Yox 10:3 - Tupanaarü Ore

³ ¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Yox 10:3 Referans Kwoze

Ichaía 64:8

Natürü ngẽmaétüwa, Pa Corix Pa Tupanax, rü cuma nixĩ i Tonatü quixĩxü̃. Toma rü waixü̃mü tixĩgü rü cuma nixĩ i torü üruxü̃ quixĩxü̃. Rü guxãma i toma rü cumatama toxü̃ cuxü.

Wiyaegü 138:8

Rü nüma ya Cori ya Tupana rü aixcüma chauxca̱x tá nayanguxẽxẽ i ngẽma nagu naxĩnüxü̃. Erü cumax, Pa Corix, rü taguma inayagu̱x nax choxü̃ cungechaü̃xü̃ rü chomaxã cumecümaxü̃. ¡Rü taxṹ i choxü̃ ícutáxü̃, Pa Cori Pa Tupanax! Erü cumatama nixĩ i choxü̃ cungo̱xẽẽxü̃.

Yox 14:15

Cuma rü choxna chi cuca, rü ñu̱xũchi choma rü cuxü̃ chi changãxü̃ rü taãẽãcüma chi choxna cudau erü cuma nixĩ ga choxü̃ cuxüxü̃.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Wiyaegü 69:33

Erü nüma ya Cori ya Tupana rü tüxü̃ naxĩnü ya yíxema tüxü̃́ nataxúxe i tümaarü ngẽmaxü̃gü. Rü tama tüxü̃ naxo ya yíxema norü duẽxẽgü ya poxcuexe.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Yox 40:2

—Rü ñu̱xma i choma nax guxãétüwa changexmaxü̃ rü cuxna chaca i cumax nax chomaxã curüxutagaxü̃ rü ¿ẽ̱xna tá quidexachigüamaxü̃ nax choxü̃ cungãxü̃xü̃? —ñanagürü.

Yox 22:18

Natürü nüma ya Cori ya Tupana nixĩ i nüxna naxãxü̃ i guxü̃ma i norü ngẽmaxü̃gü ya napatagü namaxã napagüne. Natürü i choma rü tama ngẽma duü̃xü̃gü i chixexü̃gu maxẽxü̃arü ĩnü choxü̃́ nangẽxma.

Yox 21:16

Natürü ngẽma duü̃xü̃gü i chixexü̃gu maxẽxü̃ rü tama norü taãẽarü yora nixĩgü. Rü choma rü tama ngẽma duü̃xü̃gü nagu rüxĩnüexü̃gu charüxĩnü.

Yox 9:24

Rü ngẽxguma wüxi i chixexü̃gu maxü̃xü̃ nayaxu̱xgu i wüxi i naane, rü nüma ya Tupana rü nayangexetü i ngẽma ãẽ̱xgacügü i guxchaxü̃güarü mexẽẽruü̃gü nax tama nüxü̃ nadaugüxü̃ca̱x i ngẽma chixexü̃. Rü ngẽxguma tama Tupana ngẽmaãcü naxü̱xgu i ngẽma ¿rü texé tixĩ ya yíxema naxǘxe?

Yox 9:22

Rü ñaa nixĩ i nagu charüxĩnüxü̃. Rü guxãma rü Tupanape̱xewa rü tawüxigumare. Erü nüma ya Cori ya Tupana rü tüxü̃ nima̱x ya yíxema chixexü̃ üxe rü ngẽxgumarüxü̃ ta tüxü̃ nima̱x ya yixema taxuxü̃ma i chixexü̃ üxe. Rü ngẽma nixĩ i nagu charüxĩnüxü̃.

Yox 8:20

Tupana rü taguma nüxü̃ inayarüngüma ya yimá yatü ya taguma chixexü̃ ücü. Rü tama nüxü̃ narüngü̃xẽxẽ i ngẽma duü̃xü̃gü i chixexü̃gu maxẽxü̃.

Yox 10:8

Rü cumatama rü cuxme̱xmaxã choxü̃ cuxü. ¿Rü tü̱xcüü̃ i ñu̱xma i choxü̃ quimáxchaü̃xü̃?

Yox 16:11

Rü nüma ya Tupana rü duü̃xü̃gü i chixexü̃ ügüxü̃ i máetagüxü̃me̱xẽgu choxü̃ nanguxẽxẽ.

Yox 19:6

Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.

Yox 30:21

Rü chomaxã cuchixecüma, rü yimá cuchacüxü ya poraxüchinemaxã choxü̃ quima̱x.

Yox 31:15

Rü yimátama ya Tupana ga chauéanüwa choxü̃ ngo̱xẽẽcü rü yimátama nixĩ ya chorü puracütanüxü̃xü̃ ngóexẽẽcü ga naégüanüwa.

Yox 33:4

Rü Tupana ya Guxãétüwa Ngẽxmacü nixĩ i choxü̃ ngo̱xẽẽcü rü choxü̃ maxẽẽcü.

Wiyaegü 100:3

¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Yox 15:13

¿Rü tü̱xcüü̃ Tupanamaxã cunu rü ngẽmaca̱x tama cuxãne nax nape̱xewa naxca̱x quidexaxü̃ i ngẽma cuxca̱x ínguxü̃?