Yox 1:12 - Tupanaarü Ore

¹² Rü nüma ga Cori ya Tupana rü Chatanáxü̃ nangãxü̃ rü ñanagürü: —Marü name. ¡Ẽcü naxü i ta̱xacü i cuma cunaxwa̱xexü̃ namaxã i guxü̃ma i norü ngẽmaxü̃gü ya yimá Yox! Natürü tama chanaxwa̱xe nax namaxãxü̃chi chixexü̃ cuxüxü̃ —ñanagürü. Rü yexguma ga nüma ga Chataná rü Cori ya Tupanana nixũgachi.

Yox 1:12 Referans Kwoze

2 Corintios 12:7

Natürü tórü Cori rü tama nanaxwa̱xe i chaugü namaxã chicua̱xüxü̃ ga yema ẽxü̃guxü̃ ga mexẽchixü̃ ga choxü̃ nüxü̃ nacua̱xẽẽxü̃. Rü yemaca̱x chaxunewa nangu ga wüxi ga choxü̃́ ngúxü̃ ñoma wüxi ya tuxu chaxunewa ingaxixü̃rüxü̃. Rü yema rü ñoma wüxi ga Chatanáarü chuxchirüxü̃ choxna nangu nax choxü̃ nachixewexü̃ca̱x nax tama chaugü chicua̱xüxü̃xü̃ca̱x.

1 Corintios 10:13

Rü taguma pexca̱x ínangu i ta̱xacürü ngúchaü̃ i chixexü̃ i taxucürüwama duü̃xü̃ yáxna namaxã ĩnüxü̃. Rü name nixĩ i Tupanaaxü̃́ peyaxõ erü nüma rü taxũtáma nawa pexü̃ nawogü i ngúchaü̃gü i taxucürüwama yáxna namaxã pexĩnüexü̃. Natürü ngẽxguma tá ngúchaü̃gü i chixexü̃ pexca̱x ínguxgu, rü nüma rü tá pexü̃ ínapoxü̃ nax tama nagu peyixü̃ca̱x.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Ichaía 27:8

Rü aixcüma nixĩ nax Iraétanüxü̃xü̃ napoxcuxü̃ ga Tupana, rü wüxi ga norü cue ga ãũcümaxü̃maxã ínanawoxü̃ ga norü naanewa rü to ga nachixü̃anewa nanamugü. Rü yema norü cue, rü ñoma buanecü ya éstewaama ne ũcürüxü̃ nixĩ nax naporaxü̃.

Yeremía 38:5

Rü nüma ga ãẽ̱xgacü ga Chedequía rü nanangãxü̃ rü ñanagürü: —Marü name nax ngẽma yatümaxã penaxüxü̃ i ngẽma pema penaxwa̱xexü̃. Choma rü taxucürüwa pexna chanachu̱xu i ngẽma —ñanagürü.

Nüxíraxü̃xü̃ ga popera ga ãẽ̱xgacügüchiga 22:23

Rü yexguma ga Micaía rü Acáxü̃ ñanagürü: —Ñu̱xma waxi nixĩ i nüxü̃ cucuáxü̃ nax nüma ya Cori ya Tupana rü curü orearü uruü̃gügu naxüaxü̃ i wüxi i naãxẽ i doramaxã naã̱xgüwa idexaxü̃ rü curü yuchigaxü̃ ixugümarexü̃ —ñanagürü.

Naanearü ügüchiga 16:6

Rü yexguma ga Abráü̃ rü ngĩxü̃ nangãxü̃ rü ñanagürü: —Dücax, cuxme̱xwa ingẽxma i ngẽma cuxü̃taxü̃. ¡Rü cuma cunaxwa̱xexü̃ãcüma ngĩmaxã naxü! —ñanagürü. Rü yexguma ga Charái rü inaxügü ga Agáxü̃ nax yama̱xü̃ü̃xü̃. Rü yemacha̱xwa ga Agá rü düxwa iyaxũ.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Yox 1:11

¡Rü dücax, nüxü̃ iyanaxoxẽxẽ i guxü̃ma i ngẽma nüxü̃́ ngẽxmaxü̃, rü ngẽxguma tá nüxü̃ cudau nax cupe̱xewatama cumaxã naguxchigaxü̃! —ñanagürü.

Yox 1:13

Rü wüxi ga ngunexü̃ ga yexguma nanegü rü naxacügü wüxi ga peta ga taxü̃ ínaxügüyane naenexẽ ga yacüpatawa, rü wüxi ga yatü Yoxpatawa nangu rü namaxã nüxü̃ nayarüxu ga ñaa ore: —Yexguma naanewa aimüaneruxü̃ i wocagümaxã ítapuracüeyane, rü ngẽma búrugü ga ingexü̃ rü torü ngaicamana nachibüe.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Norü taxre ga to ga popera ga ãẽ̱xgacügüchiga ümatüxü̃ 18:21

Rü yexguma ga nüma ga yema naãxẽ rü Tupanaxü̃ nangãxü̃ rü ñanagürü: “Choma rü tá doramare i ore naãẽwa íchanguxẽxẽ i ngẽma orearü uruü̃gü i Acáxü̃tawa ngẽxmagüxü̃”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Ore i mexü̃ ga Luca ümatüxü̃ 12:23

Erü perü maxü̃ rü õnaarü yexera nixĩ, rü pexene rü naxchiruarü yexera nixĩ.