Yox 12:10 - Tupanaarü Ore

¹⁰ Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.

Yox 12:10 Referans Kwoze

Yox 33:4

Rü Tupana ya Guxãétüwa Ngẽxmacü nixĩ i choxü̃ ngo̱xẽẽcü rü choxü̃ maxẽẽcü.

Ngechuchuarü ngúexü̃gü ga yamugüxü̃arü puracüchiga 17:25

Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.

Iraétanüxü̃arü muxchiga 16:22

Natürü nüma ga Moiché rü Aróü̃ rü Tupanape̱xegu ñaxtüanegu nanangücuchitanü rü ñanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —ñanagürügü.

Yox 27:3

Rü ñu̱xma nax Tupana maxü̃ choxna ãxü̃ rü tagutáma ta̱xacürü chixexü̃maxã tá chidexa. Rü chorü conü rü taxũtáma doraxü̃ nixu.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Wiyaegü 104:29

Natürü ngẽxguma ícunawogügu rü nümagü rü nanaxĩ̱xãchiãẽgü. Rü ngẽxguma nüxna cunayaxu̱xgu ya buanecü rü nayue rü wenaxarü waixü̃müxü̃ nixĩgü.

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Ore i mexü̃ ga Cuáü̃ ümatüxü̃ 3:6

Yíxema duü̃xü̃wa buxe rü duü̃xü̃tama tixĩ. Natürü yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃, rü Tupanaxacü tixĩ.

Naanearü ügüchiga 6:17

Erü núma tá chanamu ya taxüchicü ya mucü nax guxü̃wama inanguanexü̃ca̱x, rü nayuexü̃ca̱x i guxü̃ma i ta̱xacü i maxü̃ã́xü̃ i guxü̃ i naanewa. Rü guxü̃táma nayue.

Yox 27:8

¿Ta̱xacürü mexü̃ tá ínanangu̱xẽxẽ i ngẽma duü̃xü̃ i chixexü̃gu maxü̃xü̃ i ngẽxguma Tupana nüxna nayauxgu i norü maxü̃?

Ngu̱xẽẽtaeruü̃arü ore 9:1

Poraãcü chaugü naxca̱x ichaxã nax nüxü̃ chacuáxü̃ca̱x i guxü̃ma i ngẽma Tupana üxü̃. Rü ngẽma namaxã icharüxũxü̃ nixĩ nax guxü̃ma i duü̃xü̃gü i mexü̃ ügüxü̃ rü ngẽma cua̱x nüxü̃́ ngẽxmagüxü̃ rü guxü̃ma i ngẽma naxügüxü̃ rü Tupaname̱xẽwa yixĩxü̃ i nangẽxmagüxü̃. Rü yima yatü rü tama nüxü̃ nacua̱x nax ta̱xacüchiga yixĩxü̃ nax yigü ingechaxü̃xü̃ rü yigüchi ixaiexü̃ woo naxetümaxã nüxü̃ nada̱u̱xgu.

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Wiyaegü 104:30

Natürü ngẽxguma nüxna cuxãxgu i maxü̃ rü nimu rü ngẽmaãcü cuyangexwaca̱xü̃chigüxẽxẽ i guxü̃ma i ngẽma ñoma i naanewa maxẽxü̃.

Ichaía 57:16

Pa Chorü Duü̃xü̃güx, marü taxũtáma pexü̃ chixuecha rü taxũtáma guxü̃guma pemaxã chanu. Erü ngẽxguma chi chanuechagu rü guxü̃ma i ngẽma duü̃xü̃gü i changóexẽẽxü̃ rü chi choxü̃ narüxoe.