Yox 16:10 - Tupanaarü Ore

¹⁰ Rü duü̃xü̃gü rü chauxü̃tawa naxĩ nax choxü̃ nacugüexü̃ca̱x rü choxna nawüa̱xgüxü̃ca̱x. Rü choxü̃ napegüchiwegüxü̃ca̱x nax ngẽmaãcü choxü̃ naxãnexẽẽgüxü̃ca̱x.

Yox 16:10 Referans Kwoze

Wiyaegü 35:15

Natürü yexguma guxchaxü̃ cha̱u̱xca̱x ínguxgu, rü nümagü rü naxĩtaque̱xe rü choxü̃ nacugüe ñoma tama choxü̃ nacua̱xgüxü̃rüxü̃. Rü yemaacü chixexü̃maxã choxü̃ nixugüecha.

Wiyaegü 22:13

Rü ñoma leóü̃ i norü taiyamaxã ichogüxü̃ rü aita üexü̃rüxü̃ choxna nayu̱xgu.

Ngechuchuarü ngúexü̃gü ga yamugüxü̃arü puracüchiga 23:2

Rü yexguma ga yema chacherdótegüaru ãẽ̱xgacü ga Ananía rü nanamu ga yema Pauruarü ngaicamana yexmagüxü̃ nax naã̱xwa tayama̱xgüxü̃ca̱x.

Miquéa 5:1

¡Rü ñu̱xma, Pa Yerucharéü̃x, ínamexẽxẽ i curü poxü̃ruxü̃! Erü marü cuxü̃ ínachomaeguãchi i curü uanügü. Rü poraãcü tá ngúxü̃ nüxü̃ ningexẽẽgü ya yimá Iraétanüxü̃arü ãẽ̱xgacü.

Auxexü̃chiga 3:30

Rü ngẽxguma texé cuxü̃ pechametügu ¡rü taxũtáma cuxütanü! Rü narümemae nixĩ nax Tupanamaxã nüxü̃ quixuxü̃ i ngẽma nax nüma cuxü̃ naxütanüxü̃ca̱x.

Ichaía 50:6

Rü chauca̱xwe̱x nüxna chaxã nax choxü̃ nacua̱i̱xgüxü̃ca̱x. Rü yexguma choxü̃ natuxchinagugügu rü tama nüxna chayanuxü̃. Rü tama chidaugachi ga yexguma chauchametüwa nacua̱i̱xgügu rü chixexü̃ chomaxã yaxugügügu.

2 Corintios 11:20

Rü yáxna namaxã pexĩnüe i ngẽma duü̃xü̃gü i nügüxü̃́ pexü̃ puracüexẽẽxü̃, rü ngẽma ngetanüãcüma pexü̃ puracüexẽẽmarexü̃, rü ngẽma pexü̃ womüxẽẽgüxü̃, rü ngẽma pexü̃ oexü̃, rü ngẽma pexü̃ pechiwegüxü̃.

Nüxíraxü̃xü̃ ga popera ga ãẽ̱xgacügüchiga 22:24

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãẽ i choxna yaxũgachixü̃ nax cuxchiama cumaxã yadexaxü̃ca̱x? —ñanagürü.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Ore i mexü̃ ga Cuáü̃ ümatüxü̃ 18:22

Rü yexguma Ngechuchu yema ñaxgu, rü wüxi ga Tupanapata ga taxü̃nearü purichía ga naxü̃tagu chíxü̃, rü Ngechuchuxü̃ napechiwe. Rü ñanagürü nüxü̃: —¿Tü̱xcüü̃ ngẽmaãcü cunangãxü̃ ya daa chacherdótegüarü ãẽ̱xgacü? —ñanagürü.

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Wiyaegü 94:21

Erü ngẽma duü̃xü̃gü rü nügümaxã nagu narüxĩnüe nax tüxü̃ napoxcuexü̃ ya yíxema taxuxü̃ma i chixexü̃ ügüchiréxe. Rü tümamaxã nanaxuegugü nax tayuxü̃.

Wiyaegü 35:21

Rü poraãcü choxü̃ nacugüe rü chauchiga nidexagü rü ñanagürügü: —Dücax, toxetümaxã nüxü̃ tadau nax chixexü̃ naxüxü̃ —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 18:23

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãxẽ i choxna yaxũgachixü̃ nax cuxchama cumaxã yadexaxü̃ca̱x? —ñanagürü.

Yox 16:11

Rü nüma ya Tupana rü duü̃xü̃gü i chixexü̃ ügüxü̃ i máetagüxü̃me̱xẽgu choxü̃ nanguxẽxẽ.

Yox 30:12

Rü ngẽma máetatanüxü̃ rü cha̱u̱xca̱x ínayaxüãchi rü choxü̃ inañagü nax choxü̃ yama̱xgüxü̃ca̱x.

Wiyaegü 3:7

Pa Corix, Pa Chorü Tupanax, ¡chauétüwa ínayuxu rü choxü̃ ínapoxü̃ nüxna i chorü uanügü! ¡Rü nachiwe idagü rü nabüü̃püta i ngẽma chorü uanügü i chauxchi aiexü̃!

Auxexü̃chiga 2:16

Rü ñu̱xmax, Pa Yerucharéü̃x, rü guxü̃ma i curü uanügü rü chixexü̃ cumaxã nixugüe. Rü cuxü̃ naxãũxü̃negüãcüma cuxna nawíxgüe rü ñanagürügü: —Marü meama nagu tapogüe ya yima ĩane. Rü ñaa nixĩ ga yema ngunexü̃ ga írüngu̱xẽẽxü̃, rü ñu̱xma rü düxwa nüxü̃ tadau —ñanagürügü.

Wiyaegü 22:14

Rü ngẽma chorü pora rü ñoma dexá i baxü̃rüxü̃ nixĩ. Rü chauxchina̱xãgü rü marü nayatüxüchigü. Rü yima chorü maxü̃ne rü ñoma werarüxü̃ inadexe i chauxü̃nütagügu.

Wiyaegü 56:6

Rü nümagü rü nügümaxã nangutaque̱xegü nax nagu naxĩnüexü̃ nax ñuxãcü tá choxü̃ yama̱xgüxü̃. Rü choxü̃ ínicu̱xéxü̃gü. Rü ngexta íchaxũxü̃wa choxü̃ nangugügü nax choxü̃ yama̱xgüxü̃ca̱x.