Yox 10:16 - Tupanaarü Ore

¹⁶ Rü ngẽxguma chi cuxcha̱xwa chiñaxgu, rü cuma rü ñoma wüxi i leóü̃rüxü̃ chi chowe cunge. Rü icunawe̱x i curü pora nax ngẽmaãcü choxü̃ quimáxü̃ca̱x.

Yox 10:16 Referans Kwoze

Ichaía 38:13

Rü guxü̃ i ngẽma chütaxü̃gu rü choxü̃́ nax nangúxü̃gagu aita chaxü ñoma wüxi i leóü̃ chauxchina̱xãgu wagüxü̃rüxü̃. Rü wüxitama i chütaxü̃gu rü ñu̱xmata yangunemare rü ngúxü̃ choxü̃ quingexẽxẽ rü yuwa choxü̃ cugaxchaü̃.

Auxexü̃chiga 3:10

Rü nüma ga Cori ya Tupana rü ñoma leóü̃ i tüxü̃ ícu̱xẽü̃xü̃rüxü̃ nixĩ cha̱u̱xca̱x. Rü ñoma osu i marü ímemarexü̃ i tüxü̃ iyauxchaü̃xü̃rüxü̃ nixĩ cha̱u̱xca̱x.

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Wenaxarü naxümatü ga Tupanaarü mugü 28:59

Rü nüma ya Cori ya Tupana rü tá cuxca̱x rü cutaagüca̱x ínanangu i poraxü̃ rü ãũcümaxü̃ i da̱xaweanegü i nawa iyuxü̃ i ngearü üxü̃ã́xü̃.

Yox 13:24

¿Ta̱xacüca̱x cha̱u̱xcha̱xwa cudauegu? ¿Rü tü̱xcüü̃ wüxi i curü uanürüxü̃ chomaxã quixĩ?

Yox 16:9

Rü Cori ya Tupana rü ñoma wüxi i naeü̃ i düraxü̃ i chowe íñaü̃xü̃ rü chaugu wagüxü̃rüxü̃ nixĩ i chomaxã. Rü nüma rü ñoma chorü uanü yixĩxü̃rüxü̃ choxü̃ nadawenü.

Yeremía 5:6

Rü ngẽmaca̱x naixnecüwa tá ínachoxü̃ i leóü̃gü i nangõ̱xcuxü̃, rü airugü i ínachianexü̃wa maxẽxü̃ tá nagu niwagügü. Rü ngẽma aigü rü norü ĩanegügu tá nanangõ̱xcu, rü tá nagu niwagügü i ngẽxguma ínachoxü̃gu. Yerü yema duü̃xü̃gü rü muxü̃ma ga chixexü̃ naxügü rü muẽ̱xpü̱xcüna nidoraemare.

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.