Yox 10:1 - Tupanaarü Ore

¹ Rü marü düxwa chipa nax ñoma i naanewa chamaxü̃xü̃. Rü ngẽma ngúxü̃ i chingexü̃gagu rü taxũtáma chaugüna chachogü nax nüxna chaca̱a̱xü̃ nax tü̱xcüü̃ ngúxü̃ choxü̃ yangexẽẽxü̃.

Yox 10:1 Referans Kwoze

Yox 7:11

Rü ngẽmaca̱x i ñu̱xma rü taxũtáma changeã̱xmare. Rü ngẽma ngúxü̃ i chingexü̃gagu rü ngẽma nax chanuxü̃gagu rü tá chidexa rü tá cumaxã nüxü̃ chixu i ngẽma nagu charüxĩnüxü̃.

Nüxíraxü̃xü̃ ga popera ga ãẽ̱xgacügüchiga 19:4

Rü yemawena rü taxúema íxãpataxü̃wa naxũ. Rü wüxi ga ngunexü̃ inixũ, rü wüxi ga naixtüü̃wa nayarütoõchi. Rü nügügu naxĩnügu rü nayuxchaü̃. Rü yemaca̱x Cori ya Tupanaxü̃ ñanagürü: —¡Marütama, Pa Corix, rü choxna nayaxu i ñaa chorü maxü̃! Erü woetátama chayu rü narümemae nax ñu̱xmatama chayuxü̃ —ñanagürü.

Iraétanüxü̃arü muxchiga 11:15

Rü ngẽxguma tá ngẽmaãcü chomaxã quixĩxgu ¡rü noxtacüma choxna nayaxu i ñaa chorü maxü̃, ega choxü̃ cungechaü̃gu! Rü ngẽmaãcü marü taxũtáma chauxchiama chanangenagü i ñaa duü̃xü̃güarü guxchaxü̃gü —ñanagürü ga Moiché.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Yox 9:21

Choma rü taxuxü̃ma i chixexü̃ chaxü, natürü choxü̃ nanataxuraü̃ma nax chamexü̃. Rü marü chipa nax chamaxü̃xü̃ i ñoma i naanewa.

Yox 5:20

Rü ngẽxguma taiya inguxgu rü yuwa tá cuxü̃ ínanguxuchixẽxẽ. Rü ngẽxguma dai ínguxgu rü nüma rü tá tarawa cuxü̃ ínapoxü̃.

Yoná 4:3

Rü ngẽmaca̱x Pa Cori Pa Tupanax, rü chanaxwa̱xe nax noxtacüma choxna cunayaxuxü̃ i ñaa chorü maxü̃. Erü cha̱u̱xca̱x narümemae nax chayuxü̃ rü tama nax chamaxechaxü̃ —ñanagürü.

Ichaía 38:17

Rü dücax, yema ngúxü̃ ga chingexü̃ rü ñu̱xma rü taãẽxü̃ choxü̃́ nayanguxuchi. Rü cuma nixĩ ga yema ãxmaxü̃ ga ãũcümaxü̃wa nüxna cudauxü̃ ga chorü maxü̃, yerü choxü̃́ nüxü̃ curüngü̃ma ga guxü̃ma ga yema chorü chixexü̃gü.

Ichaía 38:15

Natürü ñu̱xma nax nümatama yixĩxü̃ i cha̱u̱xca̱x ínanguxẽẽãxü̃ i ngẽma da̱xawe ¿rü ta̱xacüxü̃ tá namaxã chixuxü̃? Rü ngẽma yaxta rü choxna niña nagagu i ngẽma ngúxü̃ nax chingexü̃. Rü ngẽmaca̱x gucü ya chorü taunecügu rü tá chaugü ícharüxíra nape̱xewa ya Tupana.

Yox 19:4

Rü woo chi aixcüma choma chanaxüxgu i ta̱xacürü chixexü̃, rü ngẽma chixexü̃ i chaxüxü̃ rü chi choxrütama guxchaxü̃ nixĩ.

Yox 14:13

Rü chierüx yuexü̃ íngexmagüxü̃gu choxü̃ quicu̱xgu ñu̱xmata cuxü̃ nangupetü i ngẽma curü nu. Rü ñu̱xũchi ngẽmawena chanaxwa̱xe i nüxü̃ cuxuneta i ngunexü̃ i nagu tá choxna cucua̱xãchixü̃.

Yox 7:16

Rü tama marü yáxna chaxĩnü. Rü tama marü chanaxwa̱xe nax chamaxü̃xü̃. ¡Rü taxṹ i choxü̃ cuchixeãẽxü̃! Erü ngẽma chorü maxü̃ rü ñoma yáxna rüngü̱̃xü̃rüxü̃ nixĩ.

Yox 6:26

Pema rü choxü̃ pixuchigagü naxca̱x i ngẽma chorü dexagü. Rü pexca̱x rü chorü oregü rü taxuwama name, rü ñoma oregü i buanecü ingegüxü̃rüxü̃ nixĩgü.