Yoná 2:6 - Tupanaarü Ore

⁶ Rü yema mártamagu changu rü choma nagu charüxĩnügu rü marü taguchima yéma íchanguxuchi. Natürü cumax, Pa Cori Pa Chorü Tupanax, rü choxü̃ ícuyaxuchi nawa ga yu.

Yoná 2:6 Referans Kwoze

Wiyaegü 30:3

Rü nawa choxü̃ ícunguxuchixẽxẽ i ngẽma yu rü choxü̃ cumaxẽxẽ. Rü ngẽmaca̱x tama chayu.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ichaía 38:17

Rü dücax, yema ngúxü̃ ga chingexü̃ rü ñu̱xma rü taãẽxü̃ choxü̃́ nayanguxuchi. Rü cuma nixĩ ga yema ãxmaxü̃ ga ãũcümaxü̃wa nüxna cudauxü̃ ga chorü maxü̃, yerü choxü̃́ nüxü̃ curüngü̃ma ga guxü̃ma ga yema chorü chixexü̃gü.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Abacú 3:6

Rü ngẽxguma iyachiãchigu ya nüma ya Tupana, rü ñoma i naane rü nidu̱xruane. Rü ngẽxguma ñoma i naanegu nadawenügu rü ngẽma nachixü̃anegü rü naxĩã̱xãchigü, rü yima nũxcümaü̃güne ya ma̱xpǘnegü rü nabu rü nangĩãchi. Natürü ngẽma Cori ya Tupana nagu rüxĩnüxü̃ rü taguma inarüxo.

Ichaía 40:12

¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Wiyaegü 104:8

Rü nangóe ga guma ma̱xpǘnegü rü ngatexü̃gü yerü ga yema dexá rü wüxiwa naxũxü̃chíxü. Rü yemaacü ga yema dexá rü yema nachica ga namaxã nüxü̃ cuxunetaxü̃wa naxũ.

Wiyaegü 104:6

Rü noxriarü ügügu rü yema már ga mátamaxü̃ rü waixü̃müétügu nixü rü woo ga guma ma̱xpǘnegü rü naétügu nixü.

Wiyaegü 65:6

Rü cuma rü curü poramaxã cunango̱xẽxẽ ya yima ma̱xpǘnegü. Rü yemaacü icunawe̱x i curü pora.

Wiyaegü 55:23

Cumax, Pa Chorü Tupanax, rü tá icuyanaxoxẽxẽ i ngẽma chixexü̃ ügüxü̃ rü yumaxã tá cunapoxcue, rü naxmaxü̃gu tá cunawocu. Rü ngẽma duü̃xü̃gü i máxwa̱xegüxü̃ rü idorata̱a̱xgüxü̃ rü taxũtáma ngãxü̃ i norü maxü̃wa nangugü nax namaxẽxü̃. Natürü i choma rü cuxü̃́ chayaxõ.

Wiyaegü 30:9

Rü ñachagürü: —Pa Corix, Pa Tupanax ¿ta̱xacüwa cuxü̃́ namexü̃ ega chayu̱xgu rü cho̱xma̱xü̃wa chaxũxgu? Erü ngẽma waixü̃müte̱xe rü tama cuxü̃ nicua̱xüxü̃ rü tama nüxü̃ nixu nax cuma rü aixcümacü quixĩxü̃ —ñachagürü.

Yox 33:28

Rü nawa choxü̃ ínanguxuchixẽẽãma i ngẽma yu. Rü ngẽmaca̱x i ñu̱xmax rü ngóonexü̃wa changexma”, ñanagürü.

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

Wiyaegü 18:5

Rü yema choxmaxü̃ rü choxü̃ niyauxchaü̃. Rü chope̱xegu nanaxǘ ya yütagü nax choxü̃ yama̱xgüxü̃ca̱x.

Wiyaegü 116:3

Rü ngẽma yu rü choxü̃ niyauxchire̱x rü wixguxüchi choxü̃ nima̱x. Rü chaba̱i̱xãchi rü chamuü̃.

Ichaía 38:10

—Choma rü chaugümaxã ñachagürü: “Taxũtáma nawa nanguyane nax yaxguã̱x chixĩxü̃ rü Tupana chomaxã nanaxuegu nax chayuxü̃ rü ngẽmaãcü yuexü̃tanüwa chayanguxẽẽxü̃ca̱x ya yimá naigü ya taunecü ya choxü̃́ íyaxügücü”, ñachagürü.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.

Echequié 31:14

‘Rü ñu̱xmacürüwa rü woo muxü̃ma i natügüxü̃tawa naxüxgu rü marü taxũtáma nangẽxma i to i nai i naxrüxü̃ máchanexü̃chixü̃. Rü woo yamecagu rü taxũtáma nangema i to i nai i natape̱xe caixanexü̃wa nguxü̃. Rü guxü̃táma nayue rü waixü̃mütüü̃wa naxĩ naxrüxü̃ i ngẽma marü naxmaxü̃wa ngẽxmagüxü̃’.

Wiyaegü 69:2

Rü ñoma wüxi i ãcharaxü̃wa rü waxü̃rüxü̃ chixĩ. Rü taxuguma chayayauxãchiéga. Rü ñoma mátamaxü̃chixü̃ i dexáwa ingaxgurüxü̃ chixĩ nax choxü̃ yachaxẽẽxü̃ i poraxü̃chíüxü̃.