Yox 19:6 - Tupanaarü Ore

⁶ Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.

Yox 19:6 Referans Kwoze

Ochéa 7:12

Natürü ngẽxguma ngẽma ngü̃xẽẽca̱x nadaugügu rü choma rü tá íchanayauxü̃ ñoma werigü yütagu íyauxü̃xü̃rüxü̃. Rü ñu̱xũchi tá chanapoxcue nagagu i ngẽma norü chixexü̃gü.

Echequié 32:3

Natürü choma ya Cori ya Tupana rü ñachagürü cuxü̃: ‘Rü woo nax muxũchixü̃ i duü̃xü̃gütanüwa cumaxü̃xü̃, rü choma rü tá chorü püchamaxã cuxü̃ chiyaxu.

Echequié 12:13

Natürü i choma rü ngẽma ãẽ̱xgacüétügu tá chanaña i chorü tarapa, rü ngẽmamaxã tá chayayaxu. Rü Cadéugüane i Babiróniawa tá chanaga. Rü ngẽmaãcü tagutáma wena nüxü̃ nadau i norü naane. Rü Babiróniagu tá nixĩ i nayuxü̃.

Yox 7:20

Rü ngẽxguma chixexü̃ chaxüxgu ¿rü ta̱xacürü chixexü̃ ẽ̱xna cumaxã chaxü, Pa Yatügüarü Ngugüruxü̃x? ¿Rü tü̱xcüü̃ wüxi i cuxnemaxã choxü̃ cuchuxchaü̃xü̃ choxü̃ quixĩxẽxẽ? ¿Ẽ̱xna cuxca̱x rü wüxi i curü guxcharuxü̃ chixĩ?

Ore i mexü̃ ga Luca ümatüxü̃ 21:20

Rü ngẽxguma nüxü̃ peda̱u̱xgu nax perü uanügüarü churaragü Yerucharéü̃xü̃ íchomaeguãchixü̃, rü ngẽmawa tá nüxü̃ pecua̱x nax paxa tá nagu napogüexü̃ ya yima ĩane.

Yox 3:23

¿Rü ta̱xacüca̱x nangóxü̃ ya wüxi ya yatü ega chi Tupana ngúxü̃wa rü guxchaxü̃wa namaxẽxẽãgu?

Yox 6:29

Rü chanaxwa̱xe i iperüchianegü namaxã i ngẽma ore i chauchiga nüxü̃ pixuxü̃. ¡Rü taxṹ i pidorata̱xa̱güxü̃! ¡Rü penayaxu i ngẽma ore i nüxü̃ chixuxü̃ nax aixcüma yixĩxü̃!

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Yox 19:22

¿Tü̱xcüü̃ i pema rü Tupanarüxü̃ chowe pingẽxü̃tanüxü̃? ¿Rü tama ẽ̱xna i marütama yixĩxü̃ nax chixexü̃ chomaxã pexüxü̃?

Yox 30:21

Rü chomaxã cuchixecüma, rü yimá cuchacüxü ya poraxüchinemaxã choxü̃ quima̱x.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Yox 8:3

Rü Tupana ya Guxãétüwa Ngẽxmacü rü taguma ínayatoxẽxẽ i ngẽma aixcüma ixĩxü̃ rü guxü̃guma tüxna nanaxã i ngẽma tamaxã naxueguxü̃.