Yoná 4:5 - Tupanaarü Ore

⁵ Rü nüma ga Yoná rü ínaxũxũ nawa ga guma ĩane. Rü guma ĩanearü éstewaama naxũ rü yexma nanaxü ga norü düxenü ga naixatünaxca̱x. Rü yéma nüxü̃ nadawenü rü tá ta̱xacü nüxü̃ ngupetü ga guma ĩane.

Yoná 4:5 Referans Kwoze

Nüxíraxü̃xü̃ ga popera ga ãẽ̱xgacügüchiga 19:13

Rü yexguma yema nagaxü̃ naxĩnügu ga Ería, rü nügü nidüxchiwe norü gáuxü̃chirumaxã. Rü ínaxũxũ ga yema ma̱xpǘnearü ãxmaxü̃wa rü naa̱xgu nayachi. Rü yexma nachiyane rü nüxü̃ naxĩnü ga wüxi ga naga ga nüxü̃ ñaxü̃. —¿Ta̱xacü ngéma cuxü, Pa Eríax? —ñaxü̃.

Nüxíraxü̃xü̃ ga popera ga ãẽ̱xgacügüchiga 19:9

Rü yexguma guma ma̱xpǘnewa nanguxgu ga Ería rü wüxi ga ãxmaxü̃gu naxücu, rü yéma nanangupetüxẽxẽ ga chütaxü̃. Rü nüma ga Cori ya Tupana rü namaxã nidexa, rü ñanagürü nüxü̃: —¿Ta̱xacü nua cuxü, Pa Eríax? —ñanagürü.

Ichaía 57:17

Rü yema Iraétanüxü̃arü pecadugagu nixĩ ga noxri chanuxü̃ rü chanapoxcuexü̃ rü nüxna chixũgachixü̃. Natürü ga nümagü rü chomaxã nanueama rü yexera norü ngúchaü̃we narüxĩ.

Yoná 1:5

Rü yema norü duü̃xü̃gü ga guma wapuru rü poraãcü namuü̃e, rü yemaca̱x wüxichigü norü tupanaarü ngü̃xẽẽca̱x ínaca. Rü yema nax iyangüãchixü̃ca̱x ga guma wapuru rü ínanawoxü̃ ga guxü̃ma ga yema naãcu. Natürü nüma ga Yoná rü guma wapuruarü aixepegu naxücu rü yéma nayape.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Yoná 4:4

Natürü nüma ga Cori ya Tupana rü nanangãxü̃ rü ñanagürü: —¿Cuxü̃́ namexü̃ nax ngẽmaãcü cunuxü̃? —ñanagürü.

Yoná 4:6

Rü nüma ga Tupana rü naxca̱x yéma nanaxüxẽxẽ ga wüxi ga nanetü ga ãátüxü̃ nax yemamaxã naga̱u̱xchipetaxü̃ca̱x, rü tama nangechaü̃xü̃ca̱x. Rü nüma ga Yoná rü poraãcü yemamaxã nataãxẽ.