Yox 16:4 - Tupanaarü Ore

⁴ Rü ngẽxguma chi pexü̃ nangupetügu i ngẽma ñu̱xma choxü̃ ngupetüxü̃, rü choma rü chi pema pidexagüxü̃rüxü̃ chidexa rü pexü̃ chacugüãcüma chanexáeru rü muxũchixü̃ma i oremaxã chidexa.

Yox 16:4 Referans Kwoze

Wiyaegü 109:25

Rü duü̃xü̃güarü cugüruxü̃ chixĩ. Rü ngẽxguma choxü̃ nadaunügu rü nanexáerugü rü choxü̃ nacugüe.

Wiyaegü 22:7

Rü ngẽxguma choxü̃ nadaugügu i duü̃xü̃gü rü choxü̃ nacugüe rü choxna nabia̱xgü rü nanexáerugü rü chixri chauchiga nidexagü.

Auxexü̃chiga 2:15

Rü ngẽxguma cuxü̃ nadaugügu i ngẽma duü̃xü̃gü i namawa chopetüxü̃ rü napéxme̱xgüãcü cuxü̃ nacugüe. Rü cuxna nawíxgüe rü cuxü̃ nacugüeãcü nanexáerugü, rü ñanagürügü: —¿Daa e̱xna yixĩxü̃ ga guma ĩane ga mexẽchine ga Yerucharéü̃ ga ñoma ga naanewa guxü̃nema ga ĩanegüxü̃ rümemaene? —ñanagürügü.

Yeremía 18:16

Rü ngẽmaãcü nanachianexẽẽgü i ngẽma nachixü̃ane, rü ngẽma togü i duü̃xü̃gü rü namaxã naba̱i̱xãchie. Rü guxü̃ma i ngẽma duü̃xü̃gü i nawa chopetüxü̃ rü baixãchimaxã naneaerugü.

Norü taxre ga popera ga ãẽ̱xgacügüchiga 19:21

Rü ñaa nixĩ i ngẽma ore ya Cori ya Tupana nüxü̃ ixuxü̃ naxca̱x i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃cüã̱x rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu, rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

1 Corintios 12:26

Rü ngẽxguma chi wüxi i ngẽma taxünearü üye nüxü̃́ ngu̱xgu, rü guxü̃ma i ngẽma togü i natanüxü̃ rü ta nüxü̃́ nangu̱x. Rü ngẽxguma chi wüxi i ngẽma taxünearü üye taãẽgu, rü guxü̃ma i ngẽma togü i natanüxü̃ rü ta nataãxẽgü.

Romanos 12:15

¡Rü wüxigu tümamaxã petaãxẽgü ya yíxema taãxẽgüxe! ¡Rü wüxigu tümamaxã pexauxe ya yíxema ngechaü̃güxe rü auxexe!

Ore i mexü̃ ga Matéu ümatüxü̃ 7:12

Rü pemaxã nüxü̃ chixu, rü ngẽma mexü̃ i pema penaxwa̱xexü̃ nax togü pemaxã naxüxü̃, rü name i ngẽmatama mexü̃ togümaxã pexü. Erü ngẽma nixĩ i Tupanaarü mugüwa ngóxü̃ rü norü orearü uruü̃gü nüxü̃ ixugüxü̃.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Ngu̱xẽẽtaeruü̃arü ore 10:14

Rü ngẽma yatü i naechita idexaxü̃ rü ngẽxguma yadexaxgu rü taguma inayagu i norü dexa. ¿Rü texé nüxü̃ tacua̱x i ta̱xacü tá yixcüra ngupetüxü̃? Erü taxúema nüxü̃ tacua̱x i ngẽma yixcüra tá ngupetüxü̃.

Ucu̱xẽgüchiga 10:19

Ngẽma poraãcü idexaechaxü̃ rü poraãcü chixexü̃ naxü, natürü yíxema cua̱x tüxü̃́ ngẽxmaxẽ, rü nüxna tadau ya tümaarü conü.

Wiyaegü 44:14

Rü wiyaegüãcüma ngẽma togü i nachixü̃anecüã̱xgü toxü̃ nacugüe. Rü ngẽxguma toxü̃ nadaugügu rü nanexáerugüãcüma toxü̃ nacugüe.

Yox 35:16

Natürü i cumax, Pa Yox, rü cuechita quidexamare. Rü muxü̃ma i orexü̃ quixu natürü tama nüxü̃ cucua̱x nax ta̱xacüxü̃ quixuxü̃ —ñanagürü ga Eriú.

Yox 11:2

—Guxü̃ma i ngẽma curü dexagü i nüxü̃ quixuxü̃ rü tá chanangãxü̃. Rü tama ngẽma nax namaarü dexaã́xü̃ca̱x nixĩ i aixcüma yixĩxü̃ i wüxi i duü̃xü̃arü ore.

Yox 6:14

Rü wüxi i tamücü i ngúxü̃ ingexü̃ rü nüxü̃ tangechaxü̃ woo tama yimá Guxãétüwa Ngẽxmacümaxã yaxaixcümagu.

Yox 16:5

Natürü i choma rü chi pemaxã nüxü̃ chixu i ore i namaxã pexü̃ chataãẽxẽẽxü̃ nax ngẽmaãcü pora pexna chaxãxü̃ca̱x.

Ichaía 37:22

Rü ñaagü nixĩ i ngẽma ore ya Cori ya Tupana nüxü̃ ixuxü̃ nachiga i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃arü duü̃xü̃gü rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

Yeremía 48:27

Rü pema i Moáanecüã̱xgüx, ¿tama ẽ̱xna ga ü̃pa rü nüxü̃ pecugüexü̃ ga Iraétanüxü̃ rü chixri nachiga pidexagüxü̃, ñoma wüxi i ngĩ́ta̱xaxü̃rüxü̃?

Wiyaegü 22:8

Rü ñanagürügü: —Ñaa nixĩ i ngẽma yatü i Cori ya Tupanaaxü̃́ yaxõxü̃. ¡Rü ẽcü ínanguxuchixẽẽã rü namaxẽẽã ega aixcüma nüxü̃ nangechaü̃gu! —ñanagürügü.