Yoná 4:2 - Tupanaarü Ore

² Rü yemaca̱x ñaãcü nayumüxẽ: —Dücax, Pa Cori Pa Tupanax, rü ngẽma ñu̱xma Nínibewa ngupetüxü̃ nixĩ ga yema nüxü̃ chixuxü̃ ga yexguma chauchixü̃anewatama chayexmagu. Rü yemaca̱x nixĩ ga cuxcha̱xwa chixũxü̃táa̱x nax Tárchixwa chaxũxü̃ca̱x, yerü nüxü̃ chacua̱x rü cuma rü wüxi ya Tupana ya mecümacü rü ngechaü̃wa̱xecü quixĩ rü tama paxa cunu. Rü ngẽma curü ngechaü̃ rü nataxüchi. Rü ngẽmaca̱x woo texémaxã poxcu cuxuegu̱xgu rü paxãma nagu curüxĩnü, rü tama tüxü̃ cupoxcu ega nüxü̃ tarüxoegu i tümacüma i chixexü̃.

Yoná 4:2 Referans Kwoze

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Wiyaegü 145:8

Rü nüma ya Cori ya Tupana rü namecüma rü nüxü̃́ tangechaü̃tümüxü̃ rü yáxna tamaxã naxĩnü rü tüxü̃ nangechaü̃.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Yeremía 18:8

Natürü ngẽxguma chi ngẽma nachixü̃ane rü nüxna yaxũgachigu i ngẽma chixexü̃ i nagu namaxü̃xü̃, rü marü taxũchima naxca̱x ngéma chanamu i ngẽma poxcu i naxca̱x íchamexẽẽxü̃.

Ínachoxü̃xü̃chiga 32:14

Rü nüma ga Cori ya Tupana rü ínayachaxãchi nawa ga yema norü duü̃xü̃gümaxã naxueguxü̃ nax nadaixchaü̃xü̃.

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

Amúx 7:3

Rü yexguma nüma ga Cori ya Tupana rü nüxü̃́ nangechaxü̃tümüxü̃ ga yema duü̃xü̃gü. Rü tama nayanguxẽxẽ ya yema nagu naxĩnüxü̃, rü ñanagürü: —¡Ngẽma rü taxũtáma nangupetü! —ñanagürü.

Yoná 3:10

Rü Tupana rü nüxü̃ nadau ga yema Nínibecüã̱x ga duü̃xü̃gü ügüxü̃ nax ñuxãcü nüxü̃ naxoexü̃ ga nacüma ga chixexü̃. Rü yemaca̱x ga nüma ga Tupana rü ínayachaxãchi ga yema poxcu ga noxri namaxã naxueguxü̃.

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.

Nüxíraxü̃xü̃ ga popera ga ãẽ̱xgacügüchiga 19:4

Rü yemawena rü taxúema íxãpataxü̃wa naxũ. Rü wüxi ga ngunexü̃ inixũ, rü wüxi ga naixtüü̃wa nayarütoõchi. Rü nügügu naxĩnügu rü nayuxchaü̃. Rü yemaca̱x Cori ya Tupanaxü̃ ñanagürü: —¡Marütama, Pa Corix, rü choxna nayaxu i ñaa chorü maxü̃! Erü woetátama chayu rü narümemae nax ñu̱xmatama chayuxü̃ —ñanagürü.

Amúx 7:6

Rü yexguma nüma ga Cori ya Tupana rü nüxü̃́ nangechaxü̃tümüxü̃ ga yema duü̃xü̃gü. Rü tama nayanguxẽxẽ ga yema nagu naxĩnüxü̃, rü ñanagürü: —¡Ngẽma rü ta rü taxũtáma nangupetü! —ñanagürü.

Wiyaegü 90:13

Pa Corix ¡toxca̱x nataegu! ¡Rü taxṹ i cuyamáchigüxẽxẽxü̃ nax toxca̱x cutaeguxü̃! Rü toma nax curü duü̃xü̃gü tixĩgüxü̃ rü ¡cuxü̃́ tangechaxü̃tümüxü̃gü!

Ore i mexü̃ ga Luca ümatüxü̃ 10:29

Natürü ga yema ngúexẽẽruxü̃ ga Moichéarü mugüwa ngu̱xẽẽtaexü̃, rü nügüétüwa nachogüchaü̃. Rü yemaca̱x Ngechuchuna naca, rü ñanagürü: —¿Rü texé tixĩ ya chomücü? —ñanagürü.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.

Wiyaegü 103:8

Rü nüma ya Cori rü namecüma rü nüxü̃́ tangechaü̃tümüü̃gü rü yáxna tamaxã naxĩnü rü poraãcü tüxü̃ nangechaü̃.

Yeremía 26:13

¡Ẽcü mea pemaxẽ, rü mexü̃ i nacümagu pexĩ, rü Cori ya perü Tupanaga pexĩnüe! Rü ngẽxguma i nüma rü taxũtáma pexca̱x ínanangu̱xẽxẽ i ngẽma poxcu i pemaxã nüxü̃ yaxuxü̃.

Yeremía 42:10

“Ngẽxguma chi penaxwa̱xegu nax ñaa naanewa pengẽxmagüxü̃ rü tá pexü̃ charüngü̃xẽxẽxü̃ nax mea pexü̃ nangupetüxü̃ca̱x. Rü taxũtáma pexü̃ chadai. Rü ñaa naanewa tá mea pexü̃ changexmagüxẽxẽ rü taxũtáma nawa pexü̃ íchawoxü̃, erü poraãcü choxü̃́ nangu̱x nax pexca̱x íchananguxẽxẽxü̃ i ngẽma poxcu i ñu̱xma nawa pengẽxmagüxü̃.

Yoná 3:9

Rü bexmana ngẽxguma ya Tupana rü tá nüxü̃́ ingechaü̃tümüxü̃gü rü tá narüngüxmü nax tamaxã nanuxü̃, rü taxũtáma tüxü̃ nadai —ñanagürügü.