Yox 1:1 - Tupanaarü Ore

¹ Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Yox 1:1 Referans Kwoze

Popera ga Chantiágu ümatüxü̃ 5:11

Yixema rü nüxü̃ tacua̱x nax nataãẽgüxü̃ ga yema duü̃xü̃gü ga mea Tupanaca̱x maxẽãmaxü̃ ga yexguma ngúxü̃ yangegügu. Rü pema nüxü̃ pecua̱x ga ñuxãcü yáxna namaxã naxĩnüxü̃ ga gumá Yox ga yexguma ngúxü̃ yangegügu. Rü nüxü̃ pecua̱x ga ñuxãcü yixcama tórü Cori ya Tupana nüxü̃ rüngü̃xẽẽxü̃. Erü nüma ya tórü Cori ya Tupana rü namecümaxüchi rü poraãcü nüxü̃́ tangechaü̃tümüü̃gü.

Echequié 14:14

Rü ngẽxguma chi ngẽma nachixü̃anewa namaxẽgu i Noé, rü Danié, rü Yox, rü ngẽma tomaepü̱xica chitama nixĩ i maxẽxü̃ erü aixcüma nayaxõgü. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Yox 2:3

Rü yexguma ga nüma ga Cori ya Tupana rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Rü tataxuma ya texé ya naxrüxü̃ ixĩxẽ, rü naxrüxü̃ chauga ĩnüxe, rü naxrüxü̃ mea maxü̃́xẽ, rü naxrüxü̃ chixexü̃wa ngechigaxe, rü naxrüxü̃ tügüna dauxe nax taxúemaxã chixexü̃ taxüxü̃ca̱x. Rü woo i cuma choxna naxca̱x cuca nax chixexü̃ nüxü̃ cungupetüxẽẽxü̃ca̱x nüma taxuxü̃ma i chixexü̃ naxüyane, natürü nüma rü nanaxa̱i̱xrügumaraxü̃mare i nacümawa rü taxuxü̃ma i chixexü̃ naxü —ñanagürü.

Yox 1:8

Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Naanearü ügüchiga 6:9

Rü ñaa nixĩ i Noéchiga. Rü nüma ga Noé rü wüxi ga yatü ga mecü nixĩ, rü guxü̃guma Cori ya Tupanaga naxĩnü. Rü natanüwa ga yema duü̃xü̃gü ga yexgumaxü̃cüü maxẽxü̃, rü nüxicatama nixĩ ga Cori ya Tupana naxwa̱xexü̃ãcü namaxü̃xü̃.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Ucu̱xẽgüchiga 8:13

Yíxema Tupanaga ĩnüxe rü naxchi taxai i chixexü̃. Choma i cua̱x rü naxchi chaxai i ngẽma nacüma i nügü icua̱xüüxü̃, rü nacüma i nügü írütaxü̃, rü nacüma i chixexü̃ üxü̃, rü nacüma i dora.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Auxexü̃chiga 4:21

Pa Edóü̃anearü Ĩane ya Taxü̃nex, rü cuma i Úxanewa cungexmaxü̃ rü ñu̱xma toxü̃ cucugü. Natürü cuxca̱x rü tá ta ínangu i ngẽma guxchaxü̃ i ñu̱xma tingegüxü̃. Rü ngẽmagagu rü ñoma wüxi i duü̃xü̃ i ngãxü̃xü̃ rü ngexchiruxü̃rüxü̃ tá quixĩ.

Ucu̱xẽgüchiga 16:6

Ngẽxguma texé aixcüma tümamücüxü̃ ngechaü̃gu, rü nüxü̃ tarüngüma i ngẽma guxchaxü̃ i tümamücü tümaca̱x ínguxẽẽxü̃. Rü ngẽxguma wüxíe aixcüma Cori ya Tupanaga ixĩnügu, rü nüxna tixũgachi i chixexü̃gü.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Nüxíraxü̃xü̃ ga popera ga Pedru ümatüxü̃ 3:11

Rü name nixĩ i nüxna tayaxü̃ i guxü̃ma i chixexü̃gü, rü mexü̃ taxü. Rü ngẽxgumarüxü̃ ta name nixĩ i naxca̱x tadau nax guxü̃guma duü̃xü̃gümaxã tamecümagüxü̃.

