Yoná 4:9 - Tupanaarü Ore

⁹ Natürü nüma ga Tupana rü nanangãxü̃ rü ñanagürü: —¿Cuxca̱x rü namexü̃ nax ngẽmaãcü cunuxü̃ nagagu nax nayumaxü̃xü̃ i ngẽma nanetü? —ñanagürü. Rü nüma ga Yoná rü Tupanaxü̃ nangãxü̃ rü ñanagürü: —Ngẽmáacüx, cha̱u̱xca̱x name i ngẽma, erü ngẽma chorü numaxã chayuxchaü̃ —ñanagürü.

Yoná 4:9 Referans Kwoze

Yox 18:4

¿Ẽ̱xna nagu curüxĩnügu rü curü nugagu rü tá nangeãcu i ñoma i naane rüe̱xna yimá nutagü rü tá nachicawa nixĩgachi?

Yox 5:2

Rü ngẽma naechita maxẽxü̃ rü ngẽma norü nu rü norü ngúchaü̃ düxwa yuwa nanagagü.

Ãẽ̱xgacügü ga guxchaxü̃güarü mexẽxẽruü̃gü 16:16

Rü ngĩma ga Daríra rü wüxichigü ga ora nüxü̃ ica̱a̱xü̃echa rü yemaca̱x ga nüma ga Chanchóü̃ rü düxwa tama yáxna namaxã naxĩnü rü yuxgu nügümaxã narüxĩnü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:6

Rü ngẽma ngunexü̃gügu rü duü̃xü̃gü tá naxca̱x nadaugü nax nayuexü̃, natürü taxũtáma nayue. Rü woo nanaxwa̱xegüxüchi nax nayuexü̃, natürü taxucürüwatama nayue.

2 Corintios 7:10

Rü ngẽma ngechaü̃ ya Tupana pexca̱x ínguxẽẽxü̃, rü ngẽmagagu nüxü̃ perüxoe i pecüma i chixexü̃ rü penayaxu i maxü̃ i taguma gúxü̃. Rü ngẽmaca̱x taxuca̱xma tü̱xcüü̃ pexoegaãẽgü. Natürü ngẽma ngechaü̃ i ñoma i naanewa ngẽxmaxü̃ rü yuwa tüxü̃ naga.

Ore i mexü̃ ga Matéu ümatüxü̃ 26:38

Rü yexguma ga Ngechuchu rü ñanagürü nüxü̃: —Poraãcü changechaü̃ rü nagu charüxĩnü rü ngẽmamaxã tá chayu. ¡Rü nuxã perücho i pemax, rü chauxrüxü̃ ipedaue! —ñanagürü.

Yox 36:18

Rü ngẽmaca̱x ¡mea cugüna nadau nax tama cuxü̃ nawomüxẽẽxü̃ca̱x i curü diẽru rü curü ngẽmaxü̃gü!

Yoná 4:1

Rü tama Yonáãẽwa name ga yema mexü̃ ga Nínibecüã̱xmaxã naxüxü̃ ga Tupana rü poraãcü nanu.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Yoná 4:10

Rü yexguma ga nüma ga Cori ya Tupana rü nanangãxü̃ rü ñanagürü nüxü̃: —Cuma rü tama icunato ga yema nanetü rü tama cunayaxẽxẽ. Rü wüxitama ga chütaxü̃ rü nango̱x rü to ga chütaxü̃ rü marü nayu. Natürü i cumax rü cuxü̃́ nangu̱x nax nayuxü̃.

Nüxíraxü̃xü̃ ga popera ga ãẽ̱xgacügüchiga 21:4

Rü yema Nabúarü ngãxü̃gagu rü nüma ga Acáx rü nangechaü̃ãcüma rü nanuãẽãcüma napataca̱x nataegu, yerü Nabú rü namaxã nüxü̃ nixu ga tagutáma nüxna nax naxããxü̃ ga yema naane ga nanatü nüxna ãxü̃. Rü nüma ga Acáx rü nachiü̃wa nangu, rü naxchiãü̃gü nayaca, rü ĩxtapü̱xguama nabuenü, rü tama nachibüchaü̃.