Yox 12:5 - Tupanaarü Ore

⁵ Rü yíxema tama ta̱xacü tüxü̃ ngupetüxe rü tüxü̃́ natauxcha nax yíxema guxchaxü̃ tüxü̃ ngupetüxexü̃ tixuxü̃. Rü tüxü̃́ natauxcha nax tanayexeraẽẽxü̃ i tümamücüarü guxchaxü̃.

Yox 12:5 Referans Kwoze

Ore i mexü̃ ga Matéu ümatüxü̃ 25:8

Rü yexguma ga yema 5 ga pacügü ga tama uãxẽgücü rü ngĩgürügügü ngĩxü̃ ga yema pacügü ga uãxẽgücü: “¡Íxraxü̃ i perü queruyinu toxna pexã, erü torü omügü rü nixogü!” ngĩgürügügü.

Ucu̱xẽgüchiga 13:9

Ngẽma mexü̃gu maxẽxü̃, rü ñoma omü i báixemaxü̃rüxü̃ nixĩgü. Natürü ngẽma chixexü̃gu maxẽxü̃, rü ñoma omü i oxü̃rüxü̃ nixĩgü.

Wiyaegü 17:5

Rü aixcüma mea nagu chixũ i ngẽma cuma cunaxwa̱xexü̃ rü taguma nüxna chixũgachi.

Ore i mexü̃ ga Luca ümatüxü̃ 12:19

Rü ngẽxguma marü namexgu i guxü̃ma, rü chaugümaxã tá ñacharügü: ‘Ñu̱xma rü tá icharüngü̃ rü mea tá chachibü rü mea chaxaxe rü ngẽmaãcü tá chataãxẽ. Erü namuxũchi i chorü ngẽmaxü̃gü, rü mucüma ya taunecü tá choxü̃́ natai’, ñacharügü tá chaugümaxã”.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Ucu̱xẽgüchiga 20:20

Yíxema tümanatümaxã rü tümaémaxã chixexü̃ ixugüxe, rü tá tayu rü ẽanexü̃wa tá tangexma.

Wiyaegü 94:18

Rü ngẽxguma ñachagu: —Pa Corix, ngẽmatama chixexü̃gu changu —ñachagu, rü cuma rü choxü̃ cungechaü̃ãcüma choxü̃ curüngü̃xẽxẽ.

Yox 18:5

Rü ngẽma chixexü̃gu maxü̃xü̃ i duü̃xü̃ rü ñoma wüxi i omü i oxü̃rüxü̃ tá nixo i norü maxü̃. Rü ngẽmawena rü tagutáma wena namaxü̃ i ñoma i naanewa.

Yox 16:4

Rü ngẽxguma chi pexü̃ nangupetügu i ngẽma ñu̱xma choxü̃ ngupetüxü̃, rü choma rü chi pema pidexagüxü̃rüxü̃ chidexa rü pexü̃ chacugüãcüma chanexáeru rü muxũchixü̃ma i oremaxã chidexa.

Yox 6:5

¿Ẽ̱xna yacaxü̃ i ngẽma búru i dauxchitacüã̱x ega ngẽxguma naxãbügu? ¿Ẽ̱xna yaca̱xaxü̃ i ngẽma woca i yatüxü̃ ega ngẽxguma maxẽ nüxü̃́ ngẽxmagu?

Yox 12:4

Rü yexguma ü̃pa Tupanamaxã chidexagu rü nüma rü choxü̃ naxĩnü rü choxü̃ nangãxü̃. Natürü i ñu̱xma rü chomücügüarü cugüruxü̃ chixĩ. Rü woo taxuxü̃ma i chixexü̃ chaxü natürü choxü̃ nacugüeama.

Yox 12:6

Rü ngẽma ngĩ́ta̱xagüxü̃ rü taãẽãcüma napatagüwa namaxẽ. Rü ngẽma Tupanamaxã guxchigagüxü̃ rü taãẽãcüma namaxẽ rü nagu narüxĩnüe nax nümagü Tupanamaxã inacua̱xgüxü̃.