Yox 11:7 - Tupanaarü Ore

⁷ ¿Rü nüxü̃ cucuáxü̃ yixĩxü̃ i ngẽma Tupanaarü cua̱x i ẽxü̃guxü̃? ¿Rü cuxü̃́ natauxchaxü̃ nax nüxü̃ cucuáxü̃ i ngẽma nüxü̃ nacuáxü̃ ya Yimá Guxãétüwa Ngẽxmacü?

Yox 11:7 Referans Kwoze

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Ngu̱xẽẽtaeruü̃arü ore 3:11

Rü yexguma norü ngunexü̃wa nanguxgu rü Tupana nanaxü ga guxü̃ma. Rü namexẽchi ga yema naxüxü̃. Rü naétü Tupana duü̃xü̃güxü̃ nüxü̃ nacua̱xẽxẽ i ngẽma taguma gúxü̃ woo i duü̃xü̃gü rü tama nawa nangugü nax nüxü̃ nacua̱xgüxü̃ i guxü̃ma i ngẽma Tupana marü ngo̱xẽẽxü̃, rü ngẽma yixcüra tá naxüxü̃.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Ichaía 40:28

¿Ẽ̱xna tama nüxü̃ cucua̱x rü tama nüxü̃ cuxĩnü? Rü nüma ya Cori ya Tupana ya guxü̃guma ngẽxmacü rü naanearü üruxü̃ ixĩcü, rü taguma nanaxĩ̱xãchiãxẽ rü taguma nipa. Rü ngẽma norü cua̱x rü taguma inayagu̱x.

Wiyaegü 77:19

Rü cuma rü márwaama cuxũ rü yemaacü cunaxümaxü̃ ga dexá. Natürü taxúema nüxü̃ tadau ga cucutüchica.

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

1 Corintios 2:16

Rü Tupanaarü ore i ümatüxü̃wa rü ñanagürü: “¿Texé nüxü̃ tacua̱x nax ta̱xacügu naxĩnüxü̃ ya tórü Cori? ¿Rü texé nüxü̃ tacua̱x nax Tupanaxü̃ taxucu̱xẽxü̃?” ñanagürü. Natürü yixema nixĩ i aixcüma nüxü̃ icuáxü̃ i ngẽma Cristu nagu rüxĩnüxü̃.

1 Corintios 2:10

Rü ngẽma nixĩ ya Tupana i Naãxẽ ya Üünexü̃arü ngü̃xẽẽmaxã tüxü̃ nüxü̃ cua̱xẽẽxü̃. Rü ngẽma Naãxẽ ya Üünexü̃ rü guxü̃xü̃ma nacua̱x, rü aixrüxü̃ i ngẽma Tupanaxicatama nüxü̃ cuáxü̃ rü nüxü̃ nacua̱x.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Yox 26:14

Rü guxü̃ma i ngẽma nüma naxüxü̃wa, rü ngẽma tüxü̃ nawéxü̃ rü wüxi i íxramarexü̃ nixĩ. Rü guxü̃ma i ngẽma nüma nüxü̃ yaxuxü̃wa rü ngẽma nüxü̃ ixĩnüexü̃ rü wüxi i ígamarexü̃ nixĩ. ¿Rü texé ẽ̱xna nüxü̃ tacua̱x nax ta̱xacüchiga yixĩxü̃ i ngẽma taxü̃ i duruanexü̃? —ñanagürü ga Biridá.

Yox 22:12

Rü nüma ya Tupana rü dauxü̃waxüchi nangẽxma rü yimá ẽxtagü ya dauxü̃wa nüxü̃ idaucü rü nacutütüü̃wa nangẽxmagü.

Yox 33:12

Natürü tama aixcüma nawe̱xgu i ngẽma nüxü̃ quixuxü̃ erü ya Tupana rü guxãétüwa nangẽxma.

Yox 33:13

¿Rü tü̱xcüü̃ nape̱xewatama Tupanana cunaxu nax tama cuxü̃ nangãxü̃xü̃ i curü ore i namaxã cugü ícupoxü̃xü̃?

Yox 36:26

Rü ngẽma nax guxü̃arü yexera yixĩxü̃ ya Tupana rü taxucürüwa nüxü̃ tacua̱xéga nax ñuxãcü yixĩxü̃. Rü taxucürüwa tayaxugü nax ñuxre yixĩxü̃ i norü taunecü.

Yox 37:5

Rü ngẽxguma Tupana taxü̃ i nagaxü̃ tüxü̃ naxĩnüxẽẽgu, rü nanaxü i mexü̃gü i taxúema nüxü̃ cuáxü̃.

Ngu̱xẽẽtaeruü̃arü ore 7:24

Rü tama nüxü̃ chacua̱xéga i guxü̃ma i ngẽma ñu̱xma ngẽxmaxü̃. Rü naguxchaxüchi, rü taxúema nüxü̃ tacua̱x nax ñuxãcü nangóexü̃.

Yox 27:11

Rü choma rü tá pexü̃ chanawe̱x ya Tupana ya Guxãétüwa Ngẽxmacüarü pora rü ñu̱xũchi ngẽma nagu naxĩnüxü̃.

Yox 35:5

Rü dücax, ¡daxũgu nadawenü rü nüxü̃ nadau i ngẽma caixanexü̃ i cuétüwa ngẽxmagüxü̃!

Yox 42:3

¿Rü cupe̱xewa rü ta̱xacü chixĩ i choma rü ngẽmaca̱x tama cuxü̃́ chanayaxuxü̃ i ngẽma curü ucu̱xẽgü? Rü ngẽmaãcü chanango̱xẽẽxü̃ nax taxuxü̃ma chacuáxü̃. Rü choma rü nachiga chidexa i ta̱xacü i ãũcümaxü̃ i tama nüxü̃ chacuáxü̃ i cuxicatama nüxü̃ cucuáxü̃.

Wiyaegü 139:6

Rü guxü̃ma i ngẽma cua̱x rü chauãxẽ rü tama ningu nax nüxü̃ chacuáxü̃ i ngẽma. Rü ngẽma nax nataxüchixü̃ i ngẽma cua̱x rü tama nüxü̃ chacua̱x i ñuxãcü nax yixĩxü̃.

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?