñatagürü.

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

Ngu̱xẽẽtaeruü̃arü ore 7:14

Rü ngẽxguma mexü̃gü cuxca̱x ínguxgu, ¡rü namaxã nataãxẽ i ngẽma mexü̃gü! Natürü ngẽxguma guxchaxü̃gü cuxca̱x ínguxgu ¡rü nagu rüxĩnü nax Tupanawa nixĩ i ne naxũxü̃ i guxü̃ma i ngẽma. Rü nüma ya yatü rü taguma nüxü̃ nacua̱x i ngẽma yixcüra tá naxca̱x ínguxü̃!

Wiyaegü 39:10

¡Rü marütama nax choxü̃ cucua̱xixü̃! Erü curü cua̱ximaxã rü tá chayu.

Auxexü̃chiga 3:37

Rü ngẽxguma texé naxunagügu i wüxi i ta̱xacü tá ngupetüxü̃, rü aixcüma nango̱xgu i ngẽma taxunagüxü̃, rü Tupana nixĩ ya tüxü̃ naxunagüxẽẽcü.