Yox 19:7 - Tupanaarü Ore

⁷ Rü poraãcü aita chaxü nax texé choxü̃ íyapoxü̃xü̃ca̱x, natürü taxúema choxü̃ ítayapoxü̃. Rü ngü̃xẽẽca̱x íchaca natürü taxúema chauétüwa tidexa.

Yox 19:7 Referans Kwoze

Auxexü̃chiga 3:8

Rü woo tagaãcü nüxna chaca nax choxü̃ nangü̃xẽẽxü̃ca̱x, natürü ga nüma rü tama choxü̃́ nüxü̃ naxĩnüchaü̃ ga chorü yumüxẽ.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Yox 34:5

Yerü nüma ga Yox rü ñanagürü: “Choma rü taxuxü̃ma i ta̱xacürü chixexü̃ chaxüchire̱x, natürü ya Tupana rü tama choxü̃ narüngü̃xẽẽchaü̃.

Yox 30:20

Pa Chorü Tupanax, ñu̱xma nax ngü̃xẽẽca̱x cuxna chacaxü̃ rü cuma rü tama choxü̃ cungãxü̃. Rü cupe̱xegu chachichire̱x, natürü i cuma rü íxrarüwatama choxü̃ cudawenü.

Yox 21:27

Rü choma rü meama nüxü̃ chacua̱x i ngẽma pema chomaxã nagu perüxĩnüe. Rü nüxü̃ chacua̱x i ngẽma ĩnügü i chixexü̃gü i pexü̃́ ngẽxmagüxü̃.

Yeremía 20:8

Rü guxü̃guma i ngẽxguma chidexagu rü chanaxunagü i poxcuchiga rü daichiga. Rü ngẽmaca̱x i daa ĩanecüã̱x rü guxü̃guma chixexü̃ chomaxã nixugüe rü choxü̃ nacugüe, erü nüxü̃ chixu i curü ore.

Wiyaegü 22:2

Pa Chorü Tupanax, ngunecü cuxna chaca rü chütacü cuxna chaca rü tama choxü̃ cungãxü̃ rü düxwa chipamare.

Yox 16:21

Rü chierüx tayíxemagu ya Tupanape̱xewa chauétüwa chogüxe ñoma wüxi ya ãẽ̱xgacüpe̱xewa tümamücüétüwa tachogüxü̃rüxü̃.

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Yox 9:32

Tupana rü tama chaurüxü̃ duü̃xü̃ nixĩ rü ngẽmaca̱x taxucürüwa ta̱xacürü ãẽ̱xgacüpe̱xewa chanaga nax chorü guxchaxü̃ namaxã chamexẽẽxü̃ca̱x.

Yox 9:24

Rü ngẽxguma wüxi i chixexü̃gu maxü̃xü̃ nayaxu̱xgu i wüxi i naane, rü nüma ya Tupana rü nayangexetü i ngẽma ãẽ̱xgacügü i guxchaxü̃güarü mexẽẽruü̃gü nax tama nüxü̃ nadaugüxü̃ca̱x i ngẽma chixexü̃. Rü ngẽxguma tama Tupana ngẽmaãcü naxü̱xgu i ngẽma ¿rü texé tixĩ ya yíxema naxǘxe?

Yox 30:24

Rü yexguma guxema ngearü diẽruã́xẽ ngü̃xẽẽca̱x choxna caxgux ¿rü tama ẽ̱xna ga tüxü̃ charüngü̃xẽxẽxü̃?

Yox 30:28

Rü ñoma waanexü̃wa changexmaxü̃rüxü̃ poraãcü changechaü̃. Rü guxü̃ i duü̃xü̃güpe̱xewa ngü̃xẽẽca̱x íchaca, natürü taxuxü̃ma choxü̃ narüngü̃xẽxẽ.

Wiyaegü 22:3

Natürü i cumax rü cuxüüne, rü torü ãẽ̱xgacü quixĩ. Rü cuxü̃ nixĩ i ticua̱xüü̃güxü̃ i toma i Iraéanecüã̱xgü.