Yox 1:6 - Tupanaarü Ore

⁶ Rü wüxi ga ngunexü̃ ga yexguma Cori ya Tupanape̱xewa naxĩxgu ga norü orearü ngeruü̃gü ga daxũcüã̱x, rü nüma ga Chataná rü ta Cori ya Tupanape̱xewa nangu.

Yox 1:6 Referans Kwoze

Yox 2:1

Rü yexguma nawa nanguxgu ga ngunexü̃ nax Tupanape̱xewa wena nangugüxü̃ ga yema norü orearü ngeruü̃gü ga daxũcüã̱x, rü nüma ga Chataná rü ta natanügu naxã.

Chacaría 3:1

Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1

Rü nüma ga Chataná rü Iraéanecüã̱xgümaxã nanu, rü yemaca̱x Dabíãẽwa ínananguxẽxẽ nax Iraéanecüã̱xgüxü̃ yaxugüxü̃ca̱x.

Naanearü ügüchiga 6:4

Rü yexguma Tupanaarü duü̃xü̃güaxü̃́ yaxãxacügu ga yema ngexü̃gü ga ñoma ga naanecüã̱x, rü yéma nixĩ ga nangóexü̃ ga yema yatügü ga imáchanexü̃chixü̃. Rü yema yatügü nixĩ ga nũxcüma tachigagüxü̃ rü iporaxüchixü̃.

Ore i mexü̃ ga Cuáü̃ ümatüxü̃ 6:70

Rü Ngechuchu nüxü̃ nangãxü̃, rü ñanagürü: —¿Taux ẽ̱xna choma yixĩxü̃ ga pexü̃ chidexechixü̃ ga pemax ga 12? Natürü petanüwa nangẽxma i wüxi i Chatanáarü duü̃xü̃ ixĩxü̃ —ñanagürü.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

Ore i mexü̃ ga Luca ümatüxü̃ 3:38

Rü Caináü̃ rü Enóx nane nixĩ. Rü Enóx rü Chéx nane nixĩ. Rü Chéx rü Adáü̃ nane nixĩ. Rü Adáü̃ rü Tupana nane nixĩ.

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Danié 3:25

Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 18:20

Natürü wüxi ga naãxẽ rü Cori ya Tupanaca̱x nixũ, rü ñanagürü nüxü̃: “Choma tá nixĩ i ngéma chaxũxü̃ nax dora naãẽwa cuyanguxẽẽxü̃ca̱x i ngẽma orearü uruü̃gü”, ñanagürü. Rü nüma ga Cori ya Tupana rü nüxna naca rü ñanagürü: “¿Ñuxãcü tá cunaxüxü̃ i ngẽma?” ñanagürü.

Yox 2:3

Rü yexguma ga nüma ga Cori ya Tupana rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Rü tataxuma ya texé ya naxrüxü̃ ixĩxẽ, rü naxrüxü̃ chauga ĩnüxe, rü naxrüxü̃ mea maxü̃́xẽ, rü naxrüxü̃ chixexü̃wa ngechigaxe, rü naxrüxü̃ tügüna dauxe nax taxúemaxã chixexü̃ taxüxü̃ca̱x. Rü woo i cuma choxna naxca̱x cuca nax chixexü̃ nüxü̃ cungupetüxẽẽxü̃ca̱x nüma taxuxü̃ma i chixexü̃ naxüyane, natürü nüma rü nanaxa̱i̱xrügumaraxü̃mare i nacümawa rü taxuxü̃ma i chixexü̃ naxü —ñanagürü.