Yox 10:4 - Tupanaarü Ore

⁴ ¿Ẽ̱xna ñoma yatügümare nüxü̃ daugüxü̃ãcüma nüxü̃ cudau i duü̃xü̃gü?

Yox 10:4 Referans Kwoze

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:14

Rü nayae rü nachoxochi ñoma carnéruta̱xa i cho̱xochixü̃rüxü̃ rü ñoma gáuxü̃te̱xe i cho̱xochixü̃rüxü̃. Rü naxẽtü rü ñoma üxüemarüxü̃ niyauracüxü.

Yox 9:32

Tupana rü tama chaurüxü̃ duü̃xü̃ nixĩ rü ngẽmaca̱x taxucürüwa ta̱xacürü ãẽ̱xgacüpe̱xewa chanaga nax chorü guxchaxü̃ namaxã chamexẽẽxü̃ca̱x.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Yox 28:24

Erü nüxicatama nixĩ i nüxü̃ nadauxü̃ i guxü̃ma i ñoma i naanewa ngẽxmagüxü̃ ñu̱xmata ñoma i naane iyacuáxü̃wa nangu. Rü nüxü̃ nadau i guxü̃ma i dauxü̃guxü̃ i naanetüü̃wa ngẽxmagüxü̃.

Yox 34:21

Rü guxü̃ma i ngẽma naxüxü̃ i wüxichigü i duü̃xü̃ rü Tupana rü nanangugü. Rü nüxü̃ nacua̱x nax ta̱xacü naxüxü̃ i ngexta ínaxũxü̃wa.