Yox 12:4 - Tupanaarü Ore

⁴ Rü yexguma ü̃pa Tupanamaxã chidexagu rü nüma rü choxü̃ naxĩnü rü choxü̃ nangãxü̃. Natürü i ñu̱xma rü chomücügüarü cugüruxü̃ chixĩ. Rü woo taxuxü̃ma i chixexü̃ chaxü natürü choxü̃ nacugüeama.

Yox 12:4 Referans Kwoze

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Yox 30:1

Natürü i ñu̱xmax, rü choxü̃ nacugüe i ngẽma ngextü̱xüxü̃gü ga ü̃pa guxema nanatügü rü taxũchima tüxna chanaxã ga puracü woo nax namaxã itacua̱xgüxü̃ca̱x ga chorü airugü ga chorü carnérugüarü dauruü̃gü.

Yox 21:3

Rü ngẽxguma pemaxã chidexagu rü chanaxwa̱xe nax yáxna namaxã pexĩnüexü̃ i chorü ore. Rü ngẽxguma marü chigúegagu rü marü name i choxü̃ pecugüe ega penaxwa̱xegu.

Yox 17:6

Rü cuma nixĩ, Pa Corix, i nüxü̃́ cunatauxchaxẽẽxü̃ i guxü̃ma i duü̃xü̃gü nax chauchiga chixri yadexagüxü̃ rü chauchiwewa nacua̱i̱xgüxü̃.

Yox 17:2

Rü ñaa duü̃xü̃gü i chauxü̃tawa ngẽxmagüxü̃ rü nua choxü̃ yacugüemarexü̃ nixĩgü. Rü tama choxü̃ nangechaü̃ãcüma ngúxü̃ choxü̃ ningexẽẽgü. Rü ngunecü rü chütacü rü nüxü̃ chadau nax ñuxãcü choxü̃ nachixewegüechaxü̃.

Yox 16:10

Rü duü̃xü̃gü rü chauxü̃tawa naxĩ nax choxü̃ nacugüexü̃ca̱x rü choxna nawüa̱xgüxü̃ca̱x. Rü choxü̃ napegüchiwegüxü̃ca̱x nax ngẽmaãcü choxü̃ naxãnexẽẽgüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:36

Rü nayexma ta ga ñuxre ga togü ga yaxõgüxü̃ ga norü uanügü nüxü̃ cugüexü̃, rü yacua̱i̱xgüxü̃, rü cadénamaxã yana̱i̱xgüxü̃, rü poxcupataü̃gu nawocuxü̃.

Ngechuchuarü ngúexü̃gü ga yamugüxü̃arü puracüchiga 17:32

Rü yexguma yema nax wena namaxẽxü̃chigaxü̃ naxĩnüegu ga duü̃xü̃gü, rü ñuxre ga nümagü rü Pauruxü̃ nacugüe. Natürü ga togü rü ñanagürügü: —To i ngunexü̃gu tá wena cuxü̃́ itarüxĩnüe i ngẽmachiga —ñanagürügü.

Ore i mexü̃ ga Luca ümatüxü̃ 16:14

Natürü ga yema Parichéugü rü poraãcü norü diẽruguama narüxĩnüe. Rü yemaca̱x Ngechuchuxü̃ nacugüe ga yexguma nüxü̃ naxĩnüegu ga guxü̃ma ga yema ore.

Ore i mexü̃ ga Márcu ümatüxü̃ 5:40

Rü nüxü̃ nacugüeama ga duü̃xü̃gü. Natürü nüma ga Ngechuchu rü ĩã̱xtüwa nanamugü ga guxü̃ma. Rü ngĩnatümaxã rü ngĩémaxã, rü yema íyaxümücügüxü̃maxã nixücu ga ínayexmaxü̃wa ga yema bucü.

Ore i mexü̃ ga Matéu ümatüxü̃ 27:29

Rü naeruwa nayanga̱xcuchigü ga wüxi ga nga̱xcueruxü̃ ga chuchuxü̃wa naxügüxü̃. Rü wüxi ga naixmena̱xãxãcüxü̃ nüxü̃ nayayauxãchixẽxẽ ga norü tügüneme̱xẽwa. Rü ñu̱xũchi nape̱xegu nacaxã́pü̱xügü, rü nüxü̃ nacugüe, rü ñanagürügü: —¡Namaxü̱̃x ya Yudíugüarü Ãẽ̱xgacü! —ñanagürügü.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ucu̱xẽgüchiga 14:2

Yimá yatü ya mecümacü, rü Cori ya Tupanaga naxĩnü. Natürü ngẽma yatü i chixexü̃ i nacümagu maxü̃xü̃, rü tama Cori ya Tupanaga naxĩnü.

Wiyaegü 35:16

Rü ngúxü̃ choxü̃ ningexẽẽgü rü choxü̃ nacugüe rü numaxã choxna nadaugü. Rü yemaacü chauxchi naxaie.

Yox 11:3

¿Rü cuma nagu curüxĩnügu i ngẽma curü dexamaxã chi toxü̃ curüngea̱xgüxẽxẽ rü taxuechima cuxü̃ tangãxü̃gaxü̃ naxca̱x i ngẽma curü ore i namaxã toxü̃ cucugücüraxü̃xü̃?

Yox 6:29

Rü chanaxwa̱xe i iperüchianegü namaxã i ngẽma ore i chauchiga nüxü̃ pixuxü̃. ¡Rü taxṹ i pidorata̱xa̱güxü̃! ¡Rü penayaxu i ngẽma ore i nüxü̃ chixuxü̃ nax aixcüma yixĩxü̃!

Ore i mexü̃ ga Matéu ümatüxü̃ 9:24

Rü Ngechuchu ñanagürü nüxü̃ ga yema duü̃xü̃gü: —¡Ípechoxü̃ i nua! Erü ngẽma bucü rü tama iyu. Rü ipemare —ñanagürü. Natürü nümagü ga duü̃xü̃gü rü Ngechuchuxü̃ nacugüeama.

Yox 9:21

Choma rü taxuxü̃ma i chixexü̃ chaxü, natürü choxü̃ nanataxuraü̃ma nax chamexü̃. Rü marü chipa nax chamaxü̃xü̃ i ñoma i naanewa.

Yox 12:5

Rü yíxema tama ta̱xacü tüxü̃ ngupetüxe rü tüxü̃́ natauxcha nax yíxema guxchaxü̃ tüxü̃ ngupetüxexü̃ tixuxü̃. Rü tüxü̃́ natauxcha nax tanayexeraẽẽxü̃ i tümamücüarü guxchaxü̃.

Yox 13:18

Rü ñu̱xma rü tá chaugü íchapoxü̃, erü nüxü̃ chacua̱x ya Tupana rü tá nüxü̃ nixu nax taxuxü̃ma i chixexü̃ chaxüxü̃.

Yox 30:9

Natürü i ñu̱xmax i ngẽma tümanegü rü chaugu nidauxcüraxü̃gü rü choxü̃ nacugüe

Yox 34:7

Rü tataxuma ya texé ya Yoxrüxü̃ Tupanagu idaucüraxü̃xe, ñoma dexá tauxchaãcü ixaxüxü̃rüxü̃.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.