Yox 11:12 - Tupanaarü Ore

¹² Rü wüxi i duü̃xü̃ i tama naãẽxü̃ cuáxü̃ i Tupanaarü cua̱xwa nügü ngu̱xẽẽchaü̃xü̃ rü ñoma wüxi i dauxchitacüã̱x i búruacü i tama íyapuxü̃ i nügü duü̃xü̃wa ngu̱xẽẽchaü̃xü̃rüxü̃ nixĩ.

Yox 11:12 Referans Kwoze

Popera ga Chantiágu ümatüxü̃ 2:20

Pa Yatüx, tama name nax wüxi i duü̃xü̃ i tama naãxẽxü̃ cuáxü̃ quixĩ. ¿Tama ẽ̱xna nüxü̃ cucua̱x rü ngẽxguma cuyaxõmaregu, rü tama mexü̃ cuxü̱xgu, rü taxuwama name i ngẽma curü õ?

Ngu̱xẽẽtaeruü̃arü ore 3:18

Rü ngẽxgumarüxü̃ ta nagu charüxĩnü i duü̃xü̃güchiga. Rü Tupana tüxna nanaxã i guxchaxü̃gü nax ngẽmawa nüxü̃ icuáxü̃ca̱x nax ñoma naeü̃gürüxü̃tama iyuexü̃.

Wiyaegü 73:22

Yerü wüxi ga ngeãẽmarexü̃ chixĩ ga yexguma rü tama chauãẽxü̃ chacua̱x. Rü cupe̱xewa, Pa Tupanax, rü ñoma wüxi ga naeü̃rüü̃mare chixĩ.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Romanos 12:16

¡Rü pegü pengechaxü̃gü i wüxichigü! Rü tama name i pegü picua̱xüü̃gü. ¡Rü namaxã pegü pewüxiguxẽxẽ i ngẽma tama nügü icua̱xüü̃güxü̃! ¡Rü tama pegügu perüxĩnüe nax nüxü̃ icua̱xüchigüxü̃ pixĩgüxü̃!

Romanos 1:22

Rü nügü yaxugüegu rü duü̃xü̃gü i nüxü̃ icuáxü̃ nixĩgü natürü taxuguma narüxĩnüe. Yerü nüxna nixĩgachitanü ga Tupana ya mexẽchicü ya taguma yucü, nax nawe naxĩxü̃ca̱x ga duü̃xü̃gü i yuxwa̱xexü̃chicüna̱xãgü, rü werigüchicüna̱xãgü, rü naẽü̃güchicüna̱xãgü, rü ãxtapegüchicüna̱xãgü.

Yeremía 2:24

Pema rü ñoma naixnecücüã̱x i búru i ngexü̃ i worexü̃ i yatüxü̃ca̱x dauxü̃ i buanecüemagu ngü̃xgüxü̃rüxü̃ pixĩgü. Rü ngẽxguma naworegu rü taxúema ítayachaxãchixẽxẽ nax yatüxü̃ca̱x nadauxü̃. Rü ngẽxguma yatüxü̃ naxca̱x da̱u̱xgu rü tauxchaãcüma nüxü̃ yangauxü̃. Rü ngẽxgumarüü̃tama pixĩgü i pema nax ngẽma naxchicüna̱xãgüca̱x pedaugüxü̃.

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Wiyaegü 51:5

Rü aixcüma nixĩ nax noxritama chabuxgu rü wüxi i chixexü̃ chixĩxü̃. Rü woetama pecaduwa chayaxĩxĩchi ga chauéanüwa.

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Yox 15:14

Rü nataxuma i yatü i aixcüma mea maxü̃xü̃ rü bai i nangẽxmaxü̃ i yatü i ngearü chixexü̃ã́xü̃.

Yox 6:5

¿Ẽ̱xna yacaxü̃ i ngẽma búru i dauxchitacüã̱x ega ngẽxguma naxãbügu? ¿Ẽ̱xna yaca̱xaxü̃ i ngẽma woca i yatüxü̃ ega ngẽxguma maxẽ nüxü̃́ ngẽxmagu?

Yox 5:13

Nüma ya Cori ya Tupana rü norü chixexü̃gutama nanayixẽxẽ i ngẽma dorata̱a̱xgüxü̃. Rü ñu̱xũchi nagu nayanachixexẽxẽ i norü ĩnügü i chixexü̃ i nagu naxĩnüexü̃.

Wiyaegü 39:5

Erü ñaa maxü̃ i choxna cuxãxü̃ rü aixcüma nanuxũ. Rü cupe̱xewa rü chorü maxü̃ rü wüxi i paxaãchica̱x nixĩ. Rü wüxichigü i duü̃xü̃arü maxü̃ rü ñoma wüxi i ngü̃ãcüürüxü̃ nixĩ.

Wiyaegü 39:11

Rü cuma rü cuyaxucu̱xẽ rü cuyacua̱i̱xgü i ngẽma duü̃xü̃gü i chixexü̃gu maxẽxü̃. Rü ñoma nawerüxü̃ cunaxüte̱xe i ngẽma yexeracü nüxü̃́ ngúchaü̃xü̃. Rü wüxichigüarü maxü̃ rü ñoma wüxi i ngü̃ãcüürüxü̃ nixĩ.

Wiyaegü 144:4

Rü yimá duü̃ rü wüxi i ngü̃ãcüürüxü̃ nixĩ i norü maxü̃. Rü ngẽma norü maxü̃ rü ñoma wüxi i gáuxchipetaxü̃ üpetüxü̃rüü̃mare nixĩ.

Ngu̱xẽẽtaeruü̃arü ore 11:10

¡Rü cugü nüxü̃ rüngü̃maxẽxẽ i ngẽma oegaãẽgü! ¡Rü cugüwa nüxü̃ naxõõ̱x i guxü̃ma i chixexü̃gü! Erü ngẽma mexẽchixü̃ i ngunexü̃gü i nagu ingextü̱xüxü̃ rü wüxi i paxaãchimare nixĩ.