Yox 15:4 - Tupanaarü Ore

⁴ Natürü i cuma rü tama Tupanaxü̃ cumuü̃. Rü tama aixcüma nüxü̃ cungechaxü̃.

Yox 15:4 Referans Kwoze

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Gálatas 2:21

Rü tama nüxü̃ chaxoxchaü̃ i Tupanaarü ngechaü̃. Rü yexguma chi yema mugügu ixĩxü̃gagu Tupanape̱xewa imexgu, rü natüca̱xmamare chi nixĩ nax nayuxü̃ ga Cristu.

Ore i mexü̃ ga Luca ümatüxü̃ 18:1

Ngechuchu rü wüxi ga to ga cua̱xruxü̃ namaxã nixu nax yemawa nangúexẽẽãxü̃ca̱x nax taguma nüxü̃ naxoexü̃ca̱x nax nayumüxẽgüxü̃.

Chofonía 1:6

Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.

Amúx 6:10

Rü poraãcü tá nata i muü̃ i ngẽxguma texe nayaxugu i ngẽma naxü̃ne i yuxü̃ i tümatanüxü̃ nax yima ĩpatawa ítanange̱xechixü̃ca̱x nax tayaguxü̃ca̱x. Rü tá ngẽma to i tümatanüxü̃ i aixepewa ngẽxmaxü̃na taca rü ñatagürü tá nüxü̃: —¿Tangexma ya toguxe i aixepewa ngẽxmaxe? —ñatagürü tá nüxü̃. Rü ngẽma to rü tá tüxü̃ nangãxü̃ rü ñanagürü: —Taxúema —ñanagürü tá. Rü ngẽma nüxna tacaxü̃ rü tá ñanagürü: —¡Írüngea̱x, rü taxũtá i Cori ya Tupanaégamaxã cuwáxü̃! —ñanagürü tá.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Wiyaegü 119:126

Pa Corix, marü nawa nangu nax chauétüwa cuchogüxü̃, erü ngẽma chorü uanügü rü tama naga naxĩnüe i curü mugü.

Yox 27:10

Rü ngẽma duü̃xü̃ i chixexü̃gu maxü̃xü̃, rü tama Tupana ya Guxãétüwa Ngẽxmacügu narüxĩnü, rü bai i ñuxgu namaxã yadexaxü̃ nax norü ngü̃xẽẽca̱x ínaca̱xaxü̃.

Yox 6:14

Rü wüxi i tamücü i ngúxü̃ ingexü̃ rü nüxü̃ tangechaxü̃ woo tama yimá Guxãétüwa Ngẽxmacümaxã yaxaixcümagu.

Yox 5:8

Rü ngẽxguma chi choma rü cuxrüxü̃ chixĩxgu, Pa Yox, rü Cori ya Tupanaca̱x chi chataegu, rü namaxã chi nüxü̃ chixu i chorü guxchaxü̃gü.

Yox 15:3

Rü wüxi ya yatü ya aixcüma nüxü̃ cuácü rü tama naechita nidexamare, rü tama nügü ínapoxü̃ namaxã i ore i natüca̱xmamare ixĩxü̃.

Yox 15:5

Rü ngẽma curü ĩnü i chixexü̃ nixĩ i ngẽmaãcü cuxü̃ idexaxẽẽxü̃ rü nüxü̃ quixuxü̃ i dexagü i tama aixcüma ixĩgüxü̃.