Yox 17:3 - Tupanaarü Ore

³ Natürü cumax, Pa Corix, cuxü̃́ natauxcha nax chauétüwa quidexaxü̃. ¿Texé chi chauétüwa chogüxe, ega tama cuma yixĩxgu?

Yox 17:3 Referans Kwoze

Popera ga Yudíugü ga yaxõgüxü̃ca̱x ümatüxü̃ 7:22

Rü ñu̱xma nax yemaacü nügüégagutama inaxunetaxü̃ ga Tupana, rü nüxü̃ tacua̱x nax aixcüma Cristugagu tüxü̃́ nangẽxma i wüxi i Tupanaarü uneta i rümemaexü̃.

Ichaía 38:14

Rü ñoma chirugürüxü̃ rü cówagürüxü̃ rü muxtucugürüxü̃ charüdoxü. Rü yima chauxetügü rü düxwa nipae nax yeü̃cürü daxũ chadawenüxü̃ rü ñachagürü: “Pa Corix, ngúxü̃ chinge. ¡Ẽcü cha̱u̱xca̱x yataanexẽxẽ!” ñachagürü.

Ucu̱xẽgüchiga 11:15

Ngẽxguma cunayaxu̱xgu nax cunaxütanüxü̃ca̱x i norü ngetanü i wüxi i duü̃xü̃ i tama nüxü̃ cucuáxü̃, rü guxchaxü̃wa cugü cungexmaxẽxẽ. Rü yíxema tama nayaxúxe nax tanaxütanüxü̃ i togüarü ngetanü rü taãẽãcü tamaxü̃.

Wiyaegü 119:122

¡Rü chauétüwa nachogü nax taxuxü̃ma i chixexü̃ choxü̃ naxüpetüxü̃ca̱x rü tama chixexü̃gu choxü̃ nanguxẽẽgüxü̃ca̱x i ngẽma nügü icua̱xüü̃güxü̃!

Naanearü ügüchiga 44:32

Rü choma rü tümamaxã nüxü̃ chixu ga chorü papa rü chomatátama nüxna chadau ya yimá toenexẽ ya rübumaecü. Rü ñachagürü tüxü̃: “Rü ngẽxguma tama cuxca̱x chanataeguxẽẽgux, rü choma tá nixĩ i guxü̃gutáma chayangexü̃ i ngẽma guxchaxü̃”, ñachagürü tüxü̃.

Naanearü ügüchiga 43:9

Rü chomatátama nixĩ i nüxna chadauxü̃ ya Bẽyamíü̃. Rü ngẽxguma ta̱xacü nüxü̃ ngupetügu, rü chomatátama nixĩ i chanangenagüxü̃ i ngẽma guxchaxü̃. Rü ngẽxguma taxũtáma cuxca̱x chanatáeguxẽẽgu, rü guxü̃gutáma nagu curüxĩnü nax chaugagu yixĩxü̃.

Yox 9:33

Rü nataxuma i wüxi i ãẽ̱xgacü i guxchaxü̃arü mexẽẽruxü̃ i Tupanamaxã rü chomaxã icuáxü̃. Rü tataxuma ya texé ya chauétüwa chogüxe nax tama choxü̃ napoxcuxü̃ca̱x rü choxü̃ yamuü̃xẽẽchigüxü̃ca̱x ya Tupana.

Ucu̱xẽgüchiga 22:26

Taguma name i cuxchiama cugü icuxã nax cunaxütanüxü̃ca̱x i togüarü ngetanü, erü ngẽxguma cuxü̃́ tataxu̱xgu ya diẽru nax tüxü̃ cutáeguxẽẽxü̃ca̱x ya yíxema diẽru, rü woo cuxchiãü̃ rü tá cuxna nayapugü. -4-

Ucu̱xẽgüchiga 20:16

Cuma nax diẽru ngĩxü̃ cuxãxü̃ nüxna i wüxi i duü̃xü̃ i tama nüxü̃ cucuáxü̃, rü name i nüxna cunayaxu i wüxi i naxchiru i ngẽma nüxü̃ rüngü̃xẽẽxü̃. Rü cuxme̱xwa tá nangẽxma i ngẽma naxchiru ñu̱xmata ngĩxü̃ natáeguxẽxẽ i ngẽma diẽru.

Ucu̱xẽgüchiga 17:18

Yíxema tama tümaãẽxü̃ cuáxe rü tü̱xchiama tügü taxã nax nüxü̃ tarüngü̃xẽẽxü̃ca̱x i tümamücü nax to i duü̃xü̃na diẽruca̱x naca̱xaxü̃. Natürü ngẽxguma tümamücü tama natáeguxẽẽãgu i ngẽma diẽru, rü tüxchiama tá tanatáeguxẽxẽ.

Yox 5:1

¡Rü aita naxü, Pa Yox, rü texé tá cuxü̃ ngãxü̃! ¿Rü ta̱xacürü Tupanaarü orearü ngeruxü̃ i daxũcüã̱xna tá cuca nax cuxü̃ nangü̃xẽxẽxü̃ca̱x?