Yox 10:9 - Tupanaarü Ore

⁹ ¡Rü nüxna nacua̱xãchi nax waixü̃müwa choxü̃ cuxüxü̃! ¿Ẽ̱xna wena waixü̃müte̱xexü̃ choxü̃ quixũxẽxẽchaü̃?

Yox 10:9 Referans Kwoze

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Ichaía 64:8

Natürü ngẽmaétüwa, Pa Corix Pa Tupanax, rü cuma nixĩ i Tonatü quixĩxü̃. Toma rü waixü̃mü tixĩgü rü cuma nixĩ i torü üruxü̃ quixĩxü̃. Rü guxãma i toma rü cumatama toxü̃ cuxü.

Naanearü ügüchiga 3:19

Rü poraãcü tá cupuracü rü cuxaiya nax cuxü̃́ nangẽxmaxü̃ca̱x i cuwemü ñu̱xmatáta cuyu̱x rü ngẽmaãcü wena tá waixü̃müca̱x cutaegu, yerü yemawa cuxü̃ chaxü ga noxrix, rü waixü̃mü quixĩ rü wena táxarü ngẽmaxü̃ quixĩ —ñanagürü ga Tupana.

Ngu̱xẽẽtaeruü̃arü ore 12:7

Rü nawena nax cuyuxü̃ rü cuxune rü tá wenaxarü noxrirüxü̃ waixü̃mü nixĩ. Rü cuãxẽ rü tá Tupanaca̱x nataegu yerü nüma nixĩ ga cuxna naxããxü̃.

Yeremía 18:6

—Dücax, Pa Iraétanüxü̃x ¿tama ẽ̱xna inamexü̃ i ngẽma üwechixü̃ waixü̃mümaxã üxü̃rüxü̃ pemaxã chanaxüxü̃? Rü ngẽma waixü̃mü rü üwechiruxü̃ nixĩ i namaxã icuáxü̃ rü ngẽxgumarüxü̃ ta nixĩ i chomax nax pemaxã ichacuáxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Romanos 9:21

Rü ngẽma üwechiruxü̃ rü waixü̃müwa nanaxü i ta̱xacü i nüma naxüxchaü̃xü̃. Rü ngẽxguma nanaxwa̱xegu, rü ngẽma waixü̃müwa nanaxü i wüxi i nawechi nax norü meruxü̃ yixĩxü̃ca̱x. Rü ngẽxguma nanaxwa̱xegu, rü ngẽmatama waixü̃müwa nanaxü i wüxi i nawechi nax norü guxchirepáü̃ yixĩxü̃ca̱x.

Ichaía 45:9

Rü ñanagürü ga Tupana: —Wüxi i naxpáü̃ i waixü̃münaxca̱x rü tama norü üruü̃xü̃maxã narüxutaga. Rü ngẽma waixü̃mü rü tama ngẽma üwechiruü̃xü̃ ñanagürü: “¿ta̱xacü ícuxü?” ñanagürü. Rü ngẽma napáxü̃ rü tama norü üruü̃xü̃ ñanagürü: “Cuma rü tama nüxü̃ cucua̱x nax mea choxü̃ cuxüxü̃”, ñanagürü.

Wiyaegü 106:4

¡Choxna nacua̱xãchi, Pa Corix, i ngẽxguma nüxü̃ curüngü̃xẽxẽgu i curü duü̃xü̃gü! Rü ngẽxguma núma cuxũxgu nax ícunanguxü̃xẽẽxü̃ca̱x ¡rü choxü̃ rü ta natanüwa nangẽxmaxẽxẽ nax ngẽmaãcü nüxü̃ chadauxü̃ca̱x i norü taãxẽ i ngẽma curü duü̃xü̃gü i cuma quidexechixü̃, rü ngẽmaãcü choma rü ta wüxigu curü duü̃xü̃gümaxã chataãẽxü̃ca̱x!

Wiyaegü 90:3

Rü cuma rü cuxü̃́ natauxcha nax wena waixü̃müxü̃ cuyaxĩxẽxẽ ya duü̃xü̃ i ngẽxguma tomaxã cunaxuegu̱xgu nax tayuexü̃ rü ñacuxgu: —¡Pa Duü̃xü̃güx, wena waixü̃müxü̃ pixĩgü! —ñacuxgu.

Wiyaegü 89:47

Pa Corix ¡nüxna nacua̱xãchi rü ngẽma chorü maxü̃ rü nax nanuxũxü̃! Rü yimá duü̃ ya cuma cuxücü rü tama nama̱x i norü maxü̃.

Wiyaegü 25:18

¡Choxü̃́ nüxü̃ nadau i ñaa ngúxü̃ i chingexü̃ rü chorü guxchaxü̃gü! ¡Rü choxü̃́ nüxü̃ yarüngüma i chorü pecadugü!

Wiyaegü 22:15

Rü chaua̱x rü nipamare ñoma waixü̃mü i paxü̃rüxü̃. Rü yimá chorü conü rü chauxmanaxãwa nayaxũ̱x. Rü waixü̃müte̱xegu choxü̃ cuta̱x ñoma chayuxü̃rüxü̃.

Yox 17:14

Rü ngéma choxmaxü̃wa rü ngẽma õ̱xmigü tá nixĩ i chaunatü rü chaué rü chauenexẽgü.

Yox 7:7

¡Rü nüxna nacua̱xãchi, Pa Tupanax, nax ñoma yáxna rüngü̱̃xü̃rüxü̃ yixĩxü̃ i ngẽma choxrü maxü̃, rü tagutáma wena taãxẽ choxü̃́ ngẽxmaxü̃!

2 Corintios 4:7

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Yox 4:19

Rü yexeraãcü ínatüe i duü̃xü̃gü i ñoma wüxi ya ĩpata ya waixü̃münaxca̱x ya waixü̃müte̱xegu üxü̃nerüxü̃ turaxü̃. Rü duü̃xü̃gü rü ñoma naweane i ngẽxma napocuchixü̃rüxü̃ nixĩ nax naturaexü̃.

Yox 7:21

¿Rü ẽ̱xna taxucürüwama choxü̃́ nüxü̃ curüngü̃ma i ngẽma chorü chixexü̃? ¿Rü taxucürüwa ẽ̱xna nüxü̃ curüngü̃ma ga yema chixexü̃ ga chaxüxü̃? Rü paxa tá chayu rü waixü̃mütüü̃wa tá changexma. Rü cha̱u̱xca̱x tá cudau natürü i choma rü marü tá chataxu —ñanagürü ga Yox.

Yox 10:10

Rü cuma rü waixü̃müte̱xewa cunaxü ga chaxune, ñoma lechiwa quechu ixüxü̃rüxü̃.

Yox 33:6

Rü dücax, rü choma rü cuma rü Tupanape̱xewa rü tawüxigumare. Erü yixema i taxre rü waixü̃müwa tüxü̃ naxü.

Wiyaegü 78:39

Rü nüma ga Tupana rü nüxna nacua̱xãchi nax duü̃xü̃gümare yixĩgüxü̃ rü ñoma wüxi ya buanecü ya üpetücü rü taguma taegucürüxü̃ nixĩ i norü maxü̃.

Wiyaegü 104:29

Natürü ngẽxguma ícunawogügu rü nümagü rü nanaxĩ̱xãchiãẽgü. Rü ngẽxguma nüxna cunayaxu̱xgu ya buanecü rü nayue rü wenaxarü waixü̃müxü̃ nixĩgü.

Wiyaegü 103:14

Erü nüma rü meama nüxü̃ nacua̱x nax ta̱xacüwa tüxü̃ naxüxü̃ rü nüxü̃ nacua̱x nax waixü̃müte̱xe ixĩgüxü̃.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.