Yox 1:9 - Tupanaarü Ore

⁹ Natürü nüma ga Chataná rü Corixü̃ nangãxü̃ rü ñanagürü: —Tama natüca̱xmamare cuga naxĩnü.

Yox 1:9 Referans Kwoze

Ore i mexü̃ ga Matéu ümatüxü̃ 16:26

Rü ¿Ta̱xacüwa i nüxü̃́ namexü̃ ya wüxi ya yatü ega nayauxãgu i guxü̃ma i ñoma i naanewa ngẽxmaxü̃ natürü iyanatauxẽẽãgu i norü maxü̃? Erü taxucürüwama wüxi ya yatü rü norü diẽrumaxã naxca̱x nataxe i norü maxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:6

Rü aixcüma nixĩ i Tupanaarü orewa nüxü̃ iyarünga̱u̱xü̃ i taxü̃ i mexü̃, natürü ngẽma mexü̃ rü tümaca̱x nixĩ ya yíxema namaxã taãẽgüxe i ngẽma marü tüxü̃́ ngẽxmaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Yox 2:10

Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Yox 1:10

Erü cuma rü cunachu̱xu nax taxúema guxchaxü̃ namaxã üxü̃ca̱x i nümax rü guxcüma ya nanegü rü naxacüã̱xgü rü norü ngẽmaxü̃gü. Rü cuma rü nüxü̃ curüngü̃xẽxẽ i guxü̃ma i ta̱xacü inaxüxü̃wa, rü ngẽmaca̱x i nüma i ñu̱xma rü wüxi ya yatü ya guxãarü yexera muarü wocaã̱xü̃chicü nixĩ nawa i ngẽma naane.