Yoná 2:2 - Tupanaarü Ore

² —Pa Corix, yexguma poraãcü ãũcümaxü̃wa chayexmagu, rü cuxna chaca nax choxü̃ curüngü̃xẽxẽxü̃ca̱x. Rü cuma rü choxü̃ cungãxü̃. Rü yexguma márwa chayexmagu rü nagu charüxĩnü rü marü tá chayu. Natürü yéma cuxna chaca rü choxü̃ cuxĩnü.

Yoná 2:2 Referans Kwoze

Wiyaegü 120:1

Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

Ore i mexü̃ ga Matéu ümatüxü̃ 12:40

Rü yexgumarüxü̃ ga Yoná ga tomaepü̱x ga ngunexü̃ rü tomaepü̱x ga chütaxü̃ choxni ga taxü̃ãnüwa nax nayexmaxü̃ rü ngẽxgumarüxü̃ tá ta nixĩ ya Tupana Nane ya duü̃xü̃xü̃ ixĩcü i tomaepü̱x i ngunexü̃ rü tomaepü̱x i chütaxü̃ naxma̱xü̃ i nagu yaxǘcuchixü̃wa nangẽxmaxü̃.

Wiyaegü 116:3

Rü ngẽma yu rü choxü̃ niyauxchire̱x rü wixguxüchi choxü̃ nima̱x. Rü chaba̱i̱xãchi rü chamuü̃.

Wiyaegü 22:24

Erü nüma ya Cori ya Tupana rü taguma tüxü̃ inarüngüma ya yíxema ngearü diẽruã̱xgüxe ya ngúxü̃ ingegüxe rü taguma tümacha̱xwa inicu̱x. Rü nüma ya Tupana rü tüxü̃ naxĩnü ega nüxna ica̱xgu, rü tüxü̃ narüngü̃xẽxẽ.

Wiyaegü 4:1

Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ichaía 14:9

Rü ngẽma yuexü̃ i waixü̃mütüü̃wa ngẽxmagüxü̃ rü nanaxĩ̱xãchiãẽgü cuxca̱x nax ngéma cunguchaü̃xü̃. Rü naãẽgü i ngẽma yuexü̃ rü naba̱i̱xãchie. Rü guxü̃ma i ñoma i naanearü ãẽ̱xgacügü i yuexü̃ rü ínachoxü̃ nax cuxü̃ nayauxgüxü̃ca̱x. Rü guxü̃ma i nachixü̃anegüarü ãẽ̱xgacügü i yuexü̃ rü cuxca̱x inachigü i norü tochicaxü̃wa.

Wiyaegü 65:2

Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.

Wiyaegü 61:2

Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ngechuchuarü ngúexü̃gü ga yamugüxü̃arü puracüchiga 2:27

Erü cuma taxũtáma yuexü̃tanüwa choxü̃ cuta̱x, rü taxũtáma cunaxwa̱xe nax yayixixü̃ i chauxune i choma ya Cune ya Üünecü nax chixĩxü̃.

1 Chamué 1:16

¡Rü taxṹ i nagu curüxĩnüxü̃ rü choma rü wüxi i nge i chixecü chixĩxü̃! Rü guxü̃ma i ñaa ngunexü̃gügu rü íchayumüxẽ naxca̱x i ngẽma chorü oegaãxẽ rü ĩ̱xãchiãxẽ —ngĩgürügü.

Auxexü̃chiga 3:55

Rü chomax, Pa Corix, Pa Tupanax, rü ñaa ãxmaxü̃wa changexmayane rü cuxna chacagü.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.

Echequié 31:14

‘Rü ñu̱xmacürüwa rü woo muxü̃ma i natügüxü̃tawa naxüxgu rü marü taxũtáma nangẽxma i to i nai i naxrüxü̃ máchanexü̃chixü̃. Rü woo yamecagu rü taxũtáma nangema i to i nai i natape̱xe caixanexü̃wa nguxü̃. Rü guxü̃táma nayue rü waixü̃mütüü̃wa naxĩ naxrüxü̃ i ngẽma marü naxmaxü̃wa ngẽxmagüxü̃’.

Norü taxre ga to ga popera ga ãẽ̱xgacügüchiga ümatüxü̃ 33:12

Natürü yexguma taxü̃ ga ĩ̱xãchiãxẽ naxca̱x ínguxgu, rü Cori ya norü Tupanana naca nax nüxü̃́ nüxü̃ iyanangümaxü̃ca̱x ga norü chixexü̃gü ga naxüxü̃. Rü norü o̱xigüarü Tupanape̱xegu nügü ínarüxíxra.

Ore i mexü̃ ga Luca ümatüxü̃ 11:10

Erü guxãma ya yíxema naxca̱x íca̱xe rü tanayaxu, rü guxãma ya naxca̱x dauxe rü nüxü̃ itayangau. Rü guxãma ya ĩã̱xwa nüxna cagüxe, rü tümaca̱x tá nayawãxna i ĩã̱x.