Yox 11:6 - Tupanaarü Ore

⁶ Rü nüma ya Tupana rü chi cuxca̱x nanango̱xẽxẽ nax ta̱xacüwa yixĩxü̃ ga chixexü̃ cuxüxü̃, erü nüma rü aixcüma nüxü̃ nacua̱x i guxü̃ma i cuxüxü̃. Rü ngẽmaãcü i cuma rü tá nüxü̃ cucua̱x rü íxramarexü̃ i poxcu cuxna naxã rü tama ngẽma poxcu i curü chixexü̃ icuxüxü̃maxã wüxiguxü̃ãcü cuxü̃ napoxcu.

Yox 11:6 Referans Kwoze

Édra 9:13

Rü nawena ga guxü̃ma ga yema guxchaxü̃gü ga toxü̃ ngupetüxü̃ nagagu ga yema torü chixexü̃gü ga cupe̱xewa taxüxü̃, Pa Torü Tupanax, rü tama yema torü chixexü̃ca̱x toxna üxü̃ i poxcuãcü toxü̃ cupoxcue rü yemaca̱x ñuxre toxü̃ ícuyaxüxẽxẽ.

Auxexü̃chiga 3:22

Rü ngẽma ĩnü nixĩ nax Coriarü ngechaü̃ rü taguma iyacuáxü̃ rü norü mecüma rü taguma nagúxü̃.

Efesios 3:5

Rü yema ore ga nüxicatama nüxü̃ nacuáxü̃ ga Tupana rü taxúexü̃ma nüxü̃ nacua̱xẽẽxü̃ ga noxrix. Natürü i ñu̱xma ya Tupana rü Naãxẽ ya Üünexü̃wa marü nanango̱xẽxẽ i ngẽma ore naxca̱x i Tupanaarü duü̃xü̃gü i üünexü̃ i yamugüxü̃ rü norü orearü uruü̃gü.

Ore i mexü̃ ga Matéu ümatüxü̃ 13:35

Rü yemaacü nayanguxẽxẽ ga Tupanaarü ore ga norü orearü uruxü̃ ga Ichaía ümatüxü̃ ga ñaxü̃: “Choma rü cua̱xruü̃gu ixuxü̃ i oremaxã tá duü̃xü̃gümaxã chidexa. Rü tá namaxã chanangõ̱xẽxẽ i ngẽma cua̱x ga noxri naane ixügügumama ẽxü̃guxü̃”, ñaxü̃.

Danié 2:28

Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Yox 15:8

¿Ẽ̱xna nagu curüxĩnügu nax Tupanaarü ucu̱xẽruxü̃ quixĩxü̃, rüe̱xna cugüca̱x rü cuxicatama nixĩ i wüxi i yatü i nüxü̃ cuáxü̃ quixĩxü̃ i ñoma i naanewa?

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Yox 15:11

¿Rü tama ẽ̱xna cuxü̃́ ningu i ngẽma ucu̱xẽ ya Tupana namaxã cuxü̃ taãẽxẽẽxü̃ rü ngẽma ucu̱xẽ i toma ngechaü̃ãcüma cumaxã nüxü̃ tixuxü̃?

Yox 15:5

Rü ngẽma curü ĩnü i chixexü̃ nixĩ i ngẽmaãcü cuxü̃ idexaxẽẽxü̃ rü nüxü̃ quixuxü̃ i dexagü i tama aixcüma ixĩgüxü̃.

Yox 9:4

Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Wiyaegü 103:10

Rü woo nax nataxü̃ i ngẽma chixexü̃ i ixüxü̃, natürü i nümax rü tama nanangẽxgumaraxü̃ i ngẽma poxcu i tüxna naxãxü̃.

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Yox 11:5

Chierüna Tupana idexagu nax cumaxã nüxü̃ yaxuxü̃ca̱x i ngẽma nüma cumaxã nagu naxĩnüxü̃.

Yox 12:13

Natürü ya Tupana rü nüxü̃ cua̱xüchicü rü poraxüchicü nixĩ. Rü nüma rü nagu narüxĩnü i ta̱xacü tá naxüxü̃ rü ñu̱xũchi nayanguxẽxẽ i ngẽma nagu naxĩnüxü̃.

Yox 33:12

Natürü tama aixcüma nawe̱xgu i ngẽma nüxü̃ quixuxü̃ erü ya Tupana rü guxãétüwa nangẽxma.