Yox 1:8 - Tupanaarü Ore

⁸ Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Yox 1:8 Referans Kwoze

Yox 2:3

Rü yexguma ga nüma ga Cori ya Tupana rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Rü tataxuma ya texé ya naxrüxü̃ ixĩxẽ, rü naxrüxü̃ chauga ĩnüxe, rü naxrüxü̃ mea maxü̃́xẽ, rü naxrüxü̃ chixexü̃wa ngechigaxe, rü naxrüxü̃ tügüna dauxe nax taxúemaxã chixexü̃ taxüxü̃ca̱x. Rü woo i cuma choxna naxca̱x cuca nax chixexü̃ nüxü̃ cungupetüxẽẽxü̃ca̱x nüma taxuxü̃ma i chixexü̃ naxüyane, natürü nüma rü nanaxa̱i̱xrügumaraxü̃mare i nacümawa rü taxuxü̃ma i chixexü̃ naxü —ñanagürü.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Ichaía 1:16

¡Rü pegü pemexẽxẽarü maxü̃ã̱xgü nax pimexü̃ca̱x! ¡Rü nüxna pixĩgachi i ngẽma chixexü̃ i chope̱xewa nagu pemaxẽxü̃! ¡Rü nüxü̃ perüxoe nax chixexü̃ pexüexü̃!

Ucu̱xẽgüchiga 8:13

Yíxema Tupanaga ĩnüxe rü naxchi taxai i chixexü̃. Choma i cua̱x rü naxchi chaxai i ngẽma nacüma i nügü icua̱xüüxü̃, rü nacüma i nügü írütaxü̃, rü nacüma i chixexü̃ üxü̃, rü nacüma i dora.

Yox 8:20

Tupana rü taguma nüxü̃ inayarüngüma ya yimá yatü ya taguma chixexü̃ ücü. Rü tama nüxü̃ narüngü̃xẽxẽ i ngẽma duü̃xü̃gü i chixexü̃gu maxẽxü̃.

Norü taxre ga popera ga ãẽ̱xgacügüchiga 23:25

Rü naxü̃pa rü nawena ga Yochía rü nataxuma ga wüxi ga ãẽ̱xgacü ga naxrüxü̃ aixcüma Cori ya Tupanaca̱x taeguxü̃ i guxü̃ne ya norü maxü̃nemaxã, rü guxü̃ i norü ĩnümaxã, rü guxü̃ i norü poramaxã, yema Moiché ümatüxü̃ ga mugüwa nüxü̃ yaxuxü̃rüxü̃.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Iraétanüxü̃arü muxchiga 12:3

Rü aixcüma nixĩ ga Moiché rü guxü̃ i duü̃xü̃güarü yexera tama nügü irütacü yixĩxü̃ i ñoma i naanewa.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Wiyaegü 18:23

Rü nape̱xewa rü taguma ta̱xacürü chixexü̃ chaxü rü chaugüna chadau nax tama pecadu chaxüxü̃ca̱x.

Yox 34:14

Rü ngẽxguma Tupana duü̃xü̃güna nayaxugu i norü maxü̃ rü guxü̃ma nayue rü wenaxarü waixü̃müxü̃ nixĩgü.

Yox 12:4

Rü yexguma ü̃pa Tupanamaxã chidexagu rü nüma rü choxü̃ naxĩnü rü choxü̃ nangãxü̃. Natürü i ñu̱xma rü chomücügüarü cugüruxü̃ chixĩ. Rü woo taxuxü̃ma i chixexü̃ chaxü natürü choxü̃ nacugüeama.

Yochué 1:7

Rü wüxixicatama nixĩ i cumaxã nüxü̃ chixuxü̃, rü ngẽma nixĩ nax tama cumuü̃xü̃ rü aixcüma naga cuxĩnüxü̃ rü cuyanguxẽẽxü̃ i guxü̃ma i ngẽma mugü ga chorü duü̃ ga Moiché cuxna ãxü̃. ¡Rü ẽcü mea yanguxẽxẽ nax mea cuxü̃́ ínanguxuchixü̃ca̱x i guxü̃ i ta̱xacü ícuxüxü̃wa!

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Wiyaegü 89:20

Rü nüma nixĩ ya yimá chorü duü̃ ya Dabí. Rü yexguma chorü chíxü̃ i üünexü̃maxã chanabaerugu, rü nüxü̃ chaxuneta nax chorü duü̃xü̃güarü ãẽ̱xgacü yixĩxü̃ca̱x.

Wiyaegü 37:27

¡Rü nüxna ixũgachi i ngẽma chixexü̃, rü mexü̃ naxü! Rü ngẽmaãcü guxü̃gutáma cuxü̃́ nangẽxma i cuchica i nawa tá cumaxü̃xü̃ i ñoma i naanewa.

Wiyaegü 36:1

Rü ngẽma duü̃xü̃ i tama Tupanaga ĩnüxü̃ rü ngẽma pecadu nixĩ i norü ĩnüwa nüxü̃́ nangúchaü̃xẽẽxü̃ nax chixexü̃ naxüxü̃ca̱x. Rü ngẽmaca̱x taguma nagu narüxĩnü nax Tupanaxü̃ namuü̃xü̃.

Wiyaegü 34:14

¡Rü nüxna ixũgachi i guxü̃ma i chixexü̃ rü mexü̃ naxü! ¡Rü naxca̱x nadau nax taxúemaxãma nax cuguxchaxü̃ã́xü̃! ¡Rü ngẽmaãcü mea namaxü̃!

Neemía 5:15

Natürü yema nüxíraxü̃xü̃ ga ãẽ̱xgacügü, rü poraãcü duü̃xü̃güaxü̃́ nanaguxchaxẽẽgü, yerü duü̃xẽgüna 40 tachinü ga diẽruca̱x ínacagü nax guxema diẽrumaxã norü õnaca̱x rü bínuca̱x nataxegüxü̃ca̱x. Rü yexgumarüxü̃ ta ga yema norü ngü̃xẽẽruü̃gü rü duü̃xü̃güaxü̃́ nanaguxchaxẽẽgü. Natürü i choma rü tama ngẽma chaxü erü Cori ya Tupanaxü̃ chamuü̃.

Yochué 1:2

—Ñu̱xma nax marü nayuxü̃ ya yimá chorü duü̃ ya Moiché, rü cuma tá nixĩ i guxü̃ma i ngẽma Iraétanüxü̃maxã quixüexü̃ nawa i ngẽma natü i Yudáü̃, nax nagu pichocuxü̃ca̱x i ngẽma naane i pexna chaxãxü̃.

Yox 2:1

Rü yexguma nawa nanguxgu ga ngunexü̃ nax Tupanape̱xewa wena nangugüxü̃ ga yema norü orearü ngeruü̃gü ga daxũcüã̱x, rü nüma ga Chataná rü ta natanügu naxã.