Yox 17:8 - Tupanaarü Ore

⁸ Rü ngẽxguma choxü̃ nadaugügu i ngẽma duü̃xü̃gü i mexü̃gu rüxĩnüexü̃ rü chomaxã naba̱i̱xãchie. Rü nanue i duü̃xü̃gü rü chixexü̃arü üruü̃ãcü choxü̃ nadaugü.

Yox 17:8 Referans Kwoze

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Ngechuchuarü ngúexü̃gü ga yamugüxü̃arü puracüchiga 13:46

Natürü ga Pauru rü Bernabé rü tama namuü̃eãcüma yema Yudíugüxü̃ nangãxü̃gü, rü ñanagürügü: —Tupana nanaxwa̱xe nax pemaxãxíra nüxü̃ tixuxü̃ i norü ore. Natürü ñu̱xma nax nüxü̃ pexoexü̃ i ngẽma ore rü tama penayauxgüchaü̃xü̃ i maxü̃ i taguma gúxü̃, rü ngẽmaca̱x i ñu̱xmax i toma rü tá ngẽma tama Yudíugü ixĩgüxü̃tanüwa taxĩ.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Ngu̱xẽẽtaeruü̃arü ore 5:8

¡Taxũtáma cubaixãchi i ngẽxguma nüxü̃ cuda̱u̱xgu nax to i nachixü̃anegüwa rü ãẽ̱xgacügü chixri namaxã inacua̱xgüxü̃ i ngẽma norü duü̃xü̃gü i ngearü diẽruã̱xgüxü̃. Rü ngẽma ãẽ̱xgacügü i guxchaxü̃arü mexẽẽruü̃gü rü diẽruca̱x tama tüxü̃ nangü̃xẽẽgüxü̃ ya yíxema ngearü diẽruã̱xgüxe! Erü wüxichigü i ngẽma ãẽ̱xgacügü rü natüxü̃wa nangẽxma i to i ãẽ̱xgacü i naétüwa ngẽxmaxü̃, rü ngẽma ãẽ̱xgacü i naétüwa ngẽxmaxü̃ rü to i ãẽ̱xgacütüü̃wa nangẽxma, rü guxü̃ma i ngẽma ãẽ̱xgacügü rü nügü ínapoxü̃gü.

Yox 22:19

Rü nataãẽgü i ngẽma duü̃xü̃gü i mexü̃gu maxẽxü̃, rü nacugüe i ngẽxguma nüxü̃ nadaugügu nax yaxaexü̃ i norü ngẽmaxü̃gü i ngẽma duü̃xü̃gü i chixexü̃gu maxẽxü̃.

Édra 9:3

Rü yexguma yema orexü̃ chaxĩnügu rü chorü ngechaü̃maxã chaugü charügáutechiru rü chaugü chapuxü̃yae rü chaugü chapuxü̃chinagu, yerü poraãcü chauãẽwa nangu̱x ga yema.

Wiyaegü 37:1

¡Taxṹ i cunaxĩ̱xãchiãẽxü̃ namaxã i ngẽma duü̃xü̃gü i chixexü̃gu maxẽxü̃! ¡Rü taxṹ i quixãũxãchixü̃ i ngẽma chixexü̃ ügüxü̃!

Wiyaegü 73:3

Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.