Yoná 2:4 - Tupanaarü Ore

⁴ Rü nagu charüxĩnü rü marü cugüxü̃tawa choxü̃ ícuta̱xüchi. Rü nüxü̃ chacua̱xgu rü tagutáma wena nüxü̃ chadau ya cupata ya üünene.

Yoná 2:4 Referans Kwoze

Wiyaegü 31:22

Rü yexguma guxchaxü̃wa chayexmayane rü nagu charüxĩnü nax choxna quixũgachixü̃. Natürü yexguma cuxna chacaxgu nax choxü̃ curüngü̃xẽẽxü̃ca̱x, rü cuma rü choxü̃ cuxĩnü nax aita cuxca̱x chaxüxü̃.

Wiyaegü 5:7

Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Ichaía 38:17

Rü dücax, yema ngúxü̃ ga chingexü̃ rü ñu̱xma rü taãẽxü̃ choxü̃́ nayanguxuchi. Rü cuma nixĩ ga yema ãxmaxü̃ ga ãũcümaxü̃wa nüxna cudauxü̃ ga chorü maxü̃, yerü choxü̃́ nüxü̃ curüngü̃ma ga guxü̃ma ga yema chorü chixexü̃gü.

Norü taxre ga to ga popera ga ãẽ̱xgacügüchiga ümatüxü̃ 6:38

rü ngẽxguma ngẽma nachixü̃ane i nawa nagagüãxü̃wa guxü̃nema ya norü maxü̃nemaxã rü naãẽmaxã cuxca̱x nawoegu̱xgu, rü ngẽxguma ñaa nachixü̃ane i norü o̱xigüna cuxãxü̃guama, rü daa curü ĩane ya cumatama nüxü̃ cuxunetaneguama, rü daa cupata ya taxü̃ne ya cuxca̱x chaxüxü̃neguama nadaunüãcüma nayumüxẽgügu,

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

Yeremía 7:15

Natürü choma rü chope̱xewa tá pexü̃ íchawoxü̃, Pa Yudátanüxü̃x, yexguma ü̃pa peenexẽgü ga Efraíü̃tanüxü̃xü̃ íchawoxü̃gurüxü̃’ ” —ñanagürü.

Echequié 37:11

Rü yexguma ga Cori ya Tupana rü ñanagürü choxü̃: —Ngẽma Iraétanüxü̃ rü daa naxchina̱xãgürüxü̃ nixĩgü. Rü nügümaxã ñanagürügü: “Rü yixemagü rü ñoma naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu”, ñanagürügü.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Ichaía 49:14

Nüma i Chióü̃cüã̱xgü rü ñanagürügü: —Cori ya Tupana rü marü tüxna nixũgachi rü tüxü̃ ínawogü —ñanagürügü.

Nüxíraxü̃xü̃ ga popera ga ãẽ̱xgacügüchiga 8:48

rü ega ngẽma nachixü̃anewa aixcüma cuga naxĩnüegu rü ñaa naane ga torü o̱xigüna cuxãxü̃guama nadaunüãcüma nayumüxẽgügu, rü daa ĩane ya Yerucharéü̃ ga cuma nüxü̃ cuxunetanegu rü daa cupata ya taxü̃ne ya cuxca̱x chaxüxü̃neguama nadaunüãcüma nayumüxẽgügu,

Yoná 2:7

Rü yexguma nagu charüxĩnügu ga marü nax chingo̱xochixü̃ nax chayuxü̃ca̱x, rü cuxna chacua̱xãchi, Pa Cori Pa Tupanax, rü cumaxã chidexa. Rü yema chorü yumüxẽ rü yima cupata ya üünene ya nawa cungexmanewa nangu.

Wiyaegü 42:8

Rü guxü̃ i ngunegu rü nüma ya Cori ya Tupana choxü̃ nanawe̱x nax choxü̃ nangechaü̃xü̃. Rü chütacü rü chawiyae rü namaxã chidexa ya Tupana ya choxü̃ maxẽẽcü.

Wiyaegü 88:6

Rü ngẽma ãxmaxü̃ i ma̱xmaxü̃chixü̃wa choxü̃ cuta̱x i ngextá ínawaanexüchixü̃wa.

Wiyaegü 88:7

Rü chauétü cunanguxẽxẽ i ngẽma curü nu. Rü poraãcü ãũcümaxü̃wa choxü̃ cungexmaxẽxẽ ñoma dexágu inguxgurüxü̃.

Auxexü̃chiga 3:54

Rü guxü̃ma ga chaxune rü dexáwa nangẽxma, rü nagu charüxĩnü nax marü tá chayuxü̃.