Yeremía 25:20

Rü yexgumarüxü̃ ta yema copuwa chayaxaxexẽẽgü ga guxü̃ma ga yema togü ga nachixü̃anecüã̱xgü ga Equítuanewa yexmagüxü̃. Rü nawa chayaxaxexẽẽgü ga guxü̃ma ga Úxchianearü ãẽ̱xgacügü, rü guxü̃ma ga Firitéugüanearü ãẽ̱xgacügü ga namaxã icua̱xgüxü̃ ga guma ĩanegü ga Acharóü̃ rü Gácha rü Ecróü̃ rü yema Adúxcüã̱x ga íyaxügüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:42

Rü Éche nanegü nixĩ ga Biáü̃, rü Chaabáü̃, rü Yaacáü̃. Rü Dicháü̃ nanegü nixĩ ga Úx, rü Aráü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:17

Rü Chéü̃ nanegü nixĩ ga Eráü̃, rü Achú, rü Arpacháx, rü Lux, rü Aráü̃. Rü Aráü̃ nanegü nixĩ ga Úx, rü Yúx, rü Guétex, rü Máx.

Ínachoxü̃xü̃chiga 18:21

¡Rü Iraégütanüxü̃wa yadexechi i yatügü nax curü ngü̃xẽẽruü̃gü yaxĩgüxü̃ca̱x! ¡Rü naxca̱x nadau i duü̃xü̃gü i nüxü̃ cua̱xgüxü̃ rü Tupanaga ĩnüexü̃, rü tama idorata̱xagüxü̃, rü tama diẽruca̱xmare daugüxü̃! Rü nüxü̃ naxuneta i ñuxre nax 1,000 i duü̃xü̃gümaxã inacúachigüxü̃ca̱x, rü togü i 100 i duü̃xü̃gümaxã inacúachigüxü̃ca̱x, rü togü i 50 i duü̃xü̃gümaxã inacúachigüxü̃ca̱x, rü togü i 10 i duü̃xü̃gümaxã inacúachigüxü̃ca̱x.

Naanearü ügüchiga 36:28

Rü Dicháü̃ nanegü nixĩ ga Úx, rü Aráü̃.

Naanearü ügüchiga 10:23

Rü Aráü̃ nane nixĩgü ga Úx, rü Yúx, rü Guétex rü ñu̱xũchi Máx.

Naanearü ügüchiga 42:18

Natürü yema tomaepü̱x ga ngunexü̃guwena rü ñanagürü nüxü̃: —Choma rü Tupanaxü̃ chamuü̃. ¡Rü Ñaa tá pexü! Rü ngẽxguma tá nixĩ i taxũtáma pexü̃ chadaixü̃.

Wenaxarü naxümatü ga Tupanaarü mugü 18:13

Rü ngẽmaca̱x i pema, rü penaxwa̱xe nax nagu pexĩxü̃ i ngẽma Cori ya perü Tupana naxwa̱xexü̃.

Yox 4:6

Rü cuma nax aixcüma Tupanaaxü̃́ cupuracüxü̃ rü mecü ya norü duü̃ quixĩxü̃ ¿rü ñuxãcü i tama aixcüma nüxna curüyoexü̃ ya yimá curü Tupana?

Yox 9:21

Choma rü taxuxü̃ma i chixexü̃ chaxü, natürü choxü̃ nanataxuraü̃ma nax chamexü̃. Rü marü chipa nax chamaxü̃xü̃ i ñoma i naanewa.

Ucu̱xẽgüchiga 3:7

¡Rü taxṹ i cugü nüxü̃ ícurücuáã̱xü̃xü̃! ¡Rü narümemae nixĩ nax Tupanaga cuxĩnüxü̃ rü nüxna quixũgachixü̃ i ngẽma chixexü̃!

Ucu̱xẽgüchiga 14:2

Yimá yatü ya mecümacü, rü Cori ya Tupanaga naxĩnü. Natürü ngẽma yatü i chixexü̃ i nacümagu maxü̃xü̃, rü tama Cori ya Tupanaga naxĩnü.

Ucu̱xẽgüchiga 14:16

Yíxema cua̱x tüxü̃́ ngẽxmaxe rü tamuü̃ nax chixexü̃ taxüxü̃, rü nüxna tixũgachi. Natürü ngẽma duü̃xü̃ i naechitamare maxü̃xü̃, rü nüxü̃́ nanataxuraxü̃ ega chixexü̃ naxü̱xgu.

Ucu̱xẽgüchiga 16:17

Ngẽma duü̃xü̃gü i mexü̃gu maxẽxü̃, rü nüxna nixĩgachi i nacüma i chixexü̃. Rü ngẽxguma mea nüxna ida̱u̱xgu i tacüma, rü yigünatama nixĩ idauxü̃.

Ucu̱xẽgüchiga 20:7

Tupanape̱xewa tame ya yíxema ngearü chixexü̃ã́xe. Rü ngẽma tümaxacügü i tümacümagu ĩxü̃ rü nataãẽgü.