6 Natürü ngẽma nax chidexaxü̃ rü tama choxü̃́ nanangupetüxẽxẽ i ngẽma ngúxü̃ i chingexü̃. Rü woo chi charüngea̱xgu rü tama choxü̃́ nanangupetüxẽxẽ nax choxü̃́ nangúxü̃.
Rü marü düxwa chipa nax ñoma i naanewa chamaxü̃xü̃. Rü ngẽma ngúxü̃ i chingexü̃gagu rü taxũtáma chaugüna chachogü nax nüxna chaca̱a̱xü̃ nax tü̱xcüü̃ ngúxü̃ choxü̃ yangexẽẽxü̃.
Rü ngẽxguma nagu charüxĩnügu nax nüxü̃ charüngümaxü̃ca̱x i ngẽma ngúxü̃ i chingexü̃ nax ngẽmaãcü chataãẽxü̃ca̱x, rü wenaxarü choxü̃ ínaba̱i̱xgü i ngẽma ngúxü̃ i chingexü̃. Rü meama nüxü̃ chacua̱x nax pema rü tama choxü̃́ peyaxõgüxü̃ nax taxuxü̃ma i chixexü̃ chaxüxü̃.
Natürü i choma rü chi pemaxã nüxü̃ chixu i ore i namaxã pexü̃ chataãẽxẽẽxü̃ nax ngẽmaãcü pora pexna chaxãxü̃ca̱x.