Yox 13:4 - Tupanaarü Ore

⁴ Pema rü perü doramaxã peyadüxü i ngẽma aixcüma ixĩxü̃. Rü pema rü dutúrugü i taxúexü̃ma üxü̃güxe pixĩgü.

Yox 13:4 Referans Kwoze

Wiyaegü 119:69

Rü ngẽma duü̃xü̃gü i nügü icua̱xüü̃güxü̃, rü natüca̱xmamare choxü̃ nixugüe. Natürü i chomax rü guxü̃guma chayanguxẽxẽ i ngẽma curü mugü.

Yeremía 8:22

¿Rü nataxuma e̱xna i üxüxü̃ i Garaáxanewa? ¿Rü ngéma rü tataxuma e̱xna ya texé ya naxüxü̃xẽ? ¿Rü ta̱xacüca̱x tama naxca̱x nitaanegüchaü̃ i ngẽma chorü duü̃xü̃gü?

Yeremía 6:14

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Ore i mexü̃ ga Márcu ümatüxü̃ 5:26

Rü muxü̃ma ga dutúrugü ngĩxü̃ naxüxü̃gü rü poraãcü ngúxü̃ ngĩxü̃ ningexẽẽgü. Rü yemaacü natüca̱xma ngĩxü̃ igu̱xẽxẽ ga guxcü ga ngĩrü diẽru. Natürü tama ngĩxca̱x nitaane, rü niyexeraguchigü ga ngĩrü da̱xawe.

Ore i mexü̃ ga Márcu ümatüxü̃ 2:17

Rü yexguma yemaxü̃ naxĩnügu ga Ngechuchu rü ñanagürü nüxü̃: —Ngẽma tama ida̱xaweexü̃ rü tama nanaxwa̱xe ya dutúru, natürü ngẽma ida̱xaweexü̃ nixĩ i naxwa̱xegüxü̃ ya dutúru. Choma rü tama ngẽma mexü̃güca̱x núma chaxũ, natürü núma chaxũ nax nüxna chaxuxü̃ca̱x i ngẽma pecaduã̱xgüxü̃ —ñanagürü.

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Yeremía 46:11

Pa Equítuanecüã̱x ¡Garaáxanewa pexĩ nax ngẽxma naxca̱x peyadaugüxü̃ca̱x i üxüxü̃! Natürü woo muxü̃ i üxüxü̃maxã pexüxüxü̃gu rü taxuwatáma pexü̃́ name. Erü nataxuma i üxüxü̃ i pexca̱x mexü̃.

Yeremía 30:13

Rü tataxuma ya texé ya cuxü̃ ípoxü̃xẽ. Rü tataxuma ya texé ya naxüxü̃xẽ i curü o̱xri. Rü nataxuma i üxüxü̃ nax pexca̱x yataanexü̃ca̱x.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Yox 6:21

Rü pema rü ngẽmaãcü cha̱u̱xca̱x pixĩgü. Rü nüxü̃ pedaugü i ñaa taxü̃ i chorü guxchaxü̃gü, natürü peba̱i̱xãchiãxẽ rü pemuü̃e.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Neemía 6:8

Rü yexguma ga chomax rü chanangãxü̃ rü ñachagürü: —Tama aixcüma nixĩ ga yema nüxü̃ cuxĩnüchigaxü̃ yerü yema rü cumatama nagu curüxĩnümarexü̃ nixĩ —ñachagürü.

Yox 6:15

Natürü i pemax, Pa Chomücügüx, rü tama chomaxã pixaixcümagü. Rü ñoma wüxi i natüxacü i paxü̃rüxü̃ pixĩgü.

Yox 6:20

Natürü yexguma yéma nangugügu rü narümaachitanü rü yexma nagu nayarüchixe ga yema norü taãẽgü.

Yox 27:12

Rü ngẽxguma pema rü marü nüxü̃ peda̱u̱xgu i norü pora rü ñu̱xũchi ngẽma ta̱xacü i naxüxü̃, ¿rü tü̱xcüü̃ nixĩ i pidexagüechaxü̃? —ñanagürü ga Yox